رأيكم يهمنى

[♥ MONY ♥]

بسم الله الرحمن الرحيم

ازيكم يا احلى اساطير

بصراحة انا حصل موقف امبارح معايا و كنت عايزة اخد رأيكم فيه لانى بحس انكم فعلا اخواتى

كانت فى مشكلة بين خالى و ابنه احمد و السبب انه بيغيب من المدرسة

فخالى اتعامل مع المشكلة بالطريقة دى نزل ابنه الشقة اللى تحت اللى هى فاضية و قفل بالمفتاح عشان مش حد يدخل و بعد كده ربط ايده و رجله و قلعه هدومه و نزل عليه ضرب بسلك كهربا اكتر من نص ساعة بيضربه بسلك الكهربا

و نزل بابا و ماما و جدى و كل اللى فى البيت و قعدوا يخبطوا عليه و هو مش رضى يفتحلهم خالص و قعد يضرب فيه و الله اكتر من نص ساعة

و بعد نص ساعة من ضربه فتح بإلحاح من بابا و زعيق ليه بحكم ان بابا ابن عمه و اكبر منه

و اخدوا خالى فوق و بعدين لبسوا احمد هدومه و طلعوه فوق فأنا دخلت اشوف احمد و الله العظيم مش فى حتة فى جسمه مش مفتوحة

كل جسمه مفتوح من الضرب و عمال ينزل دم و اتحيلنا على خالى عشان نوديه مستشفى مش رضى مع ان ابنه كان كل جزء فى جسمه بينزف

و بعدين كان بابا بيكلمه و بيزعقله عشان اللى عمله و هو عمال يقول يستاهل و الله انا مش لحقت اضربه ده انا كنت لسه هتسلى بيه طول الليل فأنا من غير ما اشعر قولتله ( بس اللى انت عملته ده حرام و ربنا هيحسبك عليه ) و من غير ما اشعر بحاجة اعدت اعيط على منظر احمد و خالى فضل يضحك و يقول طيب انتى مضايقة ليه فقولتله ( عشان انت مفترى ) ( ربنا مديك شوية قوة افتريت بيها على انسان ضعيف ) و قومت قلت لماما انا طلعة شقتنا و مش داخلة البيت ده تانى فى حياتى

و هو فضل يضحك ولا همه حاجة ولا همه حد

الموضوع ده حارق دمى اوى و مش خلانى عرفت انام طول الليل من المنظر و الله العظيم ده تعزيب ان يكتف انسان ضعيف و يعد يضرب فيه

حاجة تقطع القلب ولا منظر جسمه اشبه بأنه جسمه كله متقطع و عمال يجيب دم و مش عارفين نوقفه

و اللى حارق دمى اكتر ان مامتى عايزانى انزل اعتزرله عن كلمة مفترى
مع انها نفسها كانت بتبكى من المنظر و اخت احمد و مامته كانوا عمالين يعيطوا و مش قادرين ينطقوا من الخوف و بعد ما قولت كده لخالى قالتلى اخته كنت هموت و اقوله اكتر من كده بس كنت خايفة انه يضربنى زيه

يا جماعة بجد انا محروق دمى و عايزة اعرف رأيكم فاللى حصل
و هل فعلا دى التربية و انا اللى غبية
ولا انا صح و ده اكبر حرام ان انسان قوى يفترى على واحد اضعف منه
و هل خالى ده يستحق انى اعتزرله

بجد محتاجة رأيكم

[القلب الشجاع]

حاضر وجه القمر انا هاجاوبك
بس هدى نفسك شويه وخليكى معايا
والافضل تقومى تعمليلك واحد ليمون يهدى اعصابك لما اخلص

[Brave Heart]

التعذيب ال عمله حرام

الضرب البسيط مسموح

لكن بالطريقه ده ابنه هيتعقد

وممكن يهرب بعد كده

انصحى خالك نصيحه بسيطه

يضم ابنه ويقرب منه ويعلمه بالعقل

لان الضرب وسيله للترهيب وبتزيد من اخطاء الانسان

[♥ MONY ♥]

حاضر وجه القمر انا هاجاوبك
بس هدى نفسك شويه وخليكى معايا
والافضل تقومى تعمليلك واحد ليمون يهدى اعصابك لما اخلص




انا اكيد منتظرة ردك و انا هحاول اهدى شوية



التعذيب ال عمله حرام

الضرب البسيط مسموح

لكن بالطريقه ده ابنه هيتعقد

وممكن يهرب بعد كده

انصحى خالك نصيحه بسيطه

يضم ابنه ويقرب منه ويعلمه بالعقل

لان الضرب وسيله للترهيب وبتزيد من اخطاء الانسان






يا ريته يعرف الكلام ده بس هو مش بيسمع لحد ابدا

و انا حاولت معاه و هو مش سمع و ناس كتير حاولت لدرجة انه و هو مسافر نزل يلف على المحلات عشان يشترى حاجة خرزانة او حاجة زى كده و لما اصحابوا عرفوا انه جايبها عشان ابنه اتخانقوا معاه و رموها

و هو مش راضى يسمع لاى حد عشان كده حلفت انى عمرى مهكلمه تانى فى حياتى

بس يا حرام ابنه زنبه ايه و هو فعلا بعد اللى حصله ده ممكن يهرب و مش لقيا حد عارف يوقفه
مش فى ايدى غير انى ادعيله

[القلب الشجاع]

أولا : رأى الدين فى هذا الأمر .. حرام تعذيب الأبناء بهذه القسوة صاحب هذه الفتوى الدكتور مبروك عطية فى برنامج الموعظة الحسنة يذاع كل يوم جمعه على قناة دريم 2 الساعة 3 عصرا خطورة هذا الأمر تؤدى إلى عقدة للطفل الذى يعذب هذا عندما يبلغ أشده ويشتد ساعده يقتل أبوه الذى كان يعذبه ويدخلا سويا النار .. الأب لتعذيبه الابن وسبب فى الجريمة والابن بسبب قتل النفس الذى حرم الله إلا بالحق واى نفس أبوه.
-------
ولكن أنت ذكرت أن الابن يغيب من المدرسة ولا تقصدى بيزوغ من المدرسة وعنده كآم سنه. يعى داخل على سكة انحراف سلوكى واخلافى مثلا أنا أؤكد لكى انه لا بد من وجود دوافع لدى الأب تؤدى إلى ذلك . وأنا اسئلك اليس خالك هذا عاقلا ورشيدا وذو رأى يؤخذ به . أم هكذا هى تصرفاته تشوبها الافتراء والتسرع والعصبية وعدم تقدير الموقف .
سمعت وكم سمعت عن الجرائم باختلاف أنواعها وتفاصيلها وكما ذكرت فى قصة الاغتصاب المبتكرة التى ذكرتيها بمشاركة آخرى والإبداع الاجرامى فى الطرق الحديثة بالتأكيد من شباب من أمثال المنحرفين . فإنه للآسف نسمع كثيرا هذه الأيام عن شباب يعتبروا أطفال من سن 15 الى 25 سنه تقوم بتعاطى المخدرات وارتكاب الفواحش والعياذ بالله وقانا الله وإياكم . وبالأمس كان لى صديق يحكى مثل هذا الأمر ولكن السبب أن ابنه فى سن العشرين التقى برفقاء السوء وتعاطوا البنجو الذى يُذهب العقول ويحول الإنسان الى حيوان . وبدءوا فى الانحراف وعندما علم والده بهذا الأمر أخذه الى غرفة بسطح المنزل وقيده من يديه ورجليه واحضر عم هذا الولد الذى هو اخ الوالد وكلفه بحراسته ليل نهار ولمدة مايقرب من شهر مع التعذيب . اليوم أصبح الولد بسم الله ماشاء الله ملتزم ومتدين واشتغل بالتجارة ومعه توكيلات من كبرى الشركات .
ولا أقول هذا كله صحيح ولكن نعود الى الفتوى فى بداية روايتى هذه وأقول الوقاية خير من العلاج وأكررها الوقاية خير من العلاج . لو أن الأب تابع ابنه فى المدرسة واختار لأبنائه الأصحاب لكان خير الأب وخير الابن وما ذهبا لكل هذه الوحشية فى إدارة الموقف.
------
أرجو ان ينال تفسيرى للأمر رضاكم
ولا أجد انه يجب عليك الاعتذار عما قلت
ولكن بعد يوم او اثنان على الأكثر
تذهبى الى منزله باى حجه وتصافحيه

[♥ MONY ♥]

