بترشح مين

[drakola_kiss]

بترشح مين رئيس لمصر
؟

[الياسرجى]

انا ارشح عمرو سليمان
عمر سليمان (73 عاماً) من مواليد محافظة قنا انضم إلى الجيش عام 1954، ثم أرسل في بعثة ليتلقى العلوم العسكرية في أكاديمية فرونزي بموسكو بالاتحاد السوفياتي السابق. ولدى اللواء سليمان مؤهلات علمية وعسكرية، فهو حاصل على ماجستير في العلوم العسكرية، إضافة إلى ماجستير في العلوم السياسية من جامعة القاهرة.مناصب سابقة- رئيس فرع التخطيط العام في هيئة عمليات القوات المسلحة.- مدير المخابرات العسكرية.رئيس جهاز المخابرات العامة المصرية بدءا من 1991 حتى الآن.سجل عسكريالمشاركة في حرب اليمن.المشاركة في حرب يونيو 1967المشاركة في حرب أكتوبر 1973
هو مدير المخابرات العامة المصرية الحالى
لشخص الوحيد القوى والقادر على حفظ الامن والاستقرار وقيادة البلاد فى هذه الفترة العصيبة .. الشخص الذى لديه من المؤهلات والخبرات التى لم تتوافر حتى فى الرؤساء السابقين عندما أتوا للحكم تؤهله لقيادة البلاد لفترة انتقالية فقط الشخص الذى بحكم سنه يصلح للفترة الانتقالية وبحكم سنه لن يحكم لمدد كثيرة الشخص الذى لن يجرؤ الاعلام على التشكيك فيه واتهامه بالعمالة وعدم الوطنيةولن يستطيع أحد النيل منه وتحطيمه واغتياله معنوياً وتلفيق التهم له الشخص الذى نعقد عليه امالاً كثيرة لقيادة البلاد لفترة (انتقالية) ودفعها الى الامام وقيادة مشروع الحرية والديمقراطية وبناء نظام سياسى حقيقى قائم على التعددية الحزبيةالشخص الذى نرشحه لخلافه مبارك لفترة انتقالية هو مدير المخابرات العامة المصرية عمر سليمان .
وشكرا الدرك على موضوعك

[drakola_kiss]

شكرا اخى المواطن

[SeMoOo]

انا عمر سليمان
لو مدخلش يبقى عمرو موسى
ولو مبارك دخل هرشحة

[drakola_kiss]

مبارك تانى

بركوا عليك يا بعيد

:(183):

[SeMoOo]

هههههههههه
انت شايفة دخل الانتخابات يعنى :(55):

[آن الرحيل]

عمرو موسى ان شاء الله
لان فيه كتير خايف منه
ومعنى الخوف انه اصلح واحد للمنصب
تسلم ع الموضوع

[the wight angel]

انا برشح اى حد بيحب ويخاف على مصر
وممكن ارشح عمرو سليمان :(94):

[SaMoOo]

الناس كلها متعرفش حاجه عن اللواء عمر سليمان
الناس في ميدان التحرير علشان مبارك رشح سليمان يبقي النائب قالوا عليه وحش
مهو ماسك جهاز المخابرات المصريه من سنه 1991
وهو اللى خلي جهاز المخابرات المصري من احسن اجهزه المخابرات في العالم
اشمعني مش بقي وحش الا لما بقي نائب
الراجل ده اسطوره .. وده اللى اغلب الشعب المصري مش يعرفه عن عمر سليمان
راجل فاهم مش واحد من الشارع بيقول اي بطيخ
عند تعين عمر سليمان نائب للرئيس تم رفضه من قبل الشعب المصري وطالبوا بـ أستقاله سليمان
عمر سليمان مش هيرشح نفسه لـ رئاسه الجمهوريه وهو قال كده يبقي نستبعد الرجل الذي لقبته امريكا بأخطر رجل مخابرات في العالم .

