حــ, , , , . . . , , , , ر ب المـ , , , . . , , , ــشــ , , , . . , , , ا ر كــ , . , . , ـــا ت [الأرشيف]

مشاهدة النسخة كاملة : حــ, , , , . . . , , , , ر ب المـ , , , . . , , , ــشــ , , , . . , , , ا ر كــ , . , . , ـــا ت

WaSsEeM FaThY

08-09-2009, 09:10 AM

بسم الله الرحمن الرحيم

اهلا بيكم احلي اعضاء

ارجو منكم المعذره لما سأقوله لكم

الفتره الحاليه والسابقه

لاحظنا حاجه غريبه جداااا

حرب مصطنعه افتعلها الاعضاء لدينا

وهي حرب المشاركااااااات

في اليوم الواحد اكثر من 200 او 300 مشاركه وكده برضو

بيكون مش عمل مشاركات كتيره

اما المواضيع بعد ما كانت

100 او 150 موضوع يوميااااا

بقي دلوقتي 300 او 400 مشاركه بالقليل

انا مش عارف الاعضاء بتعمل كده ليه

بدون ذكر اسماء

واللي شد انتباهي ان فيه شخصيات في المنتدي ليها

اسم رنان وشامخ بين اعضاء المنتدي

بيعملوا كده

والنبي دي مش خيبه

يا ناس المنتدي ده بيتنا التاني

انا عاوز منكم

انكو تقرااا الموضوع

مش ليك خلق تقراااا مش تشارك لانك

بتخلي عضو تاني يعمل زيك

ومتقوليش انك بتجيب اعضاء بالطريقه دي

يا اخي في بعض الاقسام

الواحد يدخل يلاقي اسم العضو او العضوه في كل موضوع مش تعرف ليه

وبعدين رده في كل المواضيع واحد

مش وراه حاجه اللي

copy and paste

بجد شيء يخلي الواحد يمل

ويزهق والمهم بيرودو مجملات بس مش اكتر

يعني علي سبيل المثال

انا مصاحب بلاك دارت

اقعد ليل نهار مستني مواضيعه

والمواضيع اللي مش رديت عليا ادور عليها

وارد واقول لنفسي لو مش رديت ممكن يزغل مني

بجد اللي انتو يا محاربين المشاركات بتعملوااا مش حلو خاااااااااالص

ده نهاية كلام ياريت

brave heart

يعمل حاجه

وانا عارف اني ممكن اخد بان بس مش مهم عندي المهم عندي المنتدي مش اكتر

وشكراااا احلي اعضاء

واسف لاني طولت عليكم

WaSsEeM FaThY

سابقاااااا

بينما الان

SoUl ShAdOwS

وخليك فاكر

انت امير بكلمتك

وبقلمك

ملحوظه

هذا الموضوع مكرر

لان الموضوع الاول

كانت عليه مشاكل كتير

ارجو انا ردودكم القادمه

تكون هادفه

وشكراااا

ViN DieseL

08-09-2009, 09:23 AM

اولا ازيك يا وثيم
يارب تكون بخير

الموضوع بتاعك دلوقتى يا وسيم
موضوع شيق ومهم كمان

وانته نزلتو امبارح وسبب مش هنقول مشاكل

بعض الخلافات
بين العضو سينا والاداره

فبرجو منك ان انته تقترح حاجه معينه

وليه احنا بنسميها حرب
دى حريه يا وسيم وانا اتفق معا بردو
معنى ذالك انى مش اكون ضد المشاركات الى عمال على بطال وندخول المواضيع نلاقى اسامى اعضاء بالمرتين والتلاته

انته عندك حق فى الى قلتو كلو

بس انته كده هل بتوجه النقد ده لشخص معين

ويارب وجهه نظرى يا وسيم تكون وصلت ليك

وانا قلت اقتراح لا اسلام ويارب يتنفذ
ان يحدد عدد المشاركات يوميا

وذلك عن طريق

50موضوع للعضو
50رد

بكده هنقدر هنقتل حرب المشاركات

ويارب يكون اقتراح يرجع بفيده على المنتدى

وبشكرك ياوسيم على الموضوع المهم

-(" SmSmA ")-

08-09-2009, 07:01 PM

lovely

08-10-2009, 12:42 AM

عزيزي وسيم
موضوع فعلا محتاج مناقشة ومهم
ولكن لازم الموضوع يتناقش بطريقة النصيحة وليس بطريقة التهديد لان ذي ما قالت سمسمة وبريف ان ىمن حق كل عضو انه يقضي وقته على النت والمنتدى كيفما شاء

واتمنى منك ان تغير من (((عنوان الموضوع)))

Brave Heart

08-10-2009, 07:34 AM

الموضوع رجع من تانى

واانا قلت قبل كده لما موضوع يكون فيه مشاكل الموضوع يتقفل مش يتحذف

بالنسبه لردى على موضوعك

عنوان موضوعك حاد شويه

وانا هبسط ردى اكتر

كل انسان حر مالم يضر

واعتقد ان رغم ان المشاركة مكرره الا انها افضل من وجود الموضوع بدون رد

بخلاف ان كل واحد بيستفيد من وقته على النت حسب رغبته

فى البعض حابب المنافسه على المشاركات

وفى البعض

حابب اللعب والتسليه

وفى البعض حابب يستفيد ويفيد

وفى وفى وفى ....

ومنتظرين رد الباقى

والاختلاف فى .... لا يفسد للود .....

