موضوع اعتزالى

[كريم_المنسى]

تحبوا تعرفوا رأى الناس فينا










احنا ولاحاجه
تضيع للوقت وبس
عالم فاضيه
كله بيشتغل كله
نصب
فشل
ضرر
بوابه تلهيك عن ذكر الله
مش هتستفاد حاجه
بنات قال إيه روشه
ولاد قال إيه قاطعه
مواضيع تافهه
ردود أتفه من التفاهه
كروته
كحرته
دهبزه
شنكته
قال أيه روشنه
يااخى
ولا أقولك إيه سفن إيه
وسلملي ع مجهودك
والضياع
والأنصياع
والخداع
والشات
وخد وهات
والإيملات
وأرقام الموبايلات
ياحراق
ياشاطح
ياللي سايب أرض الواقع وسارح
خدت إيه
جبت إيه
ده عمر هتتحاسب عليه
الصداقه الحقيقيه
لما تبقي العين بالعين
مش شات قاعدين فيه أتنين
كدابين
غشاشين
تايهين
ومعظمهم
مراهقين متمردين
أو مرضي نفسيين
عن المجتمع منعزلين
الخلاصه
أنت
كده
مش ف السليم
ولو عاوز أكملك
أنده الحلوين والأمامير
واللي ف المنتدي جايبين فرشه ونايمين
ياخسارة الشباب اللي
هه هه
قال عاوزينه يحرر فلسطين بذمتك ترضي تعمل شات وتخش ع مواقع ومنتديات
واخوك من الجوع والفقر والقهر مات
وماتقوليش إيزي
وبيس ياعزيزي
إلخ إلخ إلخ
شوفتو رأي الناس فينا
يالا نقول رأينا بصراحه ف نفسينا
وف الموضوع اللي بين إيدينامتنسوش
إحنا كده مفيش
أحلام
بناكل ونتناقش
وننام
بناخد لسه مصروف
واللي يعيش ياما يشوف
وفى واحد بيقول
منتظر الردود
وانتا تافه من اول موضوعك
لغاية افكارك وردودك
ياراجل أختشي ع دمك وشوف
حل لهمك
مش حنكر ان فية محترمين
وحصرهم فى المشرفين
والادمن الكريم
بس دا شغل
ولحساب مين
اكيد مش عارفين
يا ترى شغل اعلانات
ولا بيقلك ضيع وقتك هنا وانتا بتقول امين
معلش احنا عاهات ومش مدركين
كان عندى عقل
كان بينقل من كتب ومجالات
مواضيع ممكن تفيد
لقيت اساءة برغم الحب
لكن شكرا
الواحد لما بيندم بيتعلم
ع فكره أنا خنقته ومات

[El.DwLy]

السلام عليكم ورحمه الله وبركاته



الله الله الله إيه يا كريم الكلام ده مين اللي قال كده وبعدين لو حد قال كده يبقى فى سبيل الضحك مش اكتر وانت خدت الكلام على صدرك


وبعدين مين اللى قالك ان إحنا ولأحاجه


لا احنا حاجات مش حاجه وحاجات كتير يا كريم إحنا ممكن نكون ولا حاجه فى نظر الناس الجهله اللي ميعرفوش يعملو زينا ولا يعرفو يحطو موضوع من دماغهم ولا يعرفو يعبروعلى اللى بداخلهم مش بيعرفو يعملو حاجه الا الكلام فى الباطل وبس :;mnm;31:


وبعدين انت بتقول ان المنتدى


!


!
*تضيع للوقت وبس -- لا والحمد لله انا وقتى منظم والحمد لله وكل واحد ادرى بمصلحتو انت شايف انو لهيك مش تدخلوتانى.
*عالم فاضيه -- لا برضو انا والله ما فاضى وعندى شغل كتير موت على قفا مين يشيل .
*كله بيشتغل كله-- لا والله انا ما بشتغل حد خالص الا لما يكون شايف انو ظريف شويه ممكن اصدو بس.
*نصب-- والحمد لله احنا مش بنصب على حد يعنى مش بنيجى اخر الشهر نقولك هات 5 جنيه للمنتدى وبدليل انك اشتركت برغبتك انت مش حد غصبك .
*فشل-- لا والله برضو إحنا متعلمين وشغالين تمام وبنصرف على نفسينا ومش بناخد المصروف من ماما .
*ضرر!-- ضرر دى بقا هى اللى انا مش لقيلها كلام تقدر تقولي إيه الضرر اللى بيسببهولك المنتدى.
*بوابه تلهيك عن ذكر الله -- لا والحمد لله بنصلي ونصوم وبقراء قران والحمد لله.



ومين اللى قلك كمان ان احنا ملهيين عن ذكر الله لا مش كده خالص الكلام اللى انت بتقولو ده
ومش يهمنا كلام حد احنا هنا بنتعرف على حاجات احنا مش عارفينها ومش كنا هنعرفها لومش كنا دخلنا المنتدى .


تقدر تنكر انك مش أتعلمت حاجات من المنتدى ولو معلومة طلعت بيها حتى أكيد طبعا لزم تكون عرفت حاجه.


ولو عايز تذكر ربك فعلا وأنت على المنتدى برضو ممكن تذكرو ادخل على الاسلامى العام حتلاقى فيه كل اللى يخص الدين الاسلامى حمل واحفظ ورتل اعمل اللى انت عايزو.


أنا بجد مش عنت عارف أقولك إيه الموضوع ده يطول فيه الكلام
وأنا إن شاء الله رب العالمين حعمل موضوع قريب حشرح فيه كل الكلام اللي أنت قولتو ده تأنى


وفى النهاية أنا بشكرك يا كريم على انك خلتني أتكلم في الحوار ده


والسلام عليكم ورحمه الله وبركاته

[DeMoOoN]

موش هتكلم لان كلامى هيبقى مطابق لكلام الدولى
يبقى انا متكلمش احسن

[El.DwLy]

حبيبى يا ديمون والله تسلم يا باشا
وهو ده كلام الناس الصح

[silent volcano]

ليه بس كده يا عم كريم
يوووووووه
شوف انت نسيتنى اصبح عليك
الاول صباح الفل
وكل سنة وانت طيب
نرجع بقى لموضوعنا
انت كده حتزعلنا منك
لانك كده مش تمام
ليه مش تمام
لان انت بتقول شغل المنتديات ده فى معنى كلامك انه اى كلام
لا مش اى كلام
المنتديات دى الكل بيستفاد منها
وبيزود منها معلوماته الثقافية والرياضية والسياسية والدينية والادبية وكل ما تتخيله
وكل عضو بكلامه ومشاركاته بيعبر عن شخصيته
لكن ده مش لعب عيال
وكل واحد ادرى بنفسه يا عم كريم ولا ايه ^ــــ*
وبعدين عيب لما تقول عالم فاضية لان كل واحد فى المنتدى
زو مكانة عليا فكريا وثقافيا
والبنسبة للعالم الفاضية
انا يا عم كريم مهندس كمبيوتر انا والمراقب العام EL.DWLY وعمر المنتدى ما لهانى عن شغلنا
وعمر المنتدى ما لهانى عن ذكر الله وأداء صلاوته وده طبعا بالنسبه لينا
لكن انت بقى لو شايف ان المنتدى بيلهيك عن شغلك لو كنت بتشتغل
او بيلهيك عن عبادة ربك لو كنت بتعبده وبيلهيك عن صلاته لو كنت بتصلى
الله اعلم
دى حرية شخصية يبقى انت المفروض من نفسك مش تقرب ناحية المنتديات دى تانى
ولابنسبة لموضوع نصب ده
احنا مش نصبنا على حد قبل كده
على الرغم ان دى اهانة لينا قبل المنتدى بس يا عم احنا فى رمضان
ورمضان كريم
والمسامح كريم
وانا مش كريم
بس حبقى كريم معاك
ليه علشان انت حبيبى ^ــــ*
وبعدين فشل دى كلمة انا عمرى ما عرفتها
لان كل حاجة انا بعملها سواء دخولى على منتديات او فى حاجة تانية
بخشها بنية انى اتعلم حاجة جديده تفيدنى
بس ده بالنسبالى
الله اعلم انت بالنسبالك ايه؟؟؟
وده كل الى عندى يا كيمو
^ــــ*
وتسلم على الموضوع الجميل
وعاجبنى قوى اننا نتناقش فيه
ونشوف رايى كل عضو
وحنشوف فى الاخر مين فينا الى كلامه صح
وصباح الفل تانى ورمضان كريم
وانا كريم جدا
ودلالة على ذلك
تم تثبيت الموضوع
^ــــ*
علشان اثبتلك اننا مش بنقيد حرية حد
ومش تنسى ان رايى الاعضاء فى الموضوع فيه افادة لينا وليك برده
ولا ايه
^ــــ*
:;mnm;65:

[El.DwLy]

بص كلو قلب عليك اهو يا كيموانت اللى عملت كده بسى على فكره انا مبسوط موووووت والله حلو على فكره الموضوع ده والله عجبنى اوى

