شباب سكسك وملزق ورخم رخامة السنين .... بقلمى

[ViN DieseL]

السلام عليكم ورحمة الله وبركاته


" شباب سكسك وملزق ورخم رخامة السنين "

فعلا هى دى الحقيقه ومحدش يقدر ينكرها
الجيل ده من أغرب الأجيال اللى عدت ع البلد الغلبانة دى !!!!


البوكسر ... الراعى الرسمى لشباب الألفية التالته

http://www.saidaonline.com/newsgfx/hipddf0pants.jpg

كل شاب ضارب البوكسر بتاعه ومسقط البنطلون وكل شويه بيرفع البنطلون لما بيحس إنه خلاص وصل للأخر وقرب " يتسلت " منه
وطبعا فى منافسه بتحصل فى البوكسرات طبعا البوكسر الـــ calvin klein مش زى البوكسر أبو سبعه جنيه ونص اللى بيجبه الواد حماده من الراجل اللى فارش أدام سينما مترو فى شارع طلعت حرب
خليك راجل وبين بوكسر وياسلام لو كان أحمر أو " بينك "
قبل ما أنسى ... فى أمريكا وأوروبا اللى بيبين البوكسر بيبقى حاجه من الإتنين يا إما من الشباب السود " النيجر " اللى معظمهم شغالين مع المافيا يا إما بعيد عنك وعن السامعين " شاذ "


القضيه الفلسطينيه والــ show بتاع الشباب

http://3.bp.blogspot.com/_y6-3dJkdMYs/SWG5AzagGVI/AAAAAAAAAE4/83qElwGt_Ac/s400/slide0003_image003.jpg

مظاهرات من 48 لغاية دلوقتى عشان فلسطين
وبصراحه عندنا الشباب بيستغلها زى ما قال الكتاب وبيعيش فى دور عمر الشريف فى فيلم " فى بيتنا رجل "
تحصل المظاهره جوه الجامعه من هنا وتلاقى الواد إتحول بقى وطنى ومتعرفش الشال الفلسطينى طلع منين ويقعد يهتف بالروح بالدم نفديكى يافلسطين ويمشى فى المظاهرة وعينه رايحه جايه على البنت اللى عايز يظبطها " زبيده ثروت "
مع إن برضه نفس الشاب وقت التجنيد وهو بيكشف طبى فى الجيش بيعمل ميت وإن عنده أمراض الدنيا والأخرة عشان ياخد إعفا ولو عدا من الكشف الطبى بيصلى ويصوم عشان ياخد تأجيل 3 سنين
موقف .. كنا فى الكشف الطبى وكان معايا واحد جنبى الدكتور بيقوله عندك أى أمراض قاله حضرتك أنا صباع رجلى معووج قاله لما تدخل الجيش هنبقى نعدلهولك


شباب سيس مبيحبش مصر

http://www.arabianbusiness.com/images/magazines/arabianbusiness.com/web/CairoAirport3410_thumb.jpg

الشاب المصرى هو الوحيد اللى لما يسافر للشغل فى الخليج أو أوروبا بيرجع " يتنك " على أهل بلده وبيعاملهم أسوء معاملة
الوحيد اللى أول ما ينزل من الطياره بيسب ويلعن بسبب التراب والجو بتاع مصر
الوحيد اللى لازم يتخانق ويعمل مشكله فى الجوازات وفى الجمارك متعرفش ليه
الوحيد اللى تلاقيه جايب معاه على الأقل كرتونه مكتوب عليها عنوان ورابطها بحبل وطبعا البطانية ده شىء أساسى
لو راجع من أوروبا فى شهر 8 هتلاقيه لابس 2 سويت شيرت وجاكت فرو وهاف بوت ونضارة شمس حتى وهو جوه صالة المطار وبيفضل باللبس ده لغاية لما يروح بيتهم فى الوقت اللى الناس فيه عاملين زى " القلة " بيجيبوا ميا من كل حته
الوحيد اللى بيدى لنفسه جنسية البلد اللى هو فيها عافيه ... أصل عندنا فى إيطاليا ... أصل عندنا فى الكويت
STOP
موقف ... شاب مصرى أول ما نزل من الطيارة سجد وباس الأرض وفضل يعيط الناس اللى نازله من الطياره كلهم وقفوا وكان معظمهم أجانب صقفوا وعيطوا هما كمان من المنظر .....هو ده المصرى الأصيل اللى قدر يكسب إحترام الجميع بسبب إحترامه وتقديره لبلده



