كيف تثبت أنك مصرى الامر خطير [الأرشيف]

مشاهدة النسخة كاملة : كيف تثبت أنك مصرى الامر خطير

drakola_kiss

11-07-2010, 01:15 AM

السلام عليكم ورحمة الله وبركاته

تحية الاسلام
ما بقى لنا غير الاسلام
فنحن أصبحنا غير مقيدين على قيد الحياة

مصر مصر مصر مصر مصر مصر مصر مصر مصر مصر

تمتع من قراءتك لتلك الكلمة فربما بعدها لن تعرف

من انت ؟ أو لماذا أنت متواجد ؟

الموضوع لا أريد به احباط أحد ولكنى علمت بعد 23 سنه أننى لست مصريا
!
وبما أننى لم أخرج بعيدا عن مصر
فأننى لا انتمى الآن لأى دولة

وليس الامر معلق بى وحدى
فالامر بنا جميعاااااااا

من قال أن العلم نور فقد أفتى
لأنه بالفعل نور للعقل وظلام لباقى الاعضاء

علمت مؤخرا أن
1/ عدم ترشيح البرادعى للرئاسة متوقعا فوز أحد اعضاء الحزب الوطنى
2/ امتناع 22 عضو من الاخوان عن الترشيح لمجلس الشعب
3/ والاخطر منع بعض اعضاء مجلس الشعب من السفر خارج مصر
للآتى

كيف تثبت أنك مصرى ؟!

كان هو السؤال لهؤلاء الاعضاء عند استخلاص أوراق السفر

ولكن دعنى اسألكم

كيف تثبتوا انتم انكم مصريين ؟

هرد انا بدالكم

1/ البطاقة ( بمعرفة الرقم القومى )
مش دليل
2/ لو مطلع باسبور مصرى باسمى
مش دليل
3/ شهادة ميلادى
مش دليل
4/ تخرجى من جامعة مصريه
مش دليل

اذا ما هو الدليل

منذ ايام كتب أحد الصحفيين بجريدة المصرى اليوم مقالا بعنوان

كيف تثبت أنك مصرى ؟

اكتشفوا معى اسرار الدولة الحبيبه

قانون
المادة 26 من عام 1975 من الدستور المصرى
ينص على

(يعتبر مصريا كل من توطن فى مصر من غير رعايا اجنبيه قبل 5 نوفمبر 1914)

يعنى المصرى هو اللى عاش فى مصر قبل الحرب العالمية الاولى

!!!!

أثبتلى بقى أن أهلك وجدودك كانوا عايشين فى مصر قبل الحرب العالمية الاولى
؟

تعالوا بقى شوفوا المطلوب

1/ شهادة ميلاد الاب والام
2/ شهادة ميلاد الجد والجده
3/شهادة ميلاد أبو الجد وأبو الجده
4/ شهادة ميلاد أم الجد وأم الجده
5/ شهادة ميلاد جد الجد وجدت الجده وجدت الجد

ومن جد وجد

لو قدرت تعمل كل ده يا سلام بقى لو فيه غلطه فى حرف واحد
يبقى انسى
يعتبر باطل

تعالوا بقى للأروع

_ وصل سداد فاتورة كهربا أو غاز او تليفون

_ عقد بيع املاك او شراء قبل الحرب العالمية الاولى

ويا سلام بقى لو كنت من أسرة الملك
يبقى أمك دعيالك

لأن الملك الوحيد اللى كان عنده تليفون قبل الحرب العالمية الاولى !

وبما ان الكهربا مكنتش موجوده قبل الحرب
ممكن تجيب وصل طاقة شمسية بالنهار
أو رسالة من القمر بان كان فيه
حد من اهلك كان موجود ساعتها

والكلام ده طبعا بيطلب من بعض اعضاء مجلس الشعب حاليا
والشاطر يثبت

وكما قالت نانسى بنت الحسب والنسب
للشعب المصرى المجهول الهوية

لو سئلت أنت مصرى تقولى ايه ؟

قولها تفوه عليكى جاهله

قولها

بنغالى
ولا مقديشى
روح اقعد فى الصومال
ولا بالقرشين اللى معاك اتأجر فلوكه فى بحر الرمال الاعظم يمكن ترتاح

