موقف مضحك

[rahmy]

انا عايز كل واحد يدخل ويحكى على موقف مضحك حصل له وعمره مش هينساه ,انا عن نفسى كنت فى مره بشترى لبس وكده والمكان كان زحمه اوى المهم اشتريت 2 تيشيرت وكانو محطوطين فى شنطه وكده وفجاه وانا ماشى فى الشارع لقيت واحد كان راكب عربيه وشيك جدا لقيته نتش من ايدى الشنطه وجرى بالعربيه انا وقتها استغربت جدا انه راكب عربيه وشيك وسرق الشنطه قعدت اجرى واقول حرامى والناس كلها بتجرى سمعت كلمة حرامى كلهم جريو وقعدت اجرى كان صاحبنا طار بالعربيه ولما فقدت الامل بدات اهدى وفى الاخر وقفت لقيت الناس حوليه وعمالين يقولولى طلع الشنطه ياحرامى ونازلين فوقى ضرب قولتيلهم ياجماعه اهدو انا اللى اتسرقت قالولى امال مين اللى سرق الشنطه من الست الغلابانه دى لقيت فعلا واحده جايه بسرعه وبتقول مسكتوه ساعتها اتصدمت قولتلها ايه ياابله انا فعلا اللى سرقتك قالت لأ مش ده التانى كان لابس غير كده اتضح انى فى نفس وقت متسرقت هيا كمان واحد سرقها فالناس لما شفتنى بجرى بيحسبونى انا اللى سرقتها والحمد لله انى مضربتش ونجانى ربنا من العلقه دى وقولت مش مهم التىشيرتات الحمد لله انى نفدت من علقه سخنه وسبحان الله اخدت نفسى على جنب وقعدت افكر فى الموقف كله الموقف حصل بالضبط فى عشر دقايق وبعدين فجاه لقيت عربيه واقفه قدامى ولقيت اللى سرق الشنطه بتاعتى بيقولى انا اسف اوى انا كنت بهرج معاك وانا واصحابى انا اسف اوى وانا شوفت اللى حصلك ع انا كنت مستخبى فى الشارع اللى قصادك ده بالعربيه ساعتها والله كان نفسى اموته بس انا اللى موت من الضحك وقلبناها هستيرية ضحك,قلنا انت بقى عن اكتر موقف حصل لك وضحكك.