الشباب والموبايلات الصينى

http://images04.olx.com.ph/ui/1/45/93/6464293_1.jpg


لو فى يوم من الأيام رمتك الظروف وركبت المترو أو الأتوبيس إوعى تقعد جنب أى شاب
لإنه ببساطه هتلاقيه طلع الموبايل " الصينى " من جيبه
وإبتدا " يعرضها " ويشغل أغانى عشان يلفت إنتباه الناس ( عقدة نقص )
طبعا مين أدك معاك موبايل صينى عامل 250 جنيه !!!!!
+ إن الموبايل الصينى عليه صوت يعدمه
وياسلام بقى لو كان الواد ده قاعد معاه شلة بنات وولاد رايحين الكلية
يبقى نهارك لون الخروب
خد بقى عندك البنت تقوله والنبى يا حماده هات أغنية تامر بتاعة ياواحشنى أصلها حلوه أوى
والواد صاحبه يقوله لا ياحماده هاتلنا يامعلم أغنية وشربت حجرين ع الشيشه
وواحده تدخل تقوله لا ياحماده بليز شغل أغنية غريبة الناس بتاعة وائل جسار
وجنبهم راجل كبير فى السن شايل هموم الدنيا والاخره بيفكر هيقضى بقيت الشهر إزاى والمرتب خلاص بح
عمال فى سره يشتم حماده وفى اللى جابوا حماده



شباب الألفيه التالته ركبوا ألة الزمن وإتنقلوا ليوم 6 أكتوبر 1973 ( موضوع خيال علمى زى أفاتار كده ) http://www.dvd4misr.com/vb/images/smilies/dvd4misr%20%2822%29.gif

http://alwakad.net/inff/infimages/myuppic/4acb91e7eb6e2.jpg

http://www.g4z4.com/upload/uploads/56e0aef9f9.jpg



الساعه 11.00 صباحا يوم 6 أكتوبر 73
وائل : شغل يا محسن الإم بى فور وهات أغنية تيمو الجديده " بحلم أيه " عشان الرجاله تصحى وتحضر الطابور عشان النهارده هنعبر ونرجع سينا زى ما التاريخ قال
محسن : بيس يامان
وائل : وبليز عشان خاطرى يا محسن مش تنسى تصحى هيثم بس بالراحه عليه عشان بيتخض ياحبيبى لما حد بيصحيه
محسن : خلاص ياوائل مش تخاف ياقلبى
وائل : سورى بجد إنى طلبت حاجات كتير بس أنا عارف إنك حد لذوذ وجميل
الساعه 12 ظهرا
محسن : ياوائل محدش عايز يصحى شغلت تيمو والسى دى خلص وبرضه لسه نايمين وفاضل ساعتين على الحرب
وائل : ياربى طب أعمل أيه please help me god
هيثم : صباح الفل مفيش إستمورنينج ولا أيه ؟
محسن : لا طبعا يا ماو .... إضرب دى
هيثم : أصلى أخر حاجه يامعلم
وائل : هيثم الشباب صحيوا ولا لسه نايمين
هيثم : صحيوا بس بياخدوا الشاور
محسن : خلاص كله تمام الناس كلها موجوده أهى ومأنتخين تحت الشماسى عشان الشمس حاميه أوى وكريم البشره مش عامل أى حاجه
وائل : إسكت خالص يا محسن وخلينى أقول بوءين للشباب
وائل : يا رجاله النهارده فى سيربرايز ... إحنا النهارده هنحرر سيناااااا
الرجاله : ووووووووووووووووووووو ... أصلى والله .... فل يا مان ..... بيس يا عمنا ..... الكبير كبير .... loool .... يامعلم يامعلم ... عاش الفقيد .... نأخد من كل رجل قبييييلة
الساعه 2.00 جاءت اللحظه الحاسمه
محسن : أيه يا وائل مش المفروض الطيارات تعدى من فوقنا دلوقتى أنا شوفتها فى فيلم الوفاء العظيم ... والله والله
وائل : أنا كمان شوفتها فى فيلم حتى أخر العمر بتاع محمود عبد العزيز كان قمر فيه بسم الله ماشاء الله
الساعه 3.00
هيثم : أيه ياماو هى الحرب بخ ولا أيه الساعه بقت 3
الساعه 6.00
الرجاله : وائل إحنا عمالين ناكل كنتاكى وهارديز ومشوفناش لسه طيارات عدت ولا ناس عبرت
الساعه 8.00 مساء
وائل : مش عارف أيه اللى حصل أنا لازم أكلم القياده
وائل : هاى قيادة دلوقتى إحنا لسه مش شوفنا طيارات عدت من فوقينا ولا الدبابات اللى بتنزل فى الميا زى اللى محسن شافها فى فيلم الوفاء العظيم
القياده : تشوفوا طيارات أيه ياعيال يا ولاد التيييييت إنت معسكر فى مارينا هتشوف طيارات إزاى والحرب فى سينا .... جتكم الأرف شوهتوا تاريخ البلد
وائل والرجاله : loooooool



بمناسبة الرجالة
الله يمسيك بالخير يا عبد الناصر

http://www.dancutlermedicalart.com/AlbertEinstein%27sZionism/images/250%20pixels/1950-1955/1954Nasser.jpg

زمان فى عهد عبد الناصر حصل فى مصر مسابقة Mr.EGYPT
أو ملك جمال الرجال ... بعد ما المسابقه إتعملت والنتيجه طلعت ...عبد الناصر جاب كل الشباب المشتركين فى المسابقة وحلقلهم " ظلبطه " وطلعهم على الجبهة .



تحياتى للجميع ......