اللى هيترشح والشعب عاوزهم هما 3 وهقولهملك حسب شعبيتهم عند الناس

- عمرو موسي
- الدكتور احمد زويل
- الدكتور كمال الجنزوري

علشان الناس ترشح حد غير الناس دي يبقي عليه العوض


بالنسبه لـ SeMoOo

معلش ليا تعليق ع توقيعك
بالنسبه للراجل برضو اللى واقف ورا عمر سليمان ده
هو المقدم أركان حرب حسين شريف، قائد المجموعة 64 قتال من القوات الخاصة، هكذا عرفه إبنه من خلال صفحة خاصة علي موقع"الفيس بوك" طالب فيها الجميع بالإعتذار لوالده ولأسرته جميعها عن حالة التهكم والسخرية التي سادت خلال الأيام الماضية.


شكرا درك ع طرحك للموضوع
سـلآم

[drakola_kiss]

شكرا لكل اللى مروا بالموضوع
ومن وجهة نظرى افضل واحد لو نزل هرشحه وهنتخب لاول مرة فى حياتى
الدكتور كمال الجنزورى

اللى حسيت من تاريخه وطريقة كلامه انه افضل واحد يمثلنا وخصوصا انه بيحط ايده على اساسيات المفروض نفكر فيه فى اولوياتنا

[tutiy]

ينقل الـ
مقهي الاعضاء

[AREG]

انا عن نفسي ممكن

ارشح عمرو موسي

[Baskota]

انا بقول : عمرو موسى

ولا انتوا ايه رايكوا ؟

[لولوا]

البرادعى ! البرادعى ! البرادعى !
حتى الان..

[drakola_kiss]

اشكركم جميعا واتمنى تفاعل اكثر

[~! A 7 m e d !~]

- عمرو موسي
- الدكتور كمال الجنزوري

[drakola_kiss]

يبقى واحد بس
الجنزورى شكرا يا جوكر
^_*

تسلم على المرور الجميل

[DaLuOoOh]

عمرو موسى

[drakola_kiss]

اشكرك على المرور امبراطورة

[Elpr!nce]

نعم لكمال الجنزورى رئيسا لمصر

وبلا منافس :(125)::(125)::(125)::(125):

[Linkin Park]

دُ / مَحمد البَرادعى

بِدون أى مُقدمات , الدُكتور مُحمد البَرادعى إنسان قَضى حَياته بالكامل خَارج

مَصر , ولَن ولَم يَعلم عَن مَصر كَافة شِئ , وهُو لَن يَعلم مَن هُو الشَعب

المَصري ولَا مَا هِي إحتياجات الشَعب المَصري ومُتطلباته , والجَو اللى

الدُكتور مُحمد البَرادعى كَان عَايش فِيه مُختلف تَماماً مَع الجَو المَصري ..

دَه كُله كُوووووم وأن الشَعب المَصري اللى عَاش حَياه تَحت الصِفر بِأصفار

كَثيره وَبقى نِفسه فِعلاً يِشم هَواء نَقى ويِشرب مَايه نِظيفه ويِتعامل مُعامله

حَسنه وأنه يِعيش فى مُستوى بَسيط مَيسور الحَال ..

الدُكتور مُحمد البَرادعى مَعتقدش أنه هَيقدر يِحيي الشَعب المَصري ويِخرجه

مِن حَالة الدَمار اللى عَاش فِيها 30 سَنه ..

مُش هَيرجع كَرامة المَصريين وهَيحييهم مِن جَديد غِير إنسان عَايش وِسطنا

وحَاسس بِينا وعَارف يَعنى أيه الشَعب المَصري ..

لِذا ..

فَـ الدُكتور مُحمد البَرادعى لَن يَصلُح أن يَكون رَئيساً لِمَصر ..


دُ / أحمد زِويل

فى وِجهة نَظري لَا يَصلح لِأَن يَكون رَئيساً لِمَصر ..

أظُن كُل وَاحد بِيهتم بالشأن اللى بِيكون خَاص فِيه ..

بِمَعنى

مَينفعش أجيب مُهندس وأدخله على غُرفة العَمليات وأقوله يِعمل العَمليه

الفُلانيه , كَلام لَا يُعقل يَعنى ..

يُبقى مَينفعش أجيب وَاحد عَالِم , وحَياته كُلها مُعادلات وفِيزياء ومَحاليل

وحِوارات , وأجى أرشَحه رَئيس ..

دّه + انه تَم التَاكيد عَلى جِنِسِية المُرَشِح للرِئَاسة أنَهًُ يَكون مَصرى الجِنِسية

وَلَا يَحمِل أى جِنِسِية أُخُرَى وَكَذالك الأبَوِيِن ..

وأحمد زِويل مَعاه جِنسيه تَانيه غِير الجِنسيه المَصريه,وأعتقد أنها الجِنسيه

الأمريكيه ..

لِذا فَهو مُخالف لِأحِدى بِنود الدُستور المُعدله , ولَا يَصلح أن يَكون رَئيساً

لِمَصر ..

دِى وِجهة نَظري فى الدُكتور أحمد زِويل , ووجِهة نَظري لَن تُقلل مِن شَأنه

ومَكانته نِهائياً ..

أما عَن :

أ / عَمرو مُوسى

&

دُ / كَمال الجَنزوري

فَـ أنا لَم ولَن أختلف عَليهم بَتاتاً إذا كَان عَمرو مُوسى أو كَمال الجَنزوري

تَولوا رِِئاسة الجُمهوريه ..

فَـ الأتنين شَخصيات بَارزه ومُتميزه وفى نَظري هَيثبتوا وِجودهم وهَيصلحوا

كُل اللى فَات وهَنشوف مَصر فِعلاً اللى الكُل بِيتمنى يِشوفها أحسن وأفضل بَلد

فى العَالم كُله , مَع العِلم ان مَصر لَها مَكانتها ومُستواها ولَن ولَم تَقدر أى بَلداً

أُخري أن تَصل لِمَكانة مَصر المَرموقه ..

الإختلاف فى الأراء لَا تُفسد للوِد قَضيه ..

وهِى دِى وِجهة نَظري فى أغلب المُترشحين للرِئاسه واللى فِعلاً يَستحقوا

إهتمامى بِهم , ومَكانتهم بالنِسبالى كَما هِى مَرفوعه الرأس ..

واللى فِيه الصَالح لِمَصر أنا مَعاه , وإن شاء الله اللى جَاى أحسن ..

حَفِظَكِ الله وحَماكى يَا مَصر مِن كُل شَر ..

:(125):

[drakola_kiss]

اشكرك على المرور والتعليق الجميل يا طارق

[MeMoOo]

عمرو موسى او كمال الجنزورى والى هيحدد برنامج الانتخابى لكل واحد فيهم , غير كدا مفيش حد يستحق من وجهة نظرى

[أمير المنتدى]

من يصلح..........

[drakola_kiss]

فعلا لذيذ ورايق جواب مريح يا أمير
واشكرك ميمو على المرور

[همس الجراح]

ربنا يولى من يصلح

بجد عمرو موسي رائع لرياسه


عمرو موسى من مواليد 3 أكتوبر 1936 بالقاهرة، وتنتمي عائلته إلى محافظتي القليوبية والغربية،حاصل على إجازة في الحقوق من جامعة القاهرة 1957 والتحق بالعمل بالسلك الدبلوماسي بوزارة الخارجية المصرية عام 1958.
عمل مديرا لإدارة الهيئات الدولية بوزارة الخارجية المصرية عام 1977 ومندوبا دائما لمصر لدى الأمم المتحدة عام 1990 ووزيرا للخارجية عام 1991 وامينا عاما للجامعة العربية عام 2001.
وسبق موسى عددا من الامناء السابقون منهم عبد الرحمن عزام أول امين عام للجامعة فيما كان محمد عبد الخالق حسونة ثاني الامناء منذ الفترة من 1952 إلى 1972 فيما حل محمود رياض ثالث امين للجامعة منذ الفترة من 1972 إلى 1979.وحل الشاذلي القليبي رابعا كامين عام للجامعة العربية منذ عام 1979 إلى 1990 فيما أصبح الدكتور أحمد عصمت عبد المجيد خامسا منذ الفترة من عام 1991 إلى 2001 ومن ثم عمرو موسى انتخب في عام 2001 إلى الآن.
وهو سياسي ووزير الخارجية المصري السابق، وأمين جامعة الدول العربية العام. ولد في 1936.تخرج من كليه الحقوق عمل كوزير للخارجية في مصر من 1991 إلى 2001. تم أنتخابه كأمين عام لجامعة الدول العربية في مايو 2001، وما زال قائما بهذا المنصب إلى يومنا هذا.

المناصب التي تقلدها

1958: ملحق بوزارة الخارجية المصرية.
1958 ـ 1972 : عمل بالعديد من الإدارات والبعثات المصرية ومنها البعثة المصرية لدى الأمم المتحدة
1974 ـ 1977 : مستشار لدى وزير الخارجية المصري
1977-1981 :1986-1990 : مدير إدارة الهيئات الدولية بوزارة الخارجية المصرية
1981-1983 : مندوب مناوب لمصر لدى الأمم المتحدة بنيويورك
1983-1986 : سفير مصر في الهند
1990-1991 : مندوبا دائما لمصر لدى الأمم المتحدة بنيويورك
1991-2001 : وزيرا للخارجية المصرية
2001 : أمينا عاما لجامعة الدول العربية
2003 : عضو في اللجنة الرفيعة المستوى التابعة للأمم المتحدة المعنية بالتهديدات والتحديات والتغيير المتعلقة بالسلم والأمن الدوليين
[]الأوسمة والجوائز

حاصل على وسام النيل من جمهورية مصر العربية في مايو 2001
حاصل على وسام النيلين من جمهورية السودان في يونيو 2001
حصل على عدة اوسمة رفيعة المستوى من كل من الدول التالية : الاكوادور - البرازيل - الأرجنتين - ألمانيا

[drakola_kiss]

الف شكر همس على المرور والمعلومات

[قمر14]

احمد شفيق

[nour €Ldeen]

* برشح عمرو موسى " للرئاسه "
* كمال الجنزورى نائباً للرئيس
* احمد زويل رئيساً للوزراء
* عصام شرف نائباً لرئيس الوزراء
* فاروق الباز و محمد حسنين هيكل كبار مستشارين للرئيس
* سامى عنان وزيراً ( الحريبه ) الدفاع حالياً
* نيبل العربي وزيراً للخارجيه ,.
*الشيخ محمد حسان شيخاً للازهر
*الشيخ أبو أسحاق الحوينى مفتياً لمصر

( اللي بيحب مصر يمسك أى منصب مصر تكون محتجاه فيه )
- - - - - - - -

مع ليش يا أبو حميد انا طماع حبتين بس دول هم رأس الدوله
وانا شايف ان دول فى الوقت الحاضر هم من يستطيعوا العبور بمصر الى بر الامان
وربنا يولى الاصلح
تقبل مرورى ياجميل :(184):

[القلب الشجاع]

انا ارشح

عمر سليمان رئيسا لمصر

الفريق احمد شفيق نائب الرئيس

والدكتور عصام شرف رئيسا للوزراء

الدكتور كمال الجنزورى نائبا لرئيس الوزراء

الدكتور احمد زويل وزير التعليم والبحث العلمى

الدكتور فاروق الباز وزير التنمية

اللواء الذى قام بتحية الشهداء وزيرا للحربية

اللواء محمود وجدى وزيرا للداخلية

الدكتور سمير رضوان وزيرا للمالية

نبيل العربى وزيرا للخارجيه

والله الموفق لكل ما هو خير

[Brave Heart]

انا برشح عمرو موسى

وبالتوفيق لمصر

[قمر14]

لا لعمرو موسى نعم لاحمد شفيق