المساعد الشخصي الرقمي

مشاهدة النسخة كاملة : >ليه اخترت اسمك الحركي (nick name ) كده<

ahmed_slaym
10-02-2008, 11:52 PM
كل واحد فينا ليه اسم حركي بيستخدمه في معظم المنتديات علي النت

اكيد الاسم ده ليه قصة


ياريت كله يدخل يقول ايه سبب اختياره للاسم ده
Fujim
10-03-2008, 08:06 AM
موضوع ممتاز يا أحمد، و يا ريت فعلا الأعضاء يتفاعلوا معاك فيه.


أنا اسمى ده ليه قصة عجيبة جدا.
كنت زمان بموت فى حاجة اسمها فيديو جيم، أى لعبة أعرفها اتنينى وراها لحد ما أبقى أحسن واحد فى أصحابى يلعب اللعبة ديه. و ساعات أكون أحسن واحد فى المركز بتاعى.
ففى فترة كنت بلعب لعبة اسمها MK4 اختصار لــ Mortal Kombat 4 ، اللعبة ديه عبارة عن ناس عندهم قدرات خارقة و بيلعبوا مصارعة، كان أصعب واحد ممكن تلعب بيه اسمه Fujin ، كان حركاته صعب جدا تعملها و عايزه سرعة. المهم أنا كنت متقن حركاته جدا، و اتشهرت فى المنطقة انى بعرف العب بيه. لحد ما بقى ناس ما يعرفوش اسمى ينادولى باسم المصارع ده ، فلزق فيا.
طبعا بعد فترة أنا مش فاكرها جت على Fujin عوامل التعرية و اتعرى و تحول لـFujim . و من يوميها و أنا خدت Fujim ده كاسم رسمى ليا فى أى حاجة تخص الكمبيوتر سواء برمجة أو منتديات أو لعبة أو اى حاجة.

يا رب أكون أفدت
روح الحياة
10-03-2008, 01:13 PM
بسم اله الرحمن الرحيم اما عن اسم روح الحياة فهي صفة اطلقها علي شخص قريب مني واحببتة جدااااا واحببت الاسم واخذتة رمز لي في كل منتدي اسجل لي ودمتم بود
النهر الخالد
10-03-2008, 02:17 PM
بالنسبة اليا انا من عشاق نهر النيل وهو المكان الوحيد الى برتاح فيه وبحسن ان كل همومى بتنشال او ما اروح عند النيل وخاصتا بالمنيا المشهورة بكونيش النيل اللى هو جنه خضرة وجنانين و شجر و خضره على النيل وده مش مجود باى مكان بمصر و كل لما اروح كورنيش النيل افتكر اغنية محمد عبدالوهاب النهر الخالد
ahmed_slaym
10-03-2008, 07:00 PM
شكرا لكم جميعا على المشاركة
MaNoOoSh
10-03-2008, 10:57 PM
بالنسبه لنك نيم بتاعي كان والدى الله يرحمة بيسمينى انجل لما كنت بالثانوى واستمر الاسم معايا لحد دلوقتى والحمد لله .. بس مع ذلك نسيت اسمى الحقيقي وراحت عليا باسم انجل
^_^

يسلموو عالموضوع اخى الكريم
الف شكر
Miss sense
10-04-2008, 02:59 AM
اما انا فاسمى اميرة المنتدى وهذا كان اختيار
من واحد عزيز على فاصبحت اميرة المنتدى
واسمى الحركى الاخر والمعروف شهد
ودا اسمى الغالى على جدا علشان له
ذكريات جميله اوى عندى يكفى ان امى
رحمها الله اول من اطلق على هذا الاسم
بس
أمير المنتدى
10-04-2008, 04:00 AM
فين كلمات وأشعارك الجميلةومواضيعك الشيقة من زمان
نحن بانتظارها
ahmed_slaym
10-04-2008, 11:44 AM
شكرا على مروركم
ahmed_slaym
10-04-2008, 11:48 AM
فين كلمات وأشعارك الجميلةومواضيعك الشيقة من زمان
نحن بانتظارها


انشاء الله قريب يا امير
eido
10-04-2008, 03:48 PM
فكره جميله جدا

انا قصه اسمى قصه بسيطه جدا
انا اخترت اسم eido لان اختى مسميانى بالاسم ده
ahmed_slaym
10-06-2008, 06:09 PM
شكرا يا ايدو على المشاركة