لو انت بتعمل كدا للأسف متبقاش راجل ..... !!!

[-("noda")-]

* لما ترضى تقعد سيادتك فالبيت وامك وللا اختك يصرفوا عليك
للأسف متبقاش راجل


* لما تكون طول وعرض وفشخره ع الفاضي
للأسف متبقاش راجل


* لما فـ كل لمة مع صحابك تقول بصوت عالي
عرفت فلانه بنت فلان وضحكت عليها
ودي صورها ودي نمرتها
للأسف متبقاش راجل



* لما تلبس وتتبرفن وتنزل تلف فالمولات من غير هدف
وتكلم دي وتعاكس دي
للأسف متبقاش راجل



* لما تخليت عن لبسك
ولبست بنطلون واقع من كتر ماهو مكسوف منك!!
للأسف متبقاش راجل



* لما تكون فاضي طول الوقت ووقت الصلاة سبحان الله تنشغل
للأسف متبقاش راجل


* لما تكون متجوز أو خاطب أو حتى بتحب
وتخون بكلمه ونظره مع الغير
للأسف متبقاش راجل


* لما تعتمد على فلوس ومنصب باباك
وتقول: وانا اشتغل واتعب نفسي ليه!!
للأسف متبقاش راجل


* لما تجرح أختك وتنسى أنك الراجل والأقوى
للأسف متبقاش راجل



* لما تبيح لنفسك كل حاجه وتحرمها على مراتك
للأسف متبقاش راجل




* لما تتصل عليك أمك وانت سهران مع صحابك اخر الليل
وتقفل انت الخط فوشها وتقول يوووه خنقتنا العجوزه دي
للأسف متبقاش راجل



* لما تكون وسيلة التفاهم عندك ايدك مش لسانك
للأسف متبقاش راجل



* لما تخجل من شغله أبوك البسيطة
للأسف متبقاش راجل



* لما مراتك تساعدك فـ اقساط الشقه وفرش البيت
وتتجوز عليها واحده تانيه وتسكنها فشقة مراتك
للاسف متبقاش راجل




* لما تفرق بين بنتك وابنك
وتقول لاء ده واد عزوه والبنت تتفلق
للأسف متبقاش راجل



* لما تتخلى عن أعز صحابك فوقت الشده
للأسف متبقاش راجل



* لما تعاكس بنات الناس عادي
وأختك لا عيب انا اختي ماتتعاكسش
للأسف متبقاش راجل



* لما تحبها وتحبك بصدق
وفجاءة شفت غيرها وتخليت عنها وتخون بدون اسباب
للأسف متبقاش راجل




* لما تحط عينك على وحدة تعرف أن أخوك أوصاحبك بيحبها
للأسف متبقاش راجل



* لما تعلي صوتك فوش امك عشان ترضي الست الهانم مراتك
للأسف متبقاش راجل




* لما تنقل كلام من واحد لواحد
للأسف متبقاش راجل




* لما تشوف بنت في حالها
ومابتعبرش حد
وتقول: شايفة نفسها على ايه دي؟ وربنا انزل مناخيرها الارض
للأسف متبقاش راجل




* لما تصدق الناس اللي بيتقالك عن حد صاحبك او عزيز
من غير ما تسمع منه حتى او تديله فرصه يوضحلك
للأسف متبقاش راجل




* لما فجأة تكتشف بعد جوازك
وبعد ماجبت منها كم عيل
انك ابتديت تحبها
وتقولهالها وتوجعها بيها!!
للأسف متبقاش راجل





مش كل واحد عنده شنب ودقن يبقى راجل...

الرجوله
موقف
وكرامه
وتصرف

********

[اسلام الشاعر]

شكرا على الموضوع المستوحى من اوضاع الشباب فعلا الايام دى
ولكن :
"لما تبيح لنفسك كل حاجه وتحرمها على مراتك
للأسف متبقاش راجل "
انا مش متفق كليا مع دى اه فى حاجات ذى الفسح و الأكل والشرب و المعاملة الكويسة دى حاجات اعامل مراتى ذى ما احب انها تعاملنى بيها
انما لو فى مرة ضعفت او نظرت لبنت نظرة دا مش معناه انها تعاملنى بالمثل طبعا انا مش بتكلم على اسلام انا بتكلم بصفة عامة فى حاجات لو الشاب عملها اه هى غلط و يمكن عيب بس الى حد ما ممكن تتقبل منه انما لو بنت عملت الحاجات دى يبقا قولى على الدنيا السلام اعتقد اللى انا أقصده واضح ..


ومرة تانية شكرا وتسلمى على مجهودك

dreamer

[لولوا]

بتفق مع الاخ اسلام
شكراا على الموضوع المميز

[Senyorita GrEeN EyEs]

كلامك كله صحيح 100 %

[أمــيـرهـ بـطـبعــي]

ههههههههههه نايس توبيك مع احترامى للرجاله بس ده يبقى من جماعه أشباه الرجال

بشكرك عجبنى بصراحه .......:(45):

[اسلام الشاعر]

:(157)::(157)::(157)::(157)::(157)::(157)::(157): بس خلاص أعتقد الرسالة وصلت إبنى وحيد فى العراق هههههههههههه

دريمر شان مكاسل أغير اللغة :(45):

[sad romantic]

شكرا علي الموضوع
بس الموضوع ده يزعل رجالة كتير