مبارك عليكم الشهر ..

[MaNoOoSh]

http://img51.imageshack.us/img51/7622/88024504.jpg

السلام عليكم ورحمة الله وبركاته ..

كل سنة وانتو طيبين يا احلى اساطير ..
ورمضان مبارك عليكم جميعا ويارب السنادى رمضان يكون خير علينا ..
وربنا يرضي عنا ..

وعشان المناسبه الجميله دى حبيت اهنيكم بالشهر الفضيل واقول
الحمد لله ربنا بلغنا الشهر الكريم ده ..
واحنا بأتم صحة وعافيه وربنا يعينا على عبادته ..
واي حد شايل من انجولا يسامحنى وانا بعتذر لو صدر منى حاجة ازعجت غيري سوا بقصد او بدون قصد ..

***

طبعا كلكم عارفين ان رمضان ليه نكهة خاصه بين الشهور ..
واكيد رمضان زمان مش زى دلوقتى لان لما كنا صغيريين كل حاجة ليها رونقها الخاص ..

عايزة بقا كل اسطوري واسطوريه يحكيلي ..
كان رمضانه ازاي زمان والسنادى ناوى يرتب يومة ازاي ..
واهي نوع من الدردشه الرمضانيه ..
:(164):


http://img835.imageshack.us/img835/9127/15590alsh3er.jpg

وجبتو فانوس ولا لا ؟؟
اصل بحب الفوانيس كتير اوى :P ..


***


يلا يا اجمل اساطير ..
بستنى كل واحد يخش يحكيلي بقا ..
ومش هقبل بشكرا عالموضوع ..

رخامة بقا ..
:(209):


http://img822.imageshack.us/img822/5141/kol3m.gif

[yasoooo]

كل سنة وانتى طيبة يا انجولا

كل سنة وانتى طيبة يا اسطووووووووورة

والله ايام كانت جميلة جدا

تقلاينا من قبل رمضان بأسبوع بنعمل زينة رمضان بقى ونقعد كلنا فى الشارع ومعانا كتب المدرسة اللى كنا زمان بنفتحها:(164):

حد بيقص وحد بيحضر اللزق وحد بيلزق

ونخلص ونوصلهم بالبيوت فى الشوارع

وكان لازم يجيلي فانوس طبعا ولو مش جه بتبقى ليله سواد ربنا ما يوريكي

بس السنة دى محدش جابلي فانوس :(108):

نفسي في واحد اوى والله

وكنا بقى ننزل من البيت المدفع كان بيبقى ورانا على طول

كنت اخد اى حاجة كدة فى الخباسة

يدوب المدفع يضرب تلاقيها فى بقى :(86):

مكنتش اعرف انه لازم استنى الاذان يأذن

لأن اوقات كان المدفع بيضرب بدرى

يلا اهى ايام وعدت

السنة دى بقى

جابوا المدفع اهو

قعدت عملت مع اخويا شوية زينة

واديته كتب قديمة كانت عندى مش اتكتب عليها اسمى حتى :(164):

وقال هيلزفهم انهاردة هو وولاد خالتى

ومش عملوا حاجة

بس لقيت ولاد خالتى عملوا شوية دلوقتى

وهخليه يعملهم بكرة غصب عنه :(87):

و الجديد بقى قى رمضان دة

انى انا اللى هطبخ بكرة

ادعولى :(86):

[السندباد والسندريلا 2010]

كل سنه وانتى طيبه يا قمر وفكرة الموضوع هايله
بصى ياستى رمضان زمان
كان جدى كل سنه بيجبلى فانوس انا واخواتى وكنا بنعلق زينه ف الشارع كلو وفوانيس
كنا نيجى واخدين بعضنا ع الجامع كل واحد معاه 2 كيلو تمر اى نعم كنا احنا برضو اللى بناكلهم بس اهو اسمها فطرنا صايم
نيجى بقى بعد الصلاه على الاكل هم هم واه بقى على بار ربنا ينتقم م اللى وقفوه
من صغرو وصغر سنه وعارف معنى انه من قلبه وروحو مصرى والنيل جواه بيسرى تاااااريخ ارضو وبلادو بيجرى ...


