محمد بهجات لا ليوم الغضب

[خليل113]

المنتديات

لا ليوم الغضب

لا ليوم الغضب
كان كحريق الحطب
بياكل كل شئ
بياكل كفاح سنين
دا احنا متعلقين
بقشه مستنين
ازاى بكلام فاضى
من شويه مأجورين
نمشى وراهم معمين
لا ليوم الغضب
شوفنا الكلاب متكلمة
ليه هى الاسود مسلمه
لاء مش من طبعها
بس العفو عند المقدره
شويه شباب اتجمعوا
فى مظاهره وقالو اسمعوا
سمعنا وقولنا تمام هو الكلام
يجى من ورا الستار انسان غريب
عاوذ يولع شعبنا
وجه سباب لأبنا
بس مش ساكتين
يا شويه مأجورين
هتركبوا الموجه على مين
دا احنا المصرين
عايشين وهنفضل آمنين
بقولها لكبيرنا
لاء ياريسنا
اوعى تسبنا
هتسبنى لمين
للبرادعى
مش هقول متخلف
لان المتخلفين عاقلين
ولا لنور مش هقول بلطجى
لان للبلطجية معلمين
هتسبنا لمين
لبتاع الوفد
دول بقى مش فاهمين
ان احنا بنحبك
بيك متعلقين
قالو مليون
طلعنا ملايين
اصل الحكاية
دول مأجورين
بغداهم وعشاهم
لاء وكمان خمسين
هيردوا عليا
يقولوا انت مين
هقولهم
واحد من الشعب الامين
اللى عمره ما يخون
ولا يسمع للخاينين
إن كان فينا قليل الادب
فدول شرزمه قليلين
معاك ياريس زى ما تكون
قلوبنا واجعانا علينا ماتهون
بنبحك مش كلام
لاء دا احنا واثقين
ان امان بلدنا فى عقلك الحكيم
هيردوا عليا ويقولوا
انت مع النايمين
هرد واقول
لاء مع الصاحين
عشنا فى امان سنين
مش عشره ولا عشرين
لاء دول تلاتين
يا معتوهين
فاهمين معنى
ايه الامان
المعنى كبير
ان الواحد قاعد مطمن
مفيش عدو
ولا شئ بيحزن
خليك يا ريس
دا انت اب لينا
حقك حقك ياكبير علينا
قالوا فى الامثال
اللى ملهش كبيير
يشتري له كبير
وانت كبير العرب
هاتوا كده دوله
مفهاش قاعده لامريكا
ها خلصتم تدوير
ولا مفيش تفسير
الكل عامل سياسى وبيتكلم
منهم العبيط ومنهم اللى بيقسم
زى واحد اسمه معتز الدمرداش
و واحده ....... استنه متنساش
اسمها حاجه كده الشازلى
دول بقى مش مصرين
دول بالجزمة مضروبين
لان اللى يتكلم على ريسنا
يبقى من الخطرين
على أمن بلدنا
ومش فاهمين
ايه يعنى بطاله
مهى الشباب مش شغاله
شطارتهم قاعدين
على الفيس بوك
خليه ينفعهم توك توك
كل واحد عاوذ مكتب ويعد عليه
لاء وايه عربيه وموبايل والشحن فيه
ومش عاوذ ينزل يحرك اديه
رساله بوجها
العيب فينا
مش فى ريسنا
الريس لينا ومش هيسبنا