يقولون ان الحياة على شوطىء أوغندا رحبة الهدوء
قدم على شغل فى أوغندا

أصبحت الآن حر طليق ليس عليك قيود
فافعل ما يحلو لك

لا أريد احباطكم
ولكنى

اتجمل

تذكرت الآن الضريبة العقارية والتى تفرض ضريبة على المكان الذى تجلس فيه
يعنى متأجر شقتك اللى بنتها من الدولة

دلوقتى

معاهم حق

لانك اساسا مش مصرى

يعنى احنا ضيوف عليها
ولو دامت لك كانت داااااامت لغيرك

واشرب دمتى

وقول

دمتى لنا حره بالصيف
وساقعه اوى بالشتى

سلاموا عليكوا

Le CroYanT

11-08-2010, 11:53 AM

قانون
المادة 26 من عام 1975 من الدستور المصرى
ينص على

(يعتبر مصريا كل من توطن فى مصر من غير رعايا اجنبيه قبل 5 نوفمبر 1914)

ههههههههههههههههههه
الحمد لله اني طلعت مش مصري
يسلمووو ع التوبيك

drakola_kiss

11-08-2010, 12:48 PM

انت حر افعل ما يحلو لك
تسلم عالمرور روميو

♥ Algérie pharaonique ♥

11-08-2010, 05:44 PM

:(183):
الحمد لله انك مش مصري ؟؟؟؟

للاسف مصر لا تستاهلنا
مصرررررررررررريه و لو كرة و كذب الحاقدين
مصررررررررررررررريه حتى الموت
مصررررررررررررريه و كلى فخر و اللى مش عاجبو يموت قهر
مصررررررررريه و افتخر و اللى مش عاجبو ينتحر

برغم انى من ام جزائريه
اعششششششششششششششششششششششق مصر
اكثر من اى بلد اخر هى بلدى روحى و كل كيااانى
مهما عملت فياا بردو انا بنت النيل و بنت مصر
و طظظظظظظظ فى اى حاجه
:(140):

nour €Ldeen

11-08-2010, 06:06 PM

الكلام دا صحيح وانا عن نفسي درسته فى كلية الحقوق
الكلام دا معناه ان الشعب(المصري) دا لو كان فى اساساً شعب مصري قليل جداً
يعنى ان معظم السكان بدون جنسيه
طيب انا لو مش مصري أكون ايه؟؟
السؤال دا مافيش حد عرف يجاوب عليه حتى فى كلية الحقوق

تعرف يادراكولا والله مش فرقه معايا الحمد لله انى مسلم

MaNoOoSh

11-08-2010, 06:18 PM

ممممممممممم
حاجة خطيره بجد ومعلومة لاول مره بعرفها ..
كان الله في عون ابناء مصر الى طلعو مش ابنائها ..
الى يعيش ياما يشوف بجد ..
تسلم دارك ..

NaNoOsH

11-08-2010, 06:28 PM

يعني انا مش مصريه

امال انا ايه :(53):

المهااااجر

11-08-2010, 06:32 PM

لا أريد احباطكم
ولكنى

اتجمل

تذكرت الآن الضريبة العقارية والتى تفرض ضريبة على المكان الذى تجلس فيه
يعنى متأجر شقتك اللى بنتها من الدولة

دلوقتى

معاهم حق

لانك اساسا مش مصرى (http://www.aralg.com/vb/showthread.php?t=157970)

يعنى احنا ضيوف عليها
ولو دامت لك كانت داااااامت لغيرك

واشرب دمتى

وقول

دمتى لنا حره بالصيف
وساقعه اوى بالشتى

سلاموا عليكوا

انا جالى احباااااط شديد
بس الحمد لله اللى انا مسلم
وجدى انا اللى كان معاه التليفون قبل الحرب العالميه
الاول وكنت عامل الدقيقه بتعريفه داخلى وقرش محافظات
هههههههههههههههههههههه
تسلم يادارك ع الموضوع الجميل