بكاااااااااااااااااااااار واحشنى يابن الـــــــ
والله جدتى كانت تسيب الاكل وتسرح معاه
هوى اصحابى ياااه
المهم كان يخلص نيجى جايبين على ابراهيم نصر والكاميرا الخفيه ونقعد قدامه لما نخلص ع الكنافه او القطايف
وننزل ع الشارع بالفوانيس والصواريخ والبومب وكنا بنقلق الشارع كلو وهيصه بقى

اما دلوقتى كبرنا بقى يعنى لو هالعب بفانوس بينى وبين نفسى ف الخباثه
بس الصواريخ برضه لسه شغالين نخلى الناس معديه وارمى يامعلم ونجرى
ساعات الوليه جارتنا بتقعد تجرى ورانا واحنا كبار كده
وبنعلق زينه برضو
بس المشكله مافيش بكار ولا الكاميرا الخفيه ولا تمر
بس فيه الاسطوره طبعا

بالنسبه لترتيب يومى بإذن الله كده
اتسحر
واصلى الفجر واقعد اقرأ اللى ربنا يقدرنى عليه من القرآن
واطلع ع الشغل اصلى الضهر
اقعد اتغدى ؟؟
لا ده رمضان
المهم اكمل شغل واصلى العصر واروح اخد دش واغير واطلع على كورس الانجلش
وبعدين اروح
اقول الاذكار وافطر او اصلى الاول على حسب وانزل ع الشارع بالصواريخ واضرب يا معلم
:(185)::(185)::(185)::(185)::(185):
االحياه هاتبقى حلوه بإذن الله

وكل سنه وانتم طيبين

[السندباد والسندريلا 2010]

ههههههههه ربنا يوفقك يا ياسو
احنا عندنا بكره عزومه ما باكلش انا لما نعزم حد \
:(108):

[E L J o K a R]

كل سنه وانتم طيبين يا اساطيير

كل سنه كنت بعمل حاجا حلوه اوي كنت انا البرنس بتاع الشارع بعد عمرو ابن عمي طبعا

كنت الم صحابي الي في الشارع وكنت اخود منهم 2 بيجو معايه كنت بروح اشتري زينه

ونيجي بقا نقعد نقطع ونلف نوربط ونعمل صفوف كده http://1.bp.blogspot.com/_o1yrs9gf72E/TEJA_YKBB7I/AAAAAAAAALo/74ksklsOi2Q/s1600/T_7ffa53ff-2d25-44ac-ad7a-169c71c33ff8.jpg


انا بوريكو صفوف ازاي يعني ده مش شارعنا

وكنت احب اقف في الشارع واقول لي ده اعمل كذه وده اعمل كذه كنت انا الريس بتاعهم

يعني بس عشان مش يبقا في زعل كلنا زي بعض مفيش فرق

وكنت انا وجدي كنا جدي كان مؤذن الجامع كنا ننزل قبل الفطار عشان نحط بلح للناس

وكنت بفتر في الجامع مع جدي بلح بردو

وكنت بصلي واسيب جدي واجري الحق كرتون بكار

وكنت القيه خلاص هيبتدي

كنت اطلع الأقي امي عملا شويه اكل ومألكوش بقا علي أكل امي جاااااااااااااامد

وكنا نأكل ونتفرج علي مسلاسلات واقوم اجيب اي حاجه حلوه من الثلاجه اكلها

انا بموت في حاجا اسمها سكريات لغايت ما قرب يجيلي السكر

بس بقا السنه ديه زي كل سنه بس السنه ديه اهلي كلهم سفرو وانا قلتلهم انا هقعد في البيت

قلولي لآ تعالي قلتلهم انا مش عايز اسافر وبعد خناق انا وي ابويه في الأخر الحمد لله واقف اني اعض