بنحبه بقلوبنا ودا شئ يشرفنا
عبر بينا لبر الامان
لا عمره كان خاين ولا كان جبان
شئ يضحك
لما شوفت اللى اسمه البرادعى
بالعربى مش عارف ينطق
يا جدع غور وريحنا
ارجع لامك امريكا
مستنياك هناك ويسكى ومزيكا
تعرف تقولى يعنى ايه فارس
يعنى ريس عايش سنين حارس
تعرف تقولى يعنى ايه جدعان
يعنى شعب مصر حتى لو مليون جعان
تعرف تقولى يعنى ايه كرامه
يعنى مصرى ابن مصرى ودى الفخامه
تعرف تقولى يعنى ايه تراب
يعنى اللى فى حروبنا شافو العذاب
يا عم غور دى مش بلدك
جريت عليها هى فيها ولدك ؟؟؟؟
اصلا من الغلط ان اتكلم عليك
لان انت مش بنى ادام
دا انت ملعوب فيك
وشئ ضحكى كتير
البلد بتولع نار
ورئيس الوزراء للبس مش بختار
يا معتز هو الانسان بالبدله
دا انت رزل رزاله وخفه دمك قاتله
احترامى ليك يا سياده الفريق
اصل المعاتيه كتير واسال الصديق
مش هتفرق كل اللى نعرفه انك عريق
ارجع و اوجه كلامى للشباب
اللى فى التحرير مش ناوى إياب
عارف الاجنده ولا مش كتاب
شوفنا الجزيرة ودول شويه كلاب
شوفنا الامريكان شمتانين
وبعض العرب بقوا اسرائيلين
قدوتكم ايه
قدوتكم واحد مات محروق
ولع فى نفسه او مات مخنوق
اهو مات كافر
للنار سافر
قدوتكم ايه
الاخوان المسلمين
ازاى مسلمين للفته مقومين
قدوتكم ايه
الوفدين ولا المخربين
لالالالالالالالالالالالا
الاحسن ياريت قدوتكم تبقى المجانين
لانهم كتير عاقلين
ولا يكون قدوتكم واحد
زى احمد نجم
شاعر معتوه
روحوا اسألوه
مين ينفع ريس
استنوا نسيــــــــــــــــــــت دا عقله مهيس
وارجع واقول
شباب مصر بتاع يوم خمسه وعشرين
حقق اللى عاوذه وترك الميادين
طب مين اللى قاعدين
اقولك
دول مأجورين
واللى يضحك
بيقولوا احنا المصرين
لاء يا حلوين
اهم ظهروا المصرين
وعليكم جايين
يا شويه مأجورين
اما بتوع يوم خمسه وعشرين
قالوا التعديل فى الدستور
ودا جاى مكتوب فى سطور
بس نرجع بلدنا لوضعها
دا لوحده
هياخد كتير من الشهور
كل واحد يرجع على بيته
الحكايه انتهت
مش ناقصين لعب عيال
ولا الجرى ورا خيال
عاوذ نعمر فى بلدنا
وسيبكم لان الحكومه مش هتتشال
يا شويه مأجورين
اديكو شوفتم مين المصرين
كلامى غير مرتب
بس اعمل ايه
الغيظ هيموتنى
البلد بتنهار
وطرق بتاكلها النار
والشباب قاعد محتار
مهى الاجنده سقطة فى الدوار
استرها علينا يا ستار
لا ليوم الغضب


نعم للرئيس الاب لكل المصرين نعم لوقت جديد نعم لحريه ورخاء نعم لحياه فيها امان كما تعودنا معك يا كبير العرب يافارس الحرب و مسطر السلام .. اقسم بالله العظيم انى احبك بلا نفاق ولا رياء ولا لاجل شئ سوى لاجل مصر لانك امان هذا الوطن يا كبيير الوطن

سأجد من يعارضنى كثيرا لكن لن يهم
كل ما اردته هو ان اخرج ما بداخلى من كلمات واهات

[أمــيـرهـ بـطـبعــي]

سؤال بسيط بس تفتكر دماء الشباب اللى راحت دى ايه وليه وعشان مين ؟؟؟؟؟؟ تفتكرى شويه ناس مهيسه وعايزه تعمل دور البطوله وليه مش ذكرتهم فى شعرك ولا هما ملهمش نصيب حد يتكلم عليهم !!!!!!!!!!! ......انا مش ح اعلق كثير

[قمه المشاعر]

يسلم قلمك المميز:(55):

[همس الجراح]

نعم للرئيس الاب لكل المصرين نعم لوقت جديد نعم لحريه ورخاء نعم لحياه فيها امان كما تعودنا معك يا كبير العرب يافارس الحرب و مسطر السلام .. اقسم بالله العظيم انى احبك بلا نفاق ولا رياء ولا لاجل شئ سوى لاجل مصر لانك امان هذا الوطن يا كبيير الوطن

سأجد من يعارضنى كثيرا لكن لن يهم
كل ما اردته هو ان اخرج ما بداخلى من كلمات واهات

بجد راااائع اخى...سلمت اناملك الذهبيه...انا معك بكل كلمه كتبتها هنا
نعم لتغير وليس للبلطجه قولنا نصبر كام شهر لكن فرحانين وبيعملو زفافهم كمان بميدان
يلا الله بيعين ويرحمنا من الاخوة الا هم بيدعو مسلمين
ودى وتقديري على ما كتبت لك كل الاحترام

[أمــيـرهـ بـطـبعــي]

نعم لتغير وليس للبلطجه قولنا نصبر كام شهر لكن فرحانين وبيعملو زفافهم كمان بميدانيلا الله بيعين ويرحمنا من الاخوة الا هم بيدعو مسلمين
ودى وتقديري على ما كتبت لك كل الاحترام



اسمحيلى همس بعقب على ردك طيب ركزتوا على الناس اللى بتعمل فرح ليه نسيتوا الشهداء اللى ضحت ولولاهم ما حصلش التغير والتعديل فى القوانين ....ولا تقولى انهم بيدعوا الاسلام لا يعلم مافى القلب إلا الله عذرا ليس مكانا للرد ولكن .......

[nour €Ldeen]

من حقك تأيد مبارك ولو رشح نفسه أنتخبه

لكن مش من حقلك تجرح فى الثوار ولا الشهداء ولا تقزم من اللي عملوه

حاذر من يوم القصاص ..

[المهااااجر]

طالما الموضوع اتحول لشات ياجماعه كده
فأسمحولى الموضوع منقول للقسم المناسب
حتى يتم التحاور فيه بشكل اكبر

[همس الجراح]

لورجعنا شوية قبل 25 يناير وهما بيدعوا الشباب للثورة كان اول مطالبهم تغيير النظام والقضاء علي الفساد وغلاء الاسعار والبطالة
وان الحكم ما يتورث لجمال مبارك وان الرئيس ما يترشحش تاني اظن ان المطالب دي اتحققت
لورجعنا للمشاركات القديمة والمواضيع القديمة..بتاع اسابي.. هنلاقي ان ده اللي كان مطلوب ليه طمعنا في المطالب عايزاكوا تجابوني ..
ومع احترامى الك اميره.. انت قولتى رايك وانا قولت راي...انا لا جرحت بالثورة ولا بشهداء ...بس كل عذابي تتدخل الدول الاجنبيه ونبقي عراق تانيه...بسبب الاخوان ...دا قصدى مش اكتر

[أمــيـرهـ بـطـبعــي]

ومع احترامى الك اميره.. انت قولتى رايك وانا قولت راي...انا لا جرحت بالثورة ولا بشهداء ...بس كل عذابي تتدخل الدول الاجنبيه ونبقي عراق تانيه...بسبب الاخوان ...دا قصدى مش اكتر


وأنا لم أقل أنك جرحتى فى الثوره لا أنت ولا أنا ولا أحد يستطيع التجريح بثوره شعب مصر

وأنا لا أدافع عن الآخوان ولا عن غيرهم لكن خلينا دايما نفتكر أن من بدأ الثوره هما الشباب مش الاخوان وفعلاا لآ نريد أن يحدث لنا مثل لبنان بالآصح وندخل فى حروب أهليه أحترم رأيك وأحترم رأى أنا أيضا ردى كان على كاتب الشعر فعباراته كانت مستفزه ودفاعى كان عن شهداء الثوره فقط ......

