T I G E R
11-27-2010, 10:16 PM
بكره انا ناوى انتخب
هنتخب مره ضميرى
يعنى مسيبش حد تانى
...
هو اللى يحدد مصيرى
يعنى اروح اللجنه بدرى
مش علشانهم لا عشانى
علشان اخويا وابنى وابنه
علشان الست ام امانى
هدلى بصوتى وانسحب
هرضى يعنى لامتى بس
بان بلدى تتنهب
لو فضلت فيها ساكت
بكرة اسمى هيتشطب
بس انا حاولت اغير
حاجه من واقع اليم
يعنى مش راح يوم تزور
اسمى وتبقى فى السليم
يمكن تقول عيل صغير
بس كلامى ف الصميم
هكتب فى بطاقه انتخابى
اى كلام يجى ساعتها
هكتب انتم لا تصلحون
هكتب زهقنا ارحمونا
هكتب كفايه ذل فينا
هكتب لامتى هتحكمونا
بدستور كاتبه شارون
هكتب بحبك يا مصر
حتى مهما شوفت فيكى
فقر مر ذل قهر
هصبر ع الجار اللعين
بكرة تجيله مصيبه تاخده
مش هيعيش طول السنين
هكتب فيها يحيا الهلال
وهو حاضن الصليب
هكتب ابدا مش حلال
تقتلو خالد سعيد
هكتب فين رمز الميزان
فين العدل والامان
مش هعيش طول عمرى خايف
هبقى انسان مش جبان
يعنى يسقط كل ظالم
كل فاسد كل قاتل
وبس يعيش ابن البلد
اللى حب تراب بلاده
وبكرباجهم اتجلد
هنتخب مره ضميرى
يعنى مسيبش حد تانى
...
هو اللى يحدد مصيرى
يعنى اروح اللجنه بدرى
مش علشانهم لا عشانى
علشان اخويا وابنى وابنه
علشان الست ام امانى
هدلى بصوتى وانسحب
هرضى يعنى لامتى بس
بان بلدى تتنهب
لو فضلت فيها ساكت
بكرة اسمى هيتشطب
بس انا حاولت اغير
حاجه من واقع اليم
يعنى مش راح يوم تزور
اسمى وتبقى فى السليم
يمكن تقول عيل صغير
بس كلامى ف الصميم
هكتب فى بطاقه انتخابى
اى كلام يجى ساعتها
هكتب انتم لا تصلحون
هكتب زهقنا ارحمونا
هكتب كفايه ذل فينا
هكتب لامتى هتحكمونا
بدستور كاتبه شارون
هكتب بحبك يا مصر
حتى مهما شوفت فيكى
فقر مر ذل قهر
هصبر ع الجار اللعين
بكرة تجيله مصيبه تاخده
مش هيعيش طول السنين
هكتب فيها يحيا الهلال
وهو حاضن الصليب
هكتب ابدا مش حلال
تقتلو خالد سعيد
هكتب فين رمز الميزان
فين العدل والامان
مش هعيش طول عمرى خايف
هبقى انسان مش جبان
يعنى يسقط كل ظالم
كل فاسد كل قاتل
وبس يعيش ابن البلد
اللى حب تراب بلاده
وبكرباجهم اتجلد