أولا : رأى الدين فى هذا الأمر .. حرام تعذيب الأبناء بهذه القسوة صاحب هذه الفتوى الدكتور مبروك عطية فى برنامج الموعظة الحسنة يذاع كل يوم جمعه على قناة دريم 2 الساعة 3 عصرا خطورة هذا الأمر تؤدى إلى عقدة للطفل الذى يعذب هذا عندما يبلغ أشده ويشتد ساعده يقتل أبوه الذى كان يعذبه ويدخلا سويا النار .. الأب لتعذيبه الابن وسبب فى الجريمة والابن بسبب قتل النفس الذى حرم الله إلا بالحق واى نفس أبوه.
-------
ولكن أنت ذكرت أن الابن يغيب من المدرسة ولا تقصدى بيزوغ من المدرسة وعنده كآم سنه. يعى داخل على سكة انحراف سلوكى واخلافى مثلا أنا أؤكد لكى انه لا بد من وجود دوافع لدى الأب تؤدى إلى ذلك . وأنا اسئلك اليس خالك هذا عاقلا ورشيدا وذو رأى يؤخذ به . أم هكذا هى تصرفاته تشوبها الافتراء والتسرع والعصبية وعدم تقدير الموقف .
سمعت وكم سمعت عن الجرائم باختلاف أنواعها وتفاصيلها وكما ذكرت فى قصة الاغتصاب المبتكرة التى ذكرتيها بمشاركة آخرى والإبداع الاجرامى فى الطرق الحديثة بالتأكيد من شباب من أمثال المنحرفين . فإنه للآسف نسمع كثيرا هذه الأيام عن شباب يعتبروا أطفال من سن 15 الى 25 سنه تقوم بتعاطى المخدرات وارتكاب الفواحش والعياذ بالله وقانا الله وإياكم . وبالأمس كان لى صديق يحكى مثل هذا الأمر ولكن السبب أن ابنه فى سن العشرين التقى برفقاء السوء وتعاطوا البنجو الذى يُذهب العقول ويحول الإنسان الى حيوان . وبدءوا فى الانحراف وعندما علم والده بهذا الأمر أخذه الى غرفة بسطح المنزل وقيده من يديه ورجليه واحضر عم هذا الولد الذى هو اخ الوالد وكلفه بحراسته ليل نهار ولمدة مايقرب من شهر مع التعذيب . اليوم أصبح الولد بسم الله ماشاء الله ملتزم ومتدين واشتغل بالتجارة ومعه توكيلات من كبرى الشركات .
ولا أقول هذا كله صحيح ولكن نعود الى الفتوى فى بداية روايتى هذه وأقول الوقاية خير من العلاج وأكررها الوقاية خير من العلاج . لو أن الأب تابع ابنه فى المدرسة واختار لأبنائه الأصحاب لكان خير الأب وخير الابن وما ذهبا لكل هذه الوحشية فى إدارة الموقف.
------
أرجو ان ينال تفسيرى للأمر رضاكم
ولا أجد انه يجب عليك الاعتذار عما قلت
ولكن بعد يوم او اثنان على الأكثر
تذهبى الى منزله باى حجه وتصافحيه



اولا : ميرسى جدا استاذ حسن على رأيك

و احب اوضحلك حاجة احمد ده عمره 14 سنة يعنى طفل و انا معاك انه غلطان ولازم يتعاقب و ممكن ينضرب كمان بس اللى انا شفته

لا يرضى دين ولا قانون ده تعزيب انا متأكدة انه لو كان راح القسم اشتكى ابوه كان حبسه لان ده تعزيب
و انا بكرر كلمة تعزيب دى لانه فعلا تعزيب

و على فكرة انا خالى طول عمره بيضرب اطفاله بالطريقة دى بسبب او من غير سبب

و مثل بسيط ان ده غلط

انا كان اخويا الكبير فى نفس سنه برده ساعات مش بيروح المدرسة و بابا عمره ما ضربه لدرجة انه عاد سنه لغيابه و كانت حاجة تحزن لانه ما شاء الله على عقله زكى جدا
بس بابا كان عارف انه لو عمل اللى خالى عمله ده مش هيشوف ابنه تانى
بابا قعد فترة مركز اوى عليه لحد محلله خالص و فهمه و دخل من مدخل صح و عرف يخليه يمشى زى ماهو عايز من غير اى اجبار او تعزيب