[السندباد والسندريلا 2010]

حسبى الله ونعم الوكيل الله اعلم مين بيدور على مصلحة مين

بسبب الاخوان
اعذرينى فالاخوان اذا تعمقتى فيهم هاتلاقيهم اشرف ما يكون ونتائج ثورة الشباب هاتثبت ذلك للجميع
وكذلك الحزب الناصرى وحركة 6 ابريل وغيرهم
الجميع تقريباً اهدافهم ساميه
الاهرام , الاخبار , التليفزيون المصرى , هم من يحاولون اضلال الناس
من اراد الحق فليذهب الى ميدان التحرير او يبحث فى اليوتيوب عن فيديوهات متعلقه بالثوره وليرى الحقائق
ولأعلمكم كل العلم وانا متأكد من ما اقول ان الاخوان المسلمون هم من علموا الناس التظاهر لاعلاء كلمة الحق
وحينما تحرك شباب 25 يناير كان من الصعب جداً التخلى عنهم فانضمت لهم الجماعه يوم الجمعه 28 يناير ومن قال بأن الاخوان يبحثون عن السلطه فاقول لهم لا فلاخوان نفوا ذلك فى بيان رسمى
ليس الاخوان عمرو موسى ولا البرادعى فالاول نزل الى الميدان ليكتسب شعبيه جماهيريه والاخير نزل الى الشاعر المصرى بعد فتره غاب عنها عشرات السنين عن مصر
وليسوا عمر سليمان الذى كان يتفاوض مع اسرائيل لانجاح التفاوضات بين اسرائيل وحماس ... وحماس وامريكا ...
قسما بالله العظيم انا لا انتمى لاى حزب او جماعه لكنى ذهبت الى ميدن التحرير ورأيت بأم عينى بلطجيه لهم كارنيهات يفيد بأنهم يتبعون لوزارة الداخليه وآخرون مستأجرون من قبل رجال اعمال وآخرون فلاحين ذهبوا لتأييد مبارك فى مسيرات وقد تقاضى الفرد منهم مئتين جنيه ايضا بتمويل رجال اعمال معروفين
وبميدان المحطه بمدينة الزقازيق تحدث ( بلطجى )امام عينى يدعى محمد شيحه بان رجلين مباحث وهما
الرائد وائل فلاحة والنقيب عصام عتيق انهم أمروا مرشدي قسم ثان الزقازيق بأعمال التخريب والشغب وفض المسيرات الاحتجاجيه بميدان المحافظه
وقص هذا البلطجى ماحدث بينه وبين ذاك الرائد وائل الفلاح بكل التفاصيل
حسبنا الله ونعم الوكيل
الم تروا العربات التى دهست عشرات المتظاهرين وكأنها تدهس فراخاً
وان هناك عربه دبلوماسيه دهست عشرات المتظاهرين وكانت اختطفت من امام السفاره الامريكيه ؟
الم تروا الخيول والعير التى ضرب راكبوها المحتجون
ناهيكم ان من تزوج بميدان التحرير لا ينتمى لاى جماعه
وان هناك شباب حركة 6 ابريل لم ينتقلوا
وبعضا من قيادات الاخوان لم ينتقلوا من هناك
وان هناك اقباط لم ينتقلوا من الميدان
طالبين مطلباً رئيسياً حتى تتحقق الكرامه وننتزع حريتنا رحيل مبارك

الجميع صامدون ونحن معهم قائلين
الشعب يريد اسقاط النظام
حسبى الله ونعم الوكيل فى كل ظاااالم

[خليل113]

اخوتى فى الله ما كتبت كان نتيجه ضغط خوفا على البلاد اما بالنسبه لشباب الخامس والعشرين هم فوق الرؤوس وما فعلوه تاج فوق رأس كل المصرين

[Spy Fox]

