أنا بدعيلك من ورا قلبى وبتمنالك الفشل الزريع

[drakola_kiss]

اشواقى لكم وتحياتى

أعزاءى الكرام
واخلاصى وامتهانى وتقديرى وتبجيلى



اليوم اسرد لكم افكارى
والامس كنت ادارى اخبارى
فالغد مستقبل مشرق لاقدارى
وما بقى من الحياة ما يزيد العمر اعمارى


موضوعى وبكل بساطة
ينقل لكم خبر وواقع وحقيقة لا اعرف هل هى حقيقة
أم مصدر لأوهام خيالاتى

وخيالاتكم



ينقل عن لسان بعضهم أن شخصا يقول محدثا الجميع


أنا بدعيلك من ورا قلبى وبتمنالك الفشل الزريع


تلك الدعوة التى تتداول بين ألسن الجميع
وما دام الجميع ينتظرون فالموت فظيع
هل لانهم خلعوا برقع الغباء وهو احد البراقيع

هذا ما ستسفر عن ايامنا الخوالى القادمة

نعم خوالى

فالقادم حروب ودمار وسرقه وخراب

يقولون فى يوم من الايام سيصبح الشعب فقيرا!

ضحكت من كل قلبى وسئلت
هل كان الشعب يوما ما غنيا ؟
اكتشفت اجابه حقا أنه كان شعبا غبيا .


مليون تحيه وسلام لاهل مدينتى الكرام
الذين عبثوا ونبذوا وحبسوا دماء المساكين العظام
الذين يعيشون يومهم فى سلام
ولا يريدون سوى معيشة تمام
ويرضون بالخصام
الى ان ظهر الفارس الهمام
الذى قلب الطاوله على النيام


من أهل فوق الكبار
ويقولون عليهم لا غبار
واتركوا أهل تحت صغار
بعيدا عن المعارك حرااااام

فلما تسلبوهم متقلوش
ولما تنهبوهم متظهروش
خليهم يقولوا حوش يا رب حوش
وسيبوهم يعيشوا فى اوضه واقعه قدامها حوش

ولا هتفرضوا عالحوش ضريبة
ده كل البيوت فيها غيبة
نقول اسكتوا احنا مش قدهم
وهو فيه حد زيهم

ناس نضيفه وعربيات لوكس
هتتكلموا مفيش غير البوكس


مدينتى يا مدينتى
ادفع فيها وقول يا هيهتى

ليه تدفع مرة لما تدفع مرتين
مهو انت اللى جبته لنفسك يا حسين
ارض فاضية بقت قصور
عايز تعيش فيها وتبقى دبور
منتا كنت قاعد فى ارض بور
ليه تضيع اللى حيلتك وتروح العبور
خليك فى قوقعتك
متخرجش
ليجيلك الموت فجأة متلحقش

اييييييييه
حدوته كبيره دايرة ومدوره
والكبير فاهم والناس محروره
طب انت مالك ؟ وتقولى مالى !
ياخى بلا خيبه
روح عيش فى
مالى
أهم ناس سود هيفرحوا بيك
هيقولوا ابيضانى خليك خليك
وخلى مالى هى مدينتك
واشترى 50 متر واعمل مدينتى
وانقل لهم ميزة شعبك
وفهمهم الشعوب لو لم تقف على دمار الشعوب
ما أصبحت شعوب ناميه

فهدفهنا الآن

الناميه العظمى
بلادى

والغالب عليها


بدعيلك من ورا قلبى وبتمنالك الفشل والقحط والفقر والغباء والذل
الزريييييييييييع




تحيا زمبليطة

[Brave Heart]

للاسف الشعب المصر قرف من بلده وال بيحصل فيها
الغلبان صعب يعيش فيها
وللاسف مهما حصل مش هتتغير البلد لانه عرف ازاى يقفلها
بخلاف ان قرار المحكمه مش هيتنفذ لان الرئيس امر بتشكيل لجنة قانونيه لحل المشكله وهتححل مش فيها كبار الدولة لازم تتحل يا درك
ربنا عليهم

تسلم دركولا على وصفك لحال الشعب بطريقه الشعب

[drakola_kiss]

الله المستعان

والف شكر لمرورك بريف هارت

[لولوا]

كلام جميل جميل جميل تسلم على وصفك الراائع لحال الشعب المصرى

[المتهور]

كلام جميل جدا

مش جديد عليك اسلوب الرقى فى كلامك وفى وصفك للقضية اللى بتطرحها

تسلم يا دركــ

[drakola_kiss]

الف شكر للمرور الجميل نور & عمرو

[nour €Ldeen]

سلمت يمناكـ التى خطت هذه الكلمات التى تعبر عن ما يدور فى قلب وعقل كل الشعب

لكن انت عبرت عنها خير التعبير

ومنتظرين منكـ القادم يادراكـ

موفق بأذن الله

أخوكـ نور

[drakola_kiss]

الف شكر نور
على مرورك الجميل

[أمير المنتدى]

بلدنا جميلة ....بس المشكلة في الناس اللي فيها من أكبرهم لأصغرهم..

[drakola_kiss]

المشكلة ان مفيش مشكلة
شكرا

[فتحي عيسي]

المشكلة أن مفيش مشكلة كما تقضلت لإننا أعتدنا علي قيام المشكلة حتي تصبح كالقنبلة ثم تنفجر وتسوي الأرض بمن عليها ثم نعود كما كنا ولا حياة لمن تنادي( ويبقي الوضع علي ماهو عليه لحين الفصل في البتاع ) أحنا كده وهنبقي كده طول ماكلامنا مبيتعداش حلقونا
شكرا لك علي طرحك الغيور الكريم
سلمت الأيادي
تحياتي وإحترامي

[drakola_kiss]

ويبقى الوضع لحين فصل البتاع
اشكرك فتحى على المرور الجميل