و الحمد لله اخويا كمل تعليمه عادى جدا و مش كان فى استاذ عليه الا و كان بيشكر فى اخلاقه و تربيته
بابا عرف يحول اخويا من السكة اللى كان رايحلها و مشاه فى الطريق الصح عشان سمع ابنه مش ضربه

و فعلا معاك كل الحق انا مش هعتزرله لانى شايفة انى مش غلط انا شوفت حاجة غلط و مش سكت عنا و ده اكبر صح
بس كمان مش هقدر اكلمه تانى فى حياتى عشان انا لحد دلوقتى منظر احمد مقطع قلبى
و هفضل طول عمرى فكراهاله

انا بجد حزينة ان فى ناس لسه بتفكر بالطريقة دى

[القلب الشجاع]

و فعلا معاك كل الحق انا مش هعتزرله لانى شايفة انى مش غلط انا شوفت حاجة غلط و مش سكت عنا و ده اكبر صح
بس كمان مش هقدر اكلمه تانى فى حياتى عشان انا لحد دلوقتى منظر احمد مقطع قلبى
و هفضل طول عمرى فكراهاله

انا بجد حزينة ان فى ناس لسه بتفكر بالطريقة دى




طيب لما حد ينصحك مش تعملى بالنصيحة كاملة
ولا تاخدى اللى على مزاجك . وتتركى الباقى
وجه القمر بجد انتى انسانه شفافه جدا وواضح ان قلبك طيب
بس اعتبرينى زى والدك وانا عندى اولاد فى سن احمد ده
ياريت تعملى بنصيحتى كامله . والاهم انك تدعى لـ خالك
ان ربنا يهديه وينورله طريقه ويعرف يربى اولاد .
الدعاء ليه ولكل حبايبنا اسلم طريقة
مع شكرى وتقديرى

[المتهور]

بسم الله الرحمن الرحيم

ازيكم يا احلى اساطير

بصراحة انا حصل موقف امبارح معايا و كنت عايزة اخد رأيكم فيه لانى بحس انكم فعلا اخواتى

كانت فى مشكلة بين خالى و ابنه احمد و السبب انه بيغيب من المدرسة

فخالى اتعامل مع المشكلة بالطريقة دى نزل ابنه الشقة اللى تحت اللى هى فاضية و قفل بالمفتاح عشان مش حد يدخل و بعد كده ربط ايده و رجله و قلعه هدومه و نزل عليه ضرب بسلك كهربا اكتر من نص ساعة بيضربه بسلك الكهربا

و نزل بابا و ماما و جدى و كل اللى فى البيت و قعدوا يخبطوا عليه و هو مش رضى يفتحلهم خالص و قعد يضرب فيه و الله اكتر من نص ساعة

و بعد نص ساعة من ضربه فتح بإلحاح من بابا و زعيق ليه بحكم ان بابا ابن عمه و اكبر منه

و اخدوا خالى فوق و بعدين لبسوا احمد هدومه و طلعوه فوق فأنا دخلت اشوف احمد و الله العظيم مش فى حتة فى جسمه مش مفتوحة

كل جسمه مفتوح من الضرب و عمال ينزل دم و اتحيلنا على خالى عشان نوديه مستشفى مش رضى مع ان ابنه كان كل جزء فى جسمه بينزف

و بعدين كان بابا بيكلمه و بيزعقله عشان اللى عمله و هو عمال يقول يستاهل و الله انا مش لحقت اضربه ده انا كنت لسه هتسلى بيه طول الليل فأنا من غير ما اشعر قولتله ( بس اللى انت عملته ده حرام و ربنا هيحسبك عليه ) و من غير ما اشعر بحاجة اعدت اعيط على منظر احمد و خالى فضل يضحك و يقول طيب انتى مضايقة ليه فقولتله ( عشان انت مفترى ) ( ربنا مديك شوية قوة افتريت بيها على انسان ضعيف ) و قومت قلت لماما انا طلعة شقتنا و مش داخلة البيت ده تانى فى حياتى

و هو فضل يضحك ولا همه حاجة ولا همه حد

الموضوع ده حارق دمى اوى و مش خلانى عرفت انام طول الليل من المنظر و الله العظيم ده تعزيب ان يكتف انسان ضعيف و يعد يضرب فيه

حاجة تقطع القلب ولا منظر جسمه اشبه بأنه جسمه كله متقطع و عمال يجيب دم و مش عارفين نوقفه

و اللى حارق دمى اكتر ان مامتى عايزانى انزل اعتزرله عن كلمة مفترى
مع انها نفسها كانت بتبكى من المنظر و اخت احمد و مامته كانوا عمالين يعيطوا و مش قادرين ينطقوا من الخوف و بعد ما قولت كده لخالى قالتلى اخته كنت هموت و اقوله اكتر من كده بس كنت خايفة انه يضربنى زيه

يا جماعة بجد انا محروق دمى و عايزة اعرف رأيكم فاللى حصل
و هل فعلا دى التربية و انا اللى غبية
ولا انا صح و ده اكبر حرام ان انسان قوى يفترى على واحد اضعف منه
و هل خالى ده يستحق انى اعتزرله

بجد محتاجة رأيكم




لالالا يا تايجر انتى متحملة على خالك زيادة اوى


الموقف كالآتى بالتفصيل الممل

احمد ابن خالى عنده14 سنة فى تانية اعدادى وخالى جتله ظروف شغل فى قنا يعنى بيسافر من اول ماا بوه سافر وهو مبيروحش المدرسة وعنده نت فى البيت ومع ذلك بيروح سايبر مع انى موصله وصلة نت من عندى ومع ذلك بيروح سايبر

بيقعد يحتقر الجهاز من 10 الصبح لحد 10 بالليل 12 ساعة متواصلة واخواته يتحايلوا عليه عايزين نقعد شوية ميرضاش وعلى فكرة كل الحكاوى دى بتمر على اى حد لان ده بيباه بداية مرحلة المراهقة بيباه الواحد ساعتها شايف الدنيا كلها على مزاجه وحاسس بقا ان هو راجل وكبر ومحدش ليه كلمة عليه وكدا كل الغلط اللى ادى لحدوت المشكلة دى والدته ليه لانها قعدت 21 يوم متواصلين وابوه فى غربة تتصل بيه وتشحنه على ابنه ابنك فاشل ابنك بيضربنى ابنك محدش قدار عليه ابنك وابنك وابنط وخالى جاى جاب جريدة معاه عارفينها بتاعة الضرب دى بس اصحابه فى الشغل حلفوا عليه واخدوه منها رجع اول امبارح واتكلم مع ابنه بهدوء وحاول يضمه زى ما قلت انتا يا سُلم وقاله سيبك من كل اللى عدا احنا دلوقتى اولاد النهاردة اعاملك على انك راجل ولا على انك عيل قاله على انى راجل طيب مكنتش بتروح المدرسة ليه قاله عشان المدرسين بيضربونا وشوية كلام كدا مش فهمته طيب هتلتزم قاله اه طيب روح نام وهنشوف كدا لحد دلوقتى ابوه كويس معاه تانى يوم صحى لقاه قاعد مروحتش المدرسة ليه قاله محدش صحانى
ماشى كدا ابتدا يحوشله ومش هينسى اللى فات لان مفيش التزام نفس اليوم بالليل اداله مسألة من مسائل رابعة ابتدائى عشان يحلها مش نفس الصعوبة بتاعة رياضة 2 اعدادى ومعرفش يحلها زعلته اكتر وقاله روح نام صحى تانى يوم الصبح بارضو لقاه نايم مرحش المدرسة مرضيش يصحيه عالصبح لانه كان ناويله اكيد كان سهران وكدا يعنى
ابوه راح الشغل وعارف انه عنده دروس النهاردة مرحهاش كلها اللى حصل كالآتى الساعة 9 تقريبآ حتى انا كنت فاتح الميل اول ما عرفت قفلته على طول وبعتذر لكل واحد كنت بكلمه بس معرفتش اشرح يعنى ونزلت بقا لقيت كالآتى زى ما اختى قالت مسنكر باب الشقة اللى فى الارضى ومقلع ابنه هدومه البنطلون والترنج العلوى ومكتفه عشان مش يعرف يدافع عن نفسه ونازل فيه ضرب بسلك الكهربا لمة نص ساعة وعشان هو كان قافله بالمفتاح مش ترباس بس انا وابويا نخبط فى الباب ونزعق يا خالى افتح وهو بيضرب بارضو الحركة دى زعلت ابويا اوى لانه اكبر منه فى السن وابويا اكبر واحد فى عائلتنا كلنا المفروض كان يعمله احترام ويفتح وجدى اللى هو ابوه المفروض كان يعمل احترام لابوه وبارضو مفتحش قام ابويا قاطع الكهربا عليه اهى الحركة دى يعنى هدت شوية وخليته يفتح بعد عذاب يعنى
فلما طلعنا وشفت منظر ابن خالى مقولكوش كان هاين عليا اعمل ايه مهما كان ده إنسان

احنا بقا بنقول ايه عايز تضرب ابنك وتفش غلك فيه اضربه يا سيدى وسط الناس عشان يحوشوا وفى نفس الوقت هو يعرف انك ناويله لكن مش بالوضع ده

وعايز تضرب ابنك اضربه بس ضرب يعلم الواحد مش ضرب يأذى الواحد

وارجع واقول امه هى اللى غلطانة من وجهة نظرى لانها لو كانت كلفت نفسها واستنت لما ابوه يرجع وقالتله وهو فى القاهرة عندنا مكنش هيباه مشحون اوى بنفس الدرجة ابن خالى غلطان بس مش بايده صدقونى المرحلة دى مرت عليا وكنت بعمل اكتر من كدا بكتير لدرجة ان ابويا خامصنى قبل كدا 6 اشهر لان ابويا معودنى انه ميضربنيش وكان بيقولى ( انتا يا ابنى كبرت وعيب لما اهينك واهين كرامتك واضربك وانتا شحط كدا) بس الحمد لله المرحلة عدت واهو الواحد بيبتدى يركز ويعقل ويعرف الصح من الغلط ليه بقا خالى ضربه بالطريقة دى اولا لاننا صعايدة وممكن تكون فكرة ان الضرب هى الحل عند الصعايدة دائمـــــــآ ويكمن عشان مش كمل تعليم عالى دبلوم بس عشان ظروف التعليم زمان مش كانت زى دلوقتى وميعرفش ان ابنه او بنته ممكن يتعقدوا نفسيا ويحصل امراض كتيرة اوى الاهالى بيرجعوا يندموا عليها بعدين بس يفيد بايه الندم وعلى فكرة والله انا عارف ان خالى بيتقطع من جواه فى اللى عمله فى ابنه بس هو فاكر انه لما يعمل بالشكل ده غرضه انه يصلح من ابنه مش يأذيه محدش يتمنى انه يأذى ابنه

وانا كان نفسى انزل التوبيك ده فى القضايا لان الحادثة دى تضمن مشكلة كبيرة جدا خاصة بالابناء انا واحد من الناس عندى عقدة من طريقة التربية او زى ما بيسموها فى عل الاجتماع التنشئة الاجتماعية

نصيحتى مهما حصل ده خالك يا تايجر يعنى فى منزلة ابوكى لازم تصالحيه قبل اما يسافر تانى

كلمتين طلعوا منكو انتى متضايقة بس لازم تعتذرى ده خالك مش واحد من الشارع

[S e N a]

اية الخال الى بياكل ولادة دة

وهو خالك بيتحول كدة على طول يا وجة القمر

ياحول العالم خالك لو كبر مش هيلاقى حد يسندة الا ابنة الى كان عمال يتسلة علية

ولا اكنة حاابسة فى امن الدولة دة امن الدولة مش بتعمل كدة لا وكمان مقلعة هدومة

حسيسنى خالك دة انوة هتلر لما بيعزب اليهوم
ربنا يهدية شوية وينتبهة لى مصلحة ابنة وبيتة
دة شكلة مش فاااهم اى حاااجة عن التربية الصح ولة الابوة ولا اى بتنجاان مخلل

اسف على ردى بالطريقة دى بس الموضوع استفزنى اكتر منك
دة انا لو ابنة اسبلة البيت علشان يرتااااح

اسف كمان مرة بس من الوااضح انوة بجد بجد انسان غريب

[♥ MONY ♥]

طيب لما حد ينصحك مش تعملى بالنصيحة كاملة
ولا تاخدى اللى على مزاجك . وتتركى الباقى
وجه القمر بجد انتى انسانه شفافه جدا وواضح ان قلبك طيب
بس اعتبرينى زى والدك وانا عندى اولاد فى سن احمد ده
ياريت تعملى بنصيحتى كامله . والاهم انك تدعى لـ خالك
ان ربنا يهديه وينورله طريقه ويعرف يربى اولاد .
الدعاء ليه ولكل حبايبنا اسلم طريقة
مع شكرى وتقديرى