سؤال بسيط بس تفتكر دماء الشباب اللى راحت دى ايه وليه وعشان مين ؟؟؟؟؟؟ تفتكرى شويه ناس مهيسه وعايزه تعمل دور البطوله وليه مش ذكرتهم فى شعرك ولا هما ملهمش نصيب حد يتكلم عليهم !!!!!!!!!!! ......انا مش ح اعلق كثير
القصيدة أو الخاطرة كانت موجهة للناس اللي عاوزين يركبوا الموجة إنما لم يجرّح في الشهداء
الناس اللي في التحرير دلوقتي فيهم كتيييييييير شغالين ومبسوطين ومن الطبقة الراقية
أما الباقي فهم ينتمون إلى التيارات السياسية والأحزاب والصراعات
إنما بعضهم وبقول بعضهم هو من عامة الشعب ولكن سبب إعتصامه إما إستشهاد أحد من أقاربه في هذه الثورة فلا يريد سوى أن ينتقم للشهيد من الرئيس مهما حقق من تغييرات
وهذه في رأيي ليست سوى أنانية والشهيد قد مات في سبيل الله طلباً للإصلاح
ولا يحق الإختباء وراء دماء الشهداء فالشهيد لا يعبر بالضرورة عن أهله
وإنما يعبر عن ذاته وعن صدقه وإيمانه بالقضية من وقت بدايتها
الشهداء ماتوا في سبيل الله طالبين الإصلاح والتغيير والأفضل لشعب مصر
فلا يصح أن نقول أن موتهم هباءاً ولم يغيروا شيئاً
ولكن تم التغيير حمداً لله والرئيس سوف يرحل إذن لقد فزتم أيها الشهداء
أما الذين في التحرير فلا أرى منهم سوى عناد فقط ولم أتعجب فبعضهم لهم مطامع خاصة في الحكم وفي جعل مصر فوضوية وأن تتدخل أمريكا في شئون البلاد فهؤلاء يحاسبهم الله


بجد راااائع اخى...سلمت اناملك الذهبيه...انا معك بكل كلمه كتبتها هنا
نعم لتغير وليس للبلطجه قولنا نصبر كام شهر لكن فرحانين وبيعملو زفافهم كمان بميدان
يلا الله بيعين ويرحمنا من الاخوة الا هم بيدعو مسلمين
ودى وتقديري على ما كتبت لك كل الاحترام


فعلاً نعم للتغيير .. ولا للبلطجية والتيارات السياسية وأصحاب المطامع الخاصة



اسمحيلى همس بعقب على ردك طيب ركزتوا على الناس اللى بتعمل فرح ليه نسيتوا الشهداء اللى ضحت ولولاهم ما حصلش التغير والتعديل فى القوانين ....ولا تقولى انهم بيدعوا الاسلام لا يعلم مافى القلب إلا الله عذرا ليس مكانا للرد ولكن .......
الشهداء لم يستشهدوا طلباً للفوضى والخراب
وإنما استشهدوا في سبيل الله حتى يتم التغيير والإصلاح لمصرنا الحبيبة
وقد تم ويتم الآن وسوف يتم قريباً
وكما قلت فالأخ لم يجرح في الشهداء ولا يستطيع أحد التجريح في الشهداء
ولكنه استنكر مايحدث الآن بالتحرير فهناك من ينتمى للأحزاب والتيارات السياسية التي لها أهدافاً برحيل الرئيس الآن وهذا هو مطلبهم الوحيد فلا يريدون الإصلاح وإنما يريدون الفوضى
أما الأخوان فكلنا نستنكر ما فعلوه وركوبهم على رؤوسنا لتولي القيادة من الشباب


من حقك تأيد مبارك ولو رشح نفسه أنتخبه
لكن مش من حقلك تجرح فى الثوار ولا الشهداء ولا تقزم من اللي عملوه
حاذر من يوم القصاص ..