♥ Algérie pharaonique ♥

11-08-2010, 06:37 PM

:(140):
هطررررررررررررررررشق
انا مش عارفه ليه انتو تخى كونتو كده
المفروض ما تصدقوش
نحنا مصرررين
:(183):

nour €Ldeen

11-08-2010, 06:48 PM

ياعاشقه انتى فكرنا فرحنين لاء
لكن تصورى ان دا فعلاً قانون بلدنا هو الى خلنا مش مصريين
يعنى انا على شان اثبت انى مصرى دا لو حد طلبى منى ذلك مستحيل أعرف اثبت ان جدودى كانوا
مواطنين مصريين ومكنوش تحت الرعايه الاجنبيه قبل سنة1914
لان المطلوب وصل كهرباء او مياه او غاز او عقدبيع املاك او شراء قبل الحرب العالميه
ومطلوب شهاداة ميلاد جدودى:(124):

♥ Algérie pharaonique ♥

11-08-2010, 07:50 PM

اوك
مصريين بردو
:(183):

E L J o K a R

11-08-2010, 08:05 PM

يعني علي كده انا مصري

!!

طيب ما انا عارف

ههههههههه

:(95)::(95):

♥ Algérie pharaonique ♥

11-08-2010, 08:08 PM

يعني علي كده انا مصري

!!

طيب ما انا عارف

ههههههههه

:(95)::(95):

الزين يتكلم و كلنا مصريووووووووووووووووووووووووووووووووووووووون :(114):

E L J o K a R

11-08-2010, 08:49 PM

الزين يتكلم و كلنا مصريووووووووووووووووووووووووووووووووووووووون :(114):

ههههههههههههه

:(114)::(114):

اكيد مصري وافتخر اني مصري

:(95)::(95):

أمــيـرهـ بـطـبعــي

11-08-2010, 09:08 PM

أنتوا بتتكلموا فى ايه ياجماعه
ههههههههه اللى عارف نفسه مصرى يرفع أيده واللى شاكك فى نفسه يقدم طلب
واللى حاسس أنه محتار عندنا هنا تخفيضات لجنسيات أخرى
ياجماعه اهدوا وركزوا بقى ....
دى مصر حبيبتنا مش معقوله تسبنا كدا حيرانيين
وزى ماقلت نور الدين المهم انى مسلم :(207):

E L J o K a R

11-08-2010, 09:09 PM

♥ Algérie pharaonique ♥

11-08-2010, 11:42 PM

الدين ... الوطن
اسلام .... مصر ....
مصريون قلبا و روحا حتى خفه الدم مصرررررريووووووون
:(114):

ShaMs

11-09-2010, 12:21 AM

قبل ما اتكلم فى اى حاجة خااااااااالص وقبل ما ارد على الموضوع

كلنا مصرييين وكلنا ابناء مصر رغما عن الجميع

وكلنا نفتخر بمصريتنا

ونجيب اقتباس من الموضوع ونرد عليه واحدة واحدة

كيف تثبت أنك مصرى الامر خطير (http://www.aralg.com/vb/showthread.php?t=157970)

السلام عليكم ورحمة الله وبركاته

تحية الاسلام

ما بقى لنا غير الاسلام

فنحن أصبحنا غير مقيدين على قيد الحياة

وعليكم السلام ورحمة الله وبركاته

مصر مصر مصر مصر مصر مصر مصر مصر مصر مصر

تحيا مصر .

تمتع من قراءتك لتلك الكلمة فربما بعدها لن تعرف

من انت ؟ أو لماذا أنت متواجد ؟

الموضوع لا أريد به احباط أحد ولكنى علمت بعد 23 سنه أننى لست مصريا

اثبت انك لست مصريا

!

وبما أننى لم أخرج بعيدا عن مصر

فأننى لا انتمى الآن لأى دولة

وليس (http://www.aralg.com/vb/showthread.php?t=157970) الامر (http://www.aralg.com/vb/showthread.php?t=157970) معلق بى وحدى

فالامر بنا جميعاااااااا

من قال أن العلم نور فقد أفتى

لأنه بالفعل نور للعقل وظلام لباقى الاعضاء

علمت مؤخرا أن

1/ عدم ترشيح البرادعى للرئاسة متوقعا فوز أحد اعضاء الحزب الوطنى

البرادعى حلم كلنا وانا شخصيا حلمت بيه

بس اكتشفت فى الاخر انه كان وهم

وان منقذ البلد دى لازم يكون راجل من ولادها

شاف الذل وداق المر فى ارضها

2/ امتناع 22 عضو من الاخوان عن الترشيح لمجلس الشعب

الاخوان اصحاب صفقات

صدقنى لو ضامنين بنسبة 60 فى المية انهم هيكسبوا الانتخابات دى مش كانوا هيقاطعوها

3/ والاخطر منع بعض اعضاء مجلس الشعب من السفر خارج مصر

ايه السبب طيب ؟

للآتى

كيف (http://www.aralg.com/vb/showthread.php?t=157970) تثبت (http://www.aralg.com/vb/showthread.php?t=157970) أنك مصرى (http://www.aralg.com/vb/showthread.php?t=157970) ؟!

كان هو السؤال لهؤلاء الاعضاء عند استخلاص أوراق السفر

ولكن دعنى اسألكم

كيف تثبتوا انتم انكم مصريين ؟

هرد انا بدالكم

1/ البطاقة ( بمعرفة الرقم القومى )

مش دليل

2/ لو مطلع باسبور مصرى (http://www.aralg.com/vb/showthread.php?t=157970) باسمى

مش دليل

3/ شهادة ميلادى

مش دليل

4/ تخرجى من جامعة مصريه

مش دليل

اذا ما هو الدليل

منذ ايام كتب أحد الصحفيين بجريدة المصرى اليوم مقالا بعنوان

كيف (http://www.aralg.com/vb/showthread.php?t=157970) تثبت (http://www.aralg.com/vb/showthread.php?t=157970) أنك مصرى (http://www.aralg.com/vb/showthread.php?t=157970) ؟

اكتشفوا معى اسرار الدولة الحبيبه

قانون

المادة 26 من عام 1975 من الدستور المصرى

ينص على

(يعتبر مصريا كل من توطن فى مصر من غير رعايا اجنبيه قبل 5 نوفمبر 1914)

يعنى المصرى هو اللى عاش فى مصر قبل الحرب العالمية الاولى

!!!!

أثبتلى بقى أن أهلك وجدودك كانوا عايشين فى مصر قبل الحرب العالمية الاولى

؟

جوابى عليك تحت

سلاموا عليكوا

اولا دستور 1975 ملغى
وفى الدستور الحالى لا توجد المادة دى اساسا

ولكن فى المادة 6 من الدستور الحالى بتقول (الجنسية المصرية ينظمها القانون )

ثانيا
المادة دى فى نظر فقهاء القانون مادة قاصرة وبها عيوب كثيرة جدااا
وخصوصا على المصريين من ابناء الام
لان القانون ماكنش بيعترف بابناء الام كمصريين وبتكون تبعية الابناء لابوهم ودة ضد حقوق الانسان
وقبل الحرب العالمية الاولى كان موجود الاحتلال الانجليزى وكان فيه فى مصر جنسيات كتير جداااا
فيه منهم كتير جدااا اتجوزوا من مصريات وخلفوا منهم عيال
وطبقا للدستور المصرى كانوا العيال دى تبع جنسية ابوهم
ولما صدر دستور 1975 بيقول كل من توطن فى مصر من غير رعايا اجنبية
قصده ان اى حد كان عايش فى مصر ولا يحمل جنسيه اخرى فهو مصرى
ودة طبيعى جدااا
لان الرعايا الاجانب او الغير مصريين بيكون معاهم هوياتهم
اما المصريين فكانت الامية كتيرة بينهم فى الايام دى
يعنى كان فيه عدد كبيير جداا منهم لا يحمل اى ورقة تدل على شخصيته ودة كان عادى جداا

يبقى اللى نفهمه لغاية دلوقتى ان كلنا مصرييين تبعا للاب وللجدود
لاننا لو كنا اجانب او غير مصريين كنا هنبقى تابعين للاب حتى لو الام مصرية

يبقى اللى اتظلم من القانون دة هو ابناء الام المصرية والاب الغير مصرى
لان زمان القانون ماكانش بيمنح الجنسية لابناء الام

والقانون دة اتغير على فكرة دلوقتى وبقى ابناء الام بيحصلوا على الجنسية عادى

بعيدا عن القانون والدستور

احنا مصريين بالدم

وطول عمرنا مصريين وجدودنا مصريين وجدود جدودنا مصريين
احنا ابناء مصر اللى كتبت التاريخ
منذ ايام الانسان البدائى ومصر هى مصر وموجودة وستظل مصر ام الدنيا كلها
لان مصر كانت موجودة وبدأت البلاد تظهر بعدها

مصر طول عمرها دولة واحدة
عمرها ماكانت قبائل وبقت دولة
وعمرها ماكانت عشائر وبقت دولة

مصر دولة ذات نظام وسيادة وتاريخ عريق وطويل

بكل الفخر والاعتزاز
سواء كنا مسيحييين او مسلمين

كلنا مصرييييييين
تسلم يا درك
على الموضوع الجميل دة

وبجد زعلنى كتير ان فيه ناس شكت فى مصريتها
وبحييى عاشقة تراب مصر على انتمائها العظيم

♥ Algérie pharaonique ♥

11-09-2010, 12:35 AM

سمعنى احلــــــــــــــــــــــــى سلام
من هنا لحد مقام الشهيد بالجزائر
ههههههههههههههههههههههههه
و سمعنى سلام لو مكنتش انت تمصرنى مين هيمصرنى
هو ده الكلام و لا بلاش
بلا بتنجان بقى
فى حاجه اسمها مش مصرييين
ههههههههههههههههههههههههههههههههههههههههههه
هتشمتو فينا الجزائريين
بجد انا بقى بحيي الزعيييييييييييييييييييييييييييييم جدااااااا
ايووووووووة كده :(140):

القلب الشجاع

11-09-2010, 07:55 AM

حرام عليك بجد دراكولا

من زمان بعيد لم ابكى لهذه الدرجة

رغم انى سمعت الكلام ده فى برنامج الطبعه الاولى

الا ان اسلوبك فى سرد الكلام ابكانى كثيرا

لكن لما نرجع للحقيقة لازم تعرف ان من كل بيت مصرى

كان فيه شهيد حرر ارضها وسهر على امنها يبقى اكيد انا مصرى

لما والدى كان فى جيشها ايام جمال ماكان ريسها يبقى اكيد انا مصرى

لما ابن عمى كان فارس ضمن ابطال حرب اليمن وحضر اجمل نصر للعزيزة مصر يبقى اكيد انا مصرى

لما كنت انا فى جيشها ايام الفارس والقائد ابو غزالة (رحمة الله علية) ابقى اكيد انا مصرى ابن مصرى

وجدود جدودى مصريين رغم انف الانفين

سيبك من الفقاقيع اللى على سطح البحر شوية هوى هيخلصوهم

وفى الاخر انت مصرى ابن مصرى ... وابن مصر الله عليه

امجاد الماضي

11-09-2010, 12:47 PM

تحيه لمصر العظيمة وأولادها . مشكور دراكولا

♥ Algérie pharaonique ♥

11-09-2010, 06:29 PM

تحيا بلادى
....
:(114):

drakola_kiss

11-10-2010, 01:13 AM

الانتماء هو الايمان بالوطن
ولا يوجد أى مصرى على أرضها لم ولن يشكك فى حبه وايمانه بوطنه برغم ما يحدث بها من أهوال وفجائع

وعندما نتحدث عن مادة غبية كهذه لا يعنى أننا نشكك فى مصريتنا
فالكل يعلم مدى وكم هو مصرى عربى وقبلهما مسلم
والجميع يعرف قدر مصر

ولكن عندما نتناول موضوعنا بنوع من استبيان حقيقة مره ومبدأ خاطىء
لا نقصد الاهانة لشعب مصر الذى ننتمى اليه
!

أسلوبى اختلف قليلا عن ما سمعه البعض
أو ما درسه البعض
فما الفارق
؟

فالمادة موجوده ولم تلغى بعد
ودستورنا الحالى ينص بمادته السادسة
أن
القانون ينظم الجنسية المصرية

سؤالى
لماذا يتناول الاعلام الحديث عن هذا الموضوع
؟؟

ولو الغيت المادة

لما يسئل اعضاء مجلس الشعب حاليا عن هذا
؟؟

تناولت الموضوع من وجهة نظرى للحكومة
وليس لمصر
والبعض تناول الموضوع من وجهة نظر شخصية

نريد لبلدنا الارتقاء دائما ولسنا نحن من نعيبها
فمجرد تسليط الضوء لمعرفة أو علم بأمر يهمنا جميعا
أمر لابد منه
ويجب أن نعلم من تكون مصر وماذا تفعل حكومتها

ردود أفعالكم كان ضدى بالموضوع
وردود افعالكم التى أردتها
هى ان تعلموا ما نحن فيه من ظلم
وكان من الاجدر بنا كمصريين

أن نفعل شيئا لالغاء مادة كهذه
ولكن ما شاهدته من الردود
.........

لم أتحدث على ما فعلته مصر من حروب أو مشاركتها فى حروب الاخوه العرب
ولست بقاصد هذا
فالكل يعلم فضل مصر

ولكنى أردت أن أظهر استراتيجية حكومة
اذا أرادت الاطاحة بك فى أى وقت

وما فعلته كان من مبدأ الحب الشديد لمصر
وليس من منطلق الظهور او الاعجاب
كما أحس البعض منكم

عاشت مصر البلد قويه بأبناءها
وعاشت مصر الحكومة حاره بالصيف
بارده بالشتاء

♥ Algérie pharaonique ♥

11-10-2010, 01:28 AM

و احنا ايه بقى الشئ اللى هنعملو عشان نلغى الماده دى ؟؟؟

اذا كنا مش عارفين نحافظ ع شوارعنا من رمينا للزباله فيها ؟؟
هنلغى قانون ؟؟؟
ههههههههههههههههههههههه
:(124):

drakola_kiss

11-10-2010, 01:43 AM

ابسط مثال
بدل متعملى جروب محبى وعشاق تيمو

اعملى جروب لالغاء القانون وتحاولى
بس يكفيكى تعملى كده لو عايزة تعملى

:(114):

ردى عليا وقوليلى اعمل انت بقى
هقولك

لو شايف ان فيه امل فينا
كان الواحد يفكر يعمل

♥ Algérie pharaonique ♥

11-10-2010, 01:28 PM

و مين قال انى اصلا بحب تيموههههههههههههههههههه
و مين قال انى بعرف اعمل جروب ؟؟؟
:(114):

و لو بعرف اعمل مكنتش هعمل لان زى ما قال مصطفى كامل مفيش فايده ههههههههههههههههههه :(172):

drakola_kiss

11-10-2010, 03:31 PM

لا ده مش مصطفى كامل ده
عباس العقاد

كفاية ارجوكى

عاشقه مصر

11-10-2010, 06:45 PM

ميرسى ع المعلومه

♥ Algérie pharaonique ♥

11-11-2010, 05:04 PM

كفايه ارجوكى ايه هو انا بعذبك ؟
ههههههههههههههههههههههه
خلاص و الله عادى محصلش حاجه
انا بس مش مقتنعه بالموضوع محناش جايين من فرنسيين :(124):
جايين من مصريين
و الحمد لله
و عاشقه مصر عضوه جديده ياريت متصدقيش و تفضلى تعشقيها ... :(114):
و شكرا ليك

drakola_kiss

11-11-2010, 05:30 PM

تعذبينى
!!

واضح أنك واخده بالك من نفسك زيادة عن اللزوم
وده كويس

بس ياريت يكون كلامك الطف من كده شوية

اصلى مبستحملش الكلام الزيادة عن حده

والموضوع مش متقبلاه متدخليش تردى عليه يا عاشقة تراب مصر وقاعده فى الجزائر

:(114):

آن الرحيل

11-11-2010, 05:34 PM

من الواضح ان الموضوع متفتحش الا على الانتخابات بس
يعنى مجرد تعجيز مش أكتر لان طبعاً الحاجات المطلوبة
للاثبات استحالة حد يقدر يعملها
ومش مرتبط خالص باثبات المواطنة للشخص العادى
وكلها أيام الانتخابات والموضوع هيتقفل وكأن شيئاًلم يكن

دمت مبدعاً

drakola_kiss

11-11-2010, 05:40 PM

الله ينور عليكى
قولى بقى للمناضلة عاشقة التراب

لتكون هى المصرية الوحيده فى العالم ولا حاجه

شكرا لمرورك المفيد آن الرحيل

آن الرحيل

11-11-2010, 05:46 PM

ممكن هى مافهمت مغزى الموضوع صح
وكان المحرك ليها حبها لمصر مش أكتر
وبلاش ناخد الكلام على أعصابنا
كلنا فى الاخر أخوه

القلب الشجاع

11-11-2010, 09:08 PM

ياريت ياجماعه مش كل موضوع يتعمل ويكون موضوع جاد زى كده

نحوله لـ شات ... عاشقه تراب مصر ... منفضلك احترمى رغبة صاحب الموضوع

دراكولا بجد انا باحترم موضوعاتك جدا لأنها محتاجه تركيز وتفكير

بس بجد اول ما وصلت عملى فتحت الموقع لقيت اعلان بالموضوع فتحته

استرسلت فى القراءة فى النهاية وجدتنى حزين ادمعت عيناى ليس لشيئ إلا من مانفعله نحن فى مصر

لأن مصر لا تستحق منا الا كل احترام واجلال وتقدير

لا تستحق ان يأتى كل فترة شخص يضع مواد ولوائح وقوانين لتناسب احلامه ومطامعة

ولكن فى النهاية

مصر فوق الجميع ... عاشت مصر حره مستقله ... عاشت مصر عربية ابية قوية ... تحيا جمهورية مصر العربية

T I G E R

11-11-2010, 09:24 PM

لو لم اكن مصريا
لودت ان اكون مصرياً
ياعني انا لو مش مصري بالقانون
فانا مصري بإراضتي
ولو عاوز إثبات

ممكن تشوف كارنية الجيش
:(173):
اظن ده كفاية

فيحاء

11-11-2010, 09:45 PM

اهو كده مش هتبقى جمهورية هتبقى مملكة
والاسم جمهورية
يعنى اى حد يرشح نفسة للانتخبات مش هينفع ترشيحة
لانه لازم يثبت انه مصرى الاول
شوف بقى كام واحد هيفكر يريشح نفسة ويقدر
يثبت انه مصرى

♥ Algérie pharaonique ♥

11-11-2010, 09:59 PM

حضرتك ما تقبلتش كلامى و انا كنت بكلم بطبيعتى
و حضرتك فهمتنى غلط
و انا اسفه
لكن احب اقلك انا فمصر و رجعت من الجزائر
و ده لا يقلل من حبي لمصر
و اسفه مرة تانيه ...

drakola_kiss

11-11-2010, 11:34 PM

الموضوع لاظهار حقيقة متواجده بالفعل
ولو لم نذكرها اذا علمنا بها
سيكون الجانب السلبى الذى لا نقبل به

وعندما نتوقف عند أمر بتلك الصعوبة يستخدم وقت ما يشاء من يريده
فسيكون هنا الخلل منا
تتواجد ردود افعال باننا نتحدث كثيرا بلا فائدة
ولكن عندما نعلم جيدا حقيقة نعيها بعد ذلك ونفهمها جيدا سيتغير التفكير للافضل

فلابد من سرد السلبيات لاتقاءها فيما بعد

ولكن عندما يتحول الامر الذى ليس بايدينا الى مشاجرة
والقاء الردود الخفية والتظاهر بالجديه والقصد اظهار من يفوز بالكلمات سنظهر بالفعل الجانب السلبى وهو عدم الفهم

نحن هنا لنفيد ونستفيد باى طريقة مشروعه كما يقول الكثيريون
ولكن اذا حولنا الاستفاده لمعركة من الاقوى , فهناك من الكلمات ما لا تنتهى ومن الردود ما لا يحصى

اشكركم على المرور

واعتقد ان الموضوع أخذ اكثر من حجمه من النقد الغير هادف
ولم يأخذ حقه من الاعضاء بمفهومه الحقيقى