[امجاد الماضي]

يمكن انا خبرتى بسيطة جدا بالمنتدى عشان وقت دراستى مايسمح اكون متواجده باستمرار بس انا شايفه ان للمنتدى اشياء اجابيه كثيره لو احنا دورنا عليها
بالعكس شايفه المنتدى لما يجمع نخبه من البنات والاولاد المحترمين والمكان محترم اكيد راح تحبه ووتتعلق فيه وراح تكسب اولا اخوة في الله رائعه وثانيا اكتسب عادات واشياء جديده علي ..
ولو المنتديات مالها اي قيمة تذكر ما كان اي احد راح يعطى من وقته وجده له وبالخصوص المدير الى يعطى اكثر من الجميع في دفع تكاليف المنتدى واختيارات للستايلات واشياء كثيره خلف الكواليس ما احد يعرف ايش الى يصير في الخفاء علشان المنتدى يناسب الكل ويكون باحلى صورة هذه من غير التشجيع الى بناخذه علشان نستمر بعطاءنا .
بصراحة اخوى شايفه ان موضوعك فيه ظلم بحق المنتديات والافراد الموجودين فيه . ولو شايف ان المنتديات مالها قيمة او بضيع الوقت فا مو كل المواقع زى بعضها .

اعذرونى على انى طولت عليكم
واشكرك مره ثانيه

[El.DwLy]

قوليلو والنبى يا امجاد الله يرضى عليكى

[S e N a]

على فكرة يا جميل عمر ما فى منتدى بيضيع الوقت الا اذا كان الى قاعد علية مش عاوز يستفاد يا برنس
وى بعدين حد قالك علينا مش بنصلى ولة مش بنذكر ربنا
وى حتة لو احنا كدة ربنا الى هيحسبنا يابرنس
مش تزعل من كلامى يا كيموا
كلامك زى الفل ولله
بس
كل واحد ادرة بى نفسوة
وى زى ماقال سيلنت
رمضان كريم
وى كل سنة وى انتة طيب اخوك
sena

[النهر الخالد]

الخير والشر فى كل شى بحياتنا

فالافراط فى اى شى يقلب الامر من نعمة الى نقمة

وكذلك المنتديات اذا كانت فى سبيل العلم ونشرة فهو فى ميزان حسانتك وان كان فى سبيل شى اخر فالله غفور رحيم

[كريم_المنسى]

بسم الله الرحمن الرحيم
اولا اى حد زعل منى حقة علية الواحد بيقول (( اى كلام )) وهوا مضايق انا كنت بنادى فى المنتدى بموضوع سجل حضورك بالصلاة على النبى (( بدعة )) لكن لا حياة لمن تنادى كنت بكلم نفسى وكنت ناوى اكتفى بالدخول على المواضيع فى المنتدى بدون اى مشاركات بس لما حسيت انى (( غلطان )) فى حق الناس اللى فى المنتدى كان لازم اعتذر لما انزل موضوع ضد المنتدى ويتثبت فقررت انى ارجع تانى واكمل معاكم وليا الشرف فى كدا (( دا من حظكوا بس انى رجعت )) ههههههه بس انتوا تجبروا على كدا باسلوبكم الرائع
وفكركم المتحضر بس ليا عتاب على الاخ سيلنت بتهددنى بقى لاء انا كمان فنى كمبيوتر يعنى عندى فكرة برضوا وخلى بالك ممكن اخد مكانك فى المنتدى احذر بقى والاخ دولى احب اقلك انتا عبقرى بس انا كلامى مكنتش بيخص المنتدى وبس الانترنت عموما
عموما اتمنى ميكونش فية زعل ودى شوية اشعار يعنى المغروض محدش يزعل ههههههه وانشاء الله بحضر موضوع اعتذار للمنتدى على نفس طريقتى يارب يعجبكوا والسلام ختام ___ شكرا

[El.DwLy]

عادى يا كريم يا مرحب بيك مره تانيه معانا وانا بجد كنت زعلان بسى بعد كلامك ده
خلاص خلاص
قدر ما حصلش واللى حصل ما يتكررش
اما بالنسبه لاخويا سيلنت فا هو مش هددك انت اللى كلامك كان مستفز بجد يا كيمو وبعدين خلاص بقا مش عايزين نتكلم فى اللى عدى وراح
وسيلنت ده اطيب قلب شوفتو والله ويارب ما تكون زعلت منو ولا منى.
>> ورمضان كريم يا كيمو <<