كما قلت فالأخ لم يذكر الشهداء بسوء
ولم يذكرهم في الخاطرة أو القصيدة من البداية
وإنما ركز على أصحاب المطامع الشخصية وراء رحيل الرئيس الآن
ولكنه من كلماته أيضاً ليس ضد التغيير ولكنه مع بقاء الرئيس وعودة الحياة إلى طبيعتها


لورجعنا شوية قبل 25 يناير وهما بيدعوا الشباب للثورة كان اول مطالبهم تغيير النظام والقضاء علي الفساد وغلاء الاسعار والبطالة
وان الحكم ما يتورث لجمال مبارك وان الرئيس ما يترشحش تاني اظن ان المطالب دي اتحققت
لورجعنا للمشاركات القديمة والمواضيع القديمة..بتاع اسابي.. هنلاقي ان ده اللي كان مطلوب ليه طمعنا في المطالب عايزاكوا تجابوني ..
ومع احترامى الك اميره.. انت قولتى رايك وانا قولت راي...انا لا جرحت بالثورة ولا بشهداء ...بس كل عذابي تتدخل الدول الاجنبيه ونبقي عراق تانيه...بسبب الاخوان ...دا قصدى مش اكتر
رأيك سليم ومظبوط 100% يا همس
فالمطالب معظمها على الأقل تحقق والباقي في الطريق
ومن ضمن المطالب التي تحققت رحيل الرئيس بعد إنتهاء مدته وعدم ترشيح نجله
ولكن ما يحدث الآن هو كره للرئيس مبارك وليس حباً لمصر وشعبهاً



وأنا لم أقل أنك جرحتى فى الثوره لا أنت ولا أنا ولا أحد يستطيع التجريح بثوره شعب مصر
وأنا لا أدافع عن الآخوان ولا عن غيرهم لكن خلينا دايما نفتكر أن من بدأ الثوره هما الشباب مش الاخوان وفعلاا لآ نريد أن يحدث لنا مثل لبنان بالآصح وندخل فى حروب أهليه أحترم رأيك وأحترم رأى أنا أيضا ردى كان على كاتب الشعر فعباراته كانت مستفزه ودفاعى كان عن شهداء الثوره فقط ......

ازاي عباراته كانت مستفزة ؟؟ عشان أساء لفئة من المتواجدين في التحرير !!
لم يقول الكل أو الجميع وإنما أوضح ضمن كلماته أنها للبعض فقط
وبالرغم من إختلافي معاه في عدة نقاط وهي ليست قليلة ولكنه لم يقلل من قيمة الشهداء
فكما قلتي لا انتي ولا أنا ولا هي ولا هو ولا أي أحد يستطيع التجريح بالشهداء
فقط من يفعل هذا فإنه ليس مصري ولكنه جبان متعجرف وخائن من يقلل من قيمتهم
ولن أقول أمثلة فأنا أحتفظ بها لنفسي وأكرهم شديد الكره لتقليلهم من قيمة شهدائنا
فأنا أفتخر أنني مصري من بلد شهداء ثورة 25 يناير ويعطونني الشرف الكبير


حسبى الله ونعم الوكيل الله اعلم مين بيدور على مصلحة مين
اعذرينى فالاخوان اذا تعمقتى فيهم هاتلاقيهم اشرف ما يكون ونتائج ثورة الشباب هاتثبت ذلك للجميع
وكذلك الحزب الناصرى وحركة 6 ابريل وغيرهم
الجميع تقريباً اهدافهم ساميه
الاهرام , الاخبار , التليفزيون المصرى , هم من يحاولون اضلال الناس
من اراد الحق فليذهب الى ميدان التحرير او يبحث فى اليوتيوب عن فيديوهات متعلقه بالثوره وليرى الحقائق
ولأعلمكم كل العلم وانا متأكد من ما اقول ان الاخوان المسلمون هم من علموا الناس التظاهر لاعلاء كلمة الحق
وحينما تحرك شباب 25 يناير كان من الصعب جداً التخلى عنهم فانضمت لهم الجماعه يوم الجمعه 28 يناير ومن قال بأن الاخوان يبحثون عن السلطه فاقول لهم لا فلاخوان نفوا ذلك فى بيان رسمى
ليس الاخوان عمرو موسى ولا البرادعى فالاول نزل الى الميدان ليكتسب شعبيه جماهيريه والاخير نزل الى الشاعر المصرى بعد فتره غاب عنها عشرات السنين عن مصر
وليسوا عمر سليمان الذى كان يتفاوض مع اسرائيل لانجاح التفاوضات بين اسرائيل وحماس ... وحماس وامريكا ...
قسما بالله العظيم انا لا انتمى لاى حزب او جماعه لكنى ذهبت الى ميدن التحرير ورأيت بأم عينى بلطجيه لهم كارنيهات يفيد بأنهم يتبعون لوزارة الداخليه وآخرون مستأجرون من قبل رجال اعمال وآخرون فلاحين ذهبوا لتأييد مبارك فى مسيرات وقد تقاضى الفرد منهم مئتين جنيه ايضا بتمويل رجال اعمال معروفين
وبميدان المحطه بمدينة الزقازيق تحدث ( بلطجى )امام عينى يدعى محمد شيحه بان رجلين مباحث وهما
الرائد وائل فلاحة والنقيب عصام عتيق انهم أمروا مرشدي قسم ثان الزقازيق بأعمال التخريب والشغب وفض المسيرات الاحتجاجيه بميدان المحافظه
وقص هذا البلطجى ماحدث بينه وبين ذاك الرائد وائل الفلاح بكل التفاصيل
حسبنا الله ونعم الوكيل
الم تروا العربات التى دهست عشرات المتظاهرين وكأنها تدهس فراخاً
وان هناك عربه دبلوماسيه دهست عشرات المتظاهرين وكانت اختطفت من امام السفاره الامريكيه ؟
الم تروا الخيول والعير التى ضرب راكبوها المحتجون
ناهيكم ان من تزوج بميدان التحرير لا ينتمى لاى جماعه
وان هناك شباب حركة 6 ابريل لم ينتقلوا
وبعضا من قيادات الاخوان لم ينتقلوا من هناك
وان هناك اقباط لم ينتقلوا من الميدان
طالبين مطلباً رئيسياً حتى تتحقق الكرامه وننتزع حريتنا رحيل مبارك
الجميع صامدون ونحن معهم قائلين
الشعب يريد اسقاط النظام
حسبى الله ونعم الوكيل فى كل ظاااالم


انت نزلت ميدان التحرير .. مرة ؟؟
أنا كنت متواجد يوم 25 ويوم 28 وآخر يوم لي كان الأربعاء 2 فبراير
حمداً لله فأنا تواجدت في أهم الأيام حتى لا أكون مُستغل كالكثير وأصدق كل ما يقال
فالثلاثاء 25 كان أفضل أيامي وأفضل أيام مصر ولله الحمد
والجمعة 28 يناير كان إنتقام حبيب العادلي من الشعب وقد تم مراده
ولكن ليس معناه أن الشرطة جميعها خائنة فأنا أعرف الكثييير منهم وقد رووا ما حدث
فإن وجد خائن أو عشرة أو ألف من الشرطة فلن يعبروا عن الجميع
ألم يكن من المنطق أن تشك في كلام محمد شيحة البلطجي كما وصفته ؟؟
ألم يكن من المفروض أن تفكر أنه يمكن أن يكون هذا هو ماارتشي لأجله ؟؟
أن يسوء الصورة وأن يحدث ما تفعله وما قد أقنعت به الآن ؟؟
أما يوم الأربعاء فاليوم الأول لي كمؤيداً لبقاء مبارك الرئيس لإنتهاء مدته الرئاسية
ولست أيضاً تابعاً لأي حزب ولا أي جماعة ولست سوى فرد شهد أهم اللحظات في تاريخ مصر
فلماذا لم تصدق ما قيل عن " وجبات كنتاكي وماكدونالدز والمبالغ التي تدفع للمعتصمين "
وقمت بتصديق " المئتين من الجنيهات لمن يؤيد الرئيس مبارك " !!
هذا لأنك ترفض تصديق الأولى ومستعد لتصديق أي شئ مؤيد للرئيس مبارك
فإن قيل تم دفع مليون من الجنيهات لكل مؤيد وشقة وعربية سوف تصدق هذا
ولكني أقول لك لا تصدق مالم تراه عيناك فهل تقاضوا المبالغ أمامك ؟؟
وكيف وزارة الداخلية سترسل رجالاً "بلطجية" بكارنيهات يبرزوه لكل من يسأل عنهم !!
هذا كلام غير منطقي وإنما المنطقي وجود جماعات وتيارات سياسية تهدف إلى ذلك


