حاسس بقله ادب

[invisible]

يا مصر يا معلمة الدنيا الأدب

من آلاف السنين

يا مرّبياني ومشّيلاني فوق دراعي

مدنة الرفاعي وسيدنا الحسين

يرضيكي يا مصر إللي اتكتب فوق بيبانك

يرضيكي أسماء الدكاكين

مكوجي الحرمين !!

قهوجي المؤمنين!!

جزمجي المدينة المنورة!!

وتسالي آل البيت!!

يا مصر يا مؤمنة

قريت الكلام وبكيت

يا مصر السلاملك والحرملك

وأودة الضيوف

يا ريت تشطبي كل الحروف

بامشي في الشوارع جنب الجوامع مكسوف!!

مطبعة يوم القيامة!!

مكتبة أهل الندامة!

وسباك القدس الشريف!!

يا مصر الأولياء والصالحين

والحسب والنسب

يا مصر الغزالي والقرضاوي والشعرواي

وكل من ليكي اتنسب

فهّمي الناس الغلابة

وامسحي كل الكتابة

لأنه عيب

فطير أهل السنة !

وعصير أهل الجنة!

وأبراج الصحابة!!

يا مصر الأدب

يا معلمني الصح م الغلط

من فضلك نزلي اليفط

واعذريني بغير على ديني

وحاسس بقلة أدب

[Brave Heart]

تعبير عن الوضع ال احنا فيه بصوره جميله جدا

ياريت فعلا اشوف مواضيع زى ده

بتعبر عن الاخطاء ال بنعيش فيها

تسلم انفيزبل على اختياراتك الموفقه ديما

[invisible]

شكرا برف هارت على مرورك وياريت اشوف بقيه الاعضاء ويكون فى تفاعل ونشوف اراء بعضينا

[Black Dart]

بجد فعلاً واقع عشناه ومازلنا عيشينه

بجد كلامك جميل وعلي قد مااحنا شايفين وحش

بس ممكن نصلح ونعدل نفسنا

بس نقول ايه للفساااااااااااااااد اللي هو مغطي علي كل خير

[ahmed_slaym]

موضوع جميل والكلام اجمل

[eido]

شكرا على هذا الموضوع الجميل

[invisible]

شكرا لمشاركتكم جميعا

[silent volcano]

انا بشكرك يا دكتور على توضحيك لحقيقتنا فى صورة كويسة
بس مصر زى ما فيها الوحش فيها الحلو
بس الزمن الى احنا فيه ده مش مدينا الفرصة اننا ندور على الحاجات الحلوة
لا
ده بيجبرنا اننا نعمل اكتر من الى انت بتقوله

[princesse faten]

و اللة كلامك صح
بقيت فى اسامى لما بقراها بستغفر ربنا على بقراة مكتوب بجد
دية بقت حاجة بشعة
مشكور على التوبيك الجميل دة