[لولوا]

ايوه بس والله فى نماذج كويسه من الشباب فى الوطن العربى

مرسى للموضوع المميز
تحياتى

[SaMoOo]

شباب سيس مبيحبش مصر

http://www.arabianbusiness.com/images/magazines/arabianbusiness.com/web/CairoAirport3410_thumb.jpg

الشاب المصرى هو الوحيد اللى لما يسافر للشغل فى الخليج أو أوروبا بيرجع " يتنك " على أهل بلده وبيعاملهم أسوء معاملة
الوحيد اللى أول ما ينزل من الطياره بيسب ويلعن بسبب التراب والجو بتاع مصر
الوحيد اللى لازم يتخانق ويعمل مشكله فى الجوازات وفى الجمارك متعرفش ليه
الوحيد اللى تلاقيه جايب معاه على الأقل كرتونه مكتوب عليها عنوان ورابطها بحبل وطبعا البطانية ده شىء أساسى
لو راجع من أوروبا فى شهر 8 هتلاقيه لابس 2 سويت شيرت وجاكت فرو وهاف بوت ونضارة شمس حتى وهو جوه صالة المطار وبيفضل باللبس ده لغاية لما يروح بيتهم فى الوقت اللى الناس فيه عاملين زى " القلة " بيجيبوا ميا من كل حته
الوحيد اللى بيدى لنفسه جنسية البلد اللى هو فيها عافيه ... أصل عندنا فى إيطاليا ... أصل عندنا فى الكويت
STOP
موقف ... شاب مصرى أول ما نزل من الطيارة سجد وباس الأرض وفضل يعيط الناس اللى نازله من الطياره كلهم وقفوا وكان معظمهم أجانب صقفوا وعيطوا هما كمان من المنظر .....هو ده المصرى الأصيل اللى قدر يكسب إحترام الجميع بسبب إحترامه وتقديره لبلده



اقوله حاجه
ع قد لما الواحد بيخرج بره البلد وبيشوف ويتعود ع حاجات حلوه ع قد ما بلدك مش فيها الحلو ده
ع قد ما بره البلد بيوفرلك الراحه والشغل والمرتب اللى بتحلم بيه ع قد ما بلدك مفهاش شغل ولو لقيت هتلاقي بمرتب تخاف تشتغل بيه
ع قد لما تروح تقعد في حته سنه او اتنين او تلاته وترجع تقول عندنا في الحته الفلانيه كذا مش معني ده انك بتدي نفسك الجنسيه ده مكان انت عشت فيه زمن وأتعودت ع المكان والناس والبلد ولما تيجي تتكلم عنها وتقول عندنا في هناك . يبقي كده مش خلاص غيرت الجنسيه
وبرضو مهما الواحد يطلع بره بلده مهما كانت ايه هي ويغيب عنها لازم يرجع يحن لتراب البلد اللى اتولد فيها وعاش وشاف احلي ايامه فيها
ومش كل شباب مصر عيال سيس .. مصر فيها رجاله مش موجوده في اي حته في العالم
مصر فيها حاجات مش في اي مكان في الدنيا
مصر اللى ربنا ذكرها في القران بدل المره اتنين وتلاته
http://img541.imageshack.us/img541/6686/2mgkt3k.png
الموضوع كله عاوز تعليقات
بس صدقني زي ما فيه الوحش فيه الكويس
وكل حته فيها الصالح وفيها الطالح
وبدل لما احنا بنرمي نظرنا ع السلبيات خلونا بقي نشوف الايجابيات
خلونا نتكلم عن حاجه مش موجوده عن حد الا عندنا
خلونا نفتخر واحنا بنتكلم عن بلدنا
بس صدقني طول ما احنا بنبص ع السلبيات عمرنا ما هنتقدم ولو خطوه واحده

موضوعك حلو اوي وعجبني وحبيت اشارك فيه

تحيـاتي
راجل مصري

[-(" SmSmA ")-]

ـأإأى مكآان بالدنيآ فى نآاس وحشين ونآاس كويسين ..

مش مصر بس ..

وطبعاً مش الشباب بس اللى بايظين اليومين دول ..

ده البلد كلها خربت :(85):


البوكسر ... الراعى الرسمى لشباب الألفية التالته


المنظر ده بيقرفنى جدا ..

بس هنعمل ايه .. ربنا يهدى الجميع ..


مع إن برضه نفس الشاب وقت التجنيد وهو بيكشف طبى فى الجيش بيعمل ميت وإن عنده أمراض الدنيا والأخرة عشان ياخد إعفا ولو عدا من الكشف الطبى بيصلى ويصوم عشان ياخد تأجيل 3 سنين



مش بيعملوا كده علشان مش بيحبوا بلدهم ..

هما بيعملوا كده علشان فى الجيش انت عارف المعاملة بتبقى عاملة ازاى ..

وعشان السنين اللى هيقضيها فيه المفروض انه هيكون فيها نفسه علشان يستقر السنين اللى جاية ..

كلنا بنحبها .. بس بيتهيالى مش بنيبان ده غير فى ماتشات المنتخب:(85):

ميرسى ع الموضوع الجميل يا مؤمن ..

ده العادى بتاعكـ :(32):

[ViN DieseL]

شكرا على المرور الرائع