اخوتى فى الله ما كتبت كان نتيجه ضغط خوفا على البلاد اما بالنسبه لشباب الخامس والعشرين هم فوق الرؤوس وما فعلوه تاج فوق رأس كل المصرين
نعم أؤيدك في ذلك
فشباب 25 يناير قد حققوا مالم يتحقق منذ زمن كبيييييييييييييييييير

[Spy Fox]

ينقل لمقهى الأعضاء

بالتوفيق إن شاء الله

[خليل113]

اخى Spy Fox (http://www.aralg.com/vb/member.php?u=420) انت محلل سياسى متميز تعرف الامور جيدا وانا كل همى ان الامور تعود لمجراها وان شاء الله الامور هتتعدل وهتبقى كويسه

تقبل خالص تحياتى لتعليقاتك المميزة جدا جدا

اخوك

محمد بهجات

[yaarb]

يا أحرار مصر ... ياثوار مصر ... يا أبناء مصر الشرفاء
هذا هو اسلوب الحزب الفاسد
فقط كل هدفه التفرقه
اصمدوا وتمسكوا بكرامتكم وعزتكم ... لا للذل ولا للقمع ... ولا لمن عتك اعراض المصريات وشرد الشباب وبالقمع كمم افواههم
هؤلاء قله مندسه بيننا تريد اختراق الشرفاء ... ردوهم على اعقابهم ... فقد جانت لحظة الخلاص
من اجل شهداء الثورة ... كونوا رجل واحد

[yaarb]

نعم اخت همس الجراح
خرج الشباب يوم 25 يناير ومطالبهم بسيطه جدا .. حرية .. كرامة ... عداله اجتماعية
لكنهم قالوا هؤلاء قله ... شوية عيال وهاياخدوا قلمين ويرجعوا بيوتهم
وصلت بيهم الدرجه الاستخفاف بعقول الشباب ايضا .. كما استخفوا بالشعب على مدار 30 عاما
وكان البطء في التنفيذ كعادة النظام ... وجاء اول خطاب ليجيب على الثوار بتغيير الحكومة
يافرحتي تغيرت الحكومه ... شالوا الدو وجابوا شاهين ... راح نظيف وجاء شفيق والباقي نفس الوجوه ... اكثر من النص باقيين لان سرهم باتع
هذا اول مطلب للشباب ... ضربوا به عرض الحائط ... هذا هو التغيير
لم يقل حل المجلس المزور ... لم يقل الغاء قانون القمع والذل والهوان
لم يقل حل الحزب الحاكم
منا رفع سقف المطالب لانهم تاكدوا من فساد النظام لتمسكه بالفاسدين
اذن فمن الطبيعي المطالبه بسقوط النظام كاملا طالما ان هناك تمسك بالفساد
ويوما عن يوم بدأت تظهر الحقائق حتى اليوم الدامي الذي نزل فيه البلطجية لقتل وترويع شباب مصر الحر
ترويع ابناء مصر الامنين
ولا زلنا سنكتشف وسنكتشف الكثير من الفساد

[خليل113]

متشكر للمتابعه
كل ما يهمنا من الان هو امن وسلامه هذا الوطن

تحياتى لكم

اخوكم محمد بهجات