انا والله يا استاذ حسن مش قصدى انى اقسم نصيحتك خالص وشهادتك دى اعتز بيها جدا وفعلا حضرتك فى مقام والدى وانا هحاول ان شاء اله اعمل بالنصيحة كاملة وربنا يخليلك اولادك واكيد هدعى لخالى وميرسى جدا على مرورك



اية الخال الى بياكل ولادة دة

وهو خالك بيتحول كدة على طول يا وجة القمر

ياحول العالم خالك لو كبر مش هيلاقى حد يسندة الا ابنة الى كان عمال يتسلة علية

ولا اكنة حاابسة فى امن الدولة دة امن الدولة مش بتعمل كدة لا وكمان مقلعة هدومة

حسيسنى خالك دة انوة هتلر لما بيعزب اليهوم
ربنا يهدية شوية وينتبهة لى مصلحة ابنة وبيتة
دة شكلة مش فاااهم اى حاااجة عن التربية الصح ولة الابوة ولا اى بتنجاان مخلل

اسف على ردى بالطريقة دى بس الموضوع استفزنى اكتر منك
دة انا لو ابنة اسبلة البيت علشان يرتااااح

اسف كمان مرة بس من الوااضح انوة بجد بجد انسان غريب




انا بشكرك على ردك يا سينا واكيد انا عارفة انك قلت الكلام ده وانتا مش قصدك عشان كدا انا مش هزعل واعتذارك مقبول يا سيدى وان شاء الله ربنا يهديه ويحاول يتعامل مع اولاده بطريقة احسن من كدا

[noorassas]

وجه القمر الاضرب لحد التعذيب حرام
لاكن لابد من التوجيه
وعايزة اقولك ان اكيد فى فجوة كبيرة ما بين خالك وابنه
وكمان اكيد ابن خالك غلطان لانه وصل والدة للحاله دى
من المفروض انه يفهم ان مينغعش التربيه بلاسلوب دة
ودة بالفاهم وبالراحه
لان اى عنف للاب او للابن
حتكون نتيجه عكسيه
الاب حيذيد عنادة وميل للشدة اكتر
والولد خيسلك طريق الخطاء دون خوف
او رجوع عن اى شىء يثير والدة
ودة بيكون فى تفكيرة على سبيل النتقام من الاب
فايرت تونى جنب لبن خالك وتحاولى تفهميه وترشديه
وان الى هو فيه دة مش صح
حاولى تشغلى تفكيرة
باى نشاط ياخد عن الى الطرق الى بيسلكه
سواء الهروب من المدرسهاو مخالطه اصحاب السوء
اسفه طولت عليكى
بس د موضوع شائك وفى كتير من بيوتنا المصريه
تقبلى مرورى

[♥ MONY ♥]

وجه القمر الاضرب لحد التعذيب حرام
لاكن لابد من التوجيه
وعايزة اقولك ان اكيد فى فجوة كبيرة ما بين خالك وابنه
وكمان اكيد ابن خالك غلطان لانه وصل والدة للحاله دى
من المفروض انه يفهم ان مينغعش التربيه بلاسلوب دة
ودة بالفاهم وبالراحه
لان اى عنف للاب او للابن
حتكون نتيجه عكسيه
الاب حيذيد عنادة وميل للشدة اكتر
والولد خيسلك طريق الخطاء دون خوف
او رجوع عن اى شىء يثير والدة
ودة بيكون فى تفكيرة على سبيل النتقام من الاب
فايرت تونى جنب لبن خالك وتحاولى تفهميه وترشديه
وان الى هو فيه دة مش صح
حاولى تشغلى تفكيرة
باى نشاط ياخد عن الى الطرق الى بيسلكه
سواء الهروب من المدرسهاو مخالطه اصحاب السوء
اسفه طولت عليكى
بس د موضوع شائك وفى كتير من بيوتنا المصريه
تقبلى مرورى




ميرسى على مرورك الجميل يا قمر و ميرسى على التصيحة دى و انا اكيد هحاول اتكلم معاه و هحاول ابعده عن الطريق ده