وبقيت قاعد في البيت وحدي في المنزل

يعني رمضان ده هقعدو لوحدي مش هلاقي حد انزل معاه الجامع ولا حتا يحدرلي أكل

وسلاموز بقا عشان داخل اتسحر

[المتهور]

كل سنة وانتى طيوبة يا انجولتنا

كل سنة وانتم طيبين يا أساطير

ويا رب الأيام الجميلة دى تعود عليكم بخير

زمان فى رمضان كنا بننزل انا واحمد وشلة الشارع كلها

وكنا بنعمل كل حاجة سوا كان عمل جماعى

انا كنت بقضيها مشاوير لوالدتى لما اكون عطشان

عشان الوقت يعدى اسرع

كان كل رمضان بييجى كنت بحس بفرحة مميزة كده

حاجة من عند ربنا

شهر رمضان المبارك ليه فرحة خاصة لوحدها كده

كنا دايما نقعد قبل آذان المغرب بربع ساعة واشوف والدتى وهى بترص الاكل

سنة ان الواحد يقعد قبل الآذان بشوية

بعد الإفطار كان ساعات كتيييير بنام حتى ولو نص ساعة كان جسمى بيريح اوى

واما بصحى بقى ساعات اخرج

وساعات اقعد فى البيت ونتابع بقى

مسلسلات برامج وخلافه

وكنت بفضل سهران لحد صلاة الفجر

مكنتش احب انام واصحى للسحور

عشان اعرف اتسحر كويس

كانت ايام جميلة وكان فيها بركة

واهى البركة بتعود لينا فى شهر جديد

ترتيب يومى زى الاول بس الحاجة المختلفة

اول شهر هيمر عليا وافطر واختى مش موجودة معايا

مفتقدها جدا

ربنا يرجعها بالسلامة

رمضان كريم عليكم جميعا

[E L J o K a R]

كل سنه وانتا طيب يا عمرو وانشاء الله اختك هترجعلنا بي السلامه

واهلي كمان هيجيو معاه

وعام كريم علي كل الأساطييييييير

[-(" SmSmA ")-]

كل سسسسنة وانتى طيوووبة انجولاآ ..

فكرهـ ج‘ـميلة ..

م‘ـميزهـ م‘ـن يووومكـ ..

هآآآابى رمضآان لكل ـألأاسسسآاطير ..

ولىى ع‘ـودهـ للتفآاع‘ـل ..

[E L J o K a R]

مستنينك

[MaNoOoSh]

كل سنة وانتم طيبيين جميع اعزائي الاساطير ..
وربنا يتقبل منا صالح الاعمال ..
وفي انتظارك سمسمة ..
:(153):

[-(" DoDo ")-]

انا زمان طبعا كنت صغيره فكنت بفطر فمكنتش بحس بطعم رمضان الا بالبومب والصواريخ والمدفع والمسلسلات والفوانيس
دلوقتي كبرت وقدرت افهم الصح من الغلط..
انا دايما بصحى من النوم الفجر قبله طبعا على السحور اتسحر وبعدها ادخل انام واصحى صايمه واروح للاسطوره
واقعد مع اصحابي وبعدها اذاكر واروح درسي وارجع اقلع يكون المدفع ضرب وبفطر وانزل اجيب سحور جديدي واقعد على الاسطوره شويه..
وعلى التراويح طيران ودي من الترتيبات اللي لسه هعملها لاني بليل باروح لاختي اقعد معاها لانها ولدت بنوته جميله ربنا يخليهالها واسمها نورسين ومعنى الاسم ضى القمر..ماعلينا وده اللي مخليني فرحانه قوي رمضان ده بزات وساعات ببات هناك واصحى بدري ارجع هنا واقعد على الاسطوره وهكذا..
دي ترتيباتي مع رمضان..
توبيك رائع انجل يسلموو..باانتظار القادم..كل عام وانتم بخير

[MaNoOoSh]

يسلموو عالمرور الاحلى ..

[мя.мσςтάғα]

تسسسلم الرووع‘ـة ..

ج‘ـزآاكـ ـالله خ‘ـيراُ ..,