ViN DieseL

08-10-2009, 09:57 AM

السسسسلآام ع‘ـليكم ورحمة الله ..

ـالمووضووع مش هيسبب مشآاكل ابدا
طوول ما الحواار باسلووب مهذب ..

انا فى رايى الردود حرية شخصية ..
طول ما الرد مش مخالف القوانين مش فيه مشكلة ..

بالنسبة للردود المتكررة فى كل موضوع ..
ده شىء طبيعى فى المواضيع اللى بتكون محتاجة ردود شكر وبس ..
يا اما تقول شكرا يا اما تقول ميرسى اوى :d
انما اقساام العاامة والنقااش والمقهى و .. و ..
دى اللى لازم ردودهاا تكوون مختلفة ومميزهـ ..
العضو اللى بيستسهل ويرد بنفس الردود فىى اقساام زى دى
ده شىء بيضايق فعلا .. ومش بيشجع الكاتب
لكن فى نفس الوقت مش نقدر نلومه طول ما رده باحترام ..

انا مش متفقة معآاكـ ..
لان دهـ مش حل ..
احنا كده بنوقف نشااط الموقع وبنمنع الاعضااء عن المشااركات ..
وبنلغى الغرض من وجود الموقع ده ..
للكل حرية فى الكتابة والتعبير سواء منقول او رد مكرر فى المواضيع ..
المهم الاحترام والاسلووب ..
وفى اعضااء جدد محتااجة انها تكتب بحرية وتظهر بيننا ..
وده من حقهم فى الموقع .. الموقع مكان حر للجميع ..
المهم الاحتراااااااام ..
وبانتظاار ردكـ علىى كلاامىى ..

يا سمسمه ده موضوع كبر الصراحه

ان كل عضو يجيب مواضيع قديمه
ويبداء يرض عليهاتانى اوك
مش فى مشكله لكن ان احنا الاقى
عضو اسمو فى التوبيك اربع خمس مرات ده مش يصح

احنا مش عاوزين مشركات يا جماعه

ومواضيع مميزه

مش موضوع نعمل عليه مشكله وضجه من غير سبب

انا لما قلت رائ
قلت عشان احد من اسلوب بعض الاعضاء

واححد بردو من حرب المشاركات

وانا بتفق معاه
فى كلمه حرب
المشاركات
لان تعالى احسبى ياسمسمه فى اخر اليوم المشاركات والمواضيع
هتلاقى فرق شاسع جدا

فبرجو من اسلام انو يقف فى الموضوع ده

والحاجه الاهم فى الموضوع ده كلو

الاداره

ده بعد اذن اسلام طبعا لانى مش ليه انى ادخل

بس دى حاجه انا شايفها

ان فى تفرق بين الاداره
وعدم اتفاق

ليه مش عارف

ده طبعا بعد اذن الاداره
اسلام وانجل

فياريت الاداره تكون حازمه شويه فى المنتدى

ويارب المشاكل الى فى المنتدى دى تعدى

لان كده ياجماعه
المنتدى بيرجع وره

مش قدام

واسف يا اسلام ويا انجل انى ادخلت فى شئ لا يعنينى

وشكرا

طائر القلوب

08-10-2009, 11:15 AM

مشكور على التوبيك الممتااااااااااااااااااااااااااااااااااز
مميز ة اعمالك دائما
الى الامام قدمااااااااااااااااااااا
وبأنتظار المزيد من الابداع
والتميز والرقي

أمير المنتدى

08-11-2009, 04:32 PM

شكرا لك

WaSsEeM FaThY

08-12-2009, 07:15 PM

بعد إذن اي عضو حيدخل

ياريت يعطف علينا بكرم اخلاقه

ويرد

ويناقش معانا

مش يقولي شكرا

ارجو ان الناس ترد وتناقش

-(" SmSmA ")-

08-13-2009, 03:13 PM

وسيم ..

خلى بالك فى قانون بمنع رفع المواضيع القديمة ..

والمفروض المشاركة المكررة تتحذف ..

ودى مسئولية المشرفين والمراقبين على الاقسام التى ليس لها مشرفين ..

لو شايف حد منهم اهمل فى مسئوليته تقدر تدخل الشكاوى ويبقى مش يستحق منصبه ..

انما احنا مش هنمنع الناس من انها تعمل مشاركات ونحدد حريتها ..

طول ما العضو مش بيخالف اى قانون يبقى مش فيه مشكلة ..

اسلام مش بيفرق بين اى حد من الاعضااء يا وسيم ..

ومهما كان العضو مؤثر فى المنتدى او صديق غالى ..

وغلط لازم ياخد عقابه ..

وافتكر ده واضح جدا اللى فى منصب مش يستحقه بينزل منه

واللى بيغلط بياخد بان ..

وبيكونوا اعضاء ليهم اسم كبير فى المنتدى

وده لانى عادل جدا وانا بحييه على سياسته الرائعة فى المنتدى

انت ممكن تزعل من الاعضااء اللى بتدخل موضوع زى ده وترد بشكرا

وليك حق لانى اتنرفزت جدا

انما لما عضو بيحب المنتدى وبيحب يعمل مواضيع علشان يفيدكم

ويعمل مشاركات علشان مش يبقى فى موضوع بدون رد

وعلشان ينشط المنتدى .. دى حاجه مش تزعل ..

وزى ما قلتلك فى اقسام الرد عليها مش بيكون اكتر من شكر

فطبيعى ان رده يتكرر ..

هو بقى بيقرا الموضوع او مش بيقرا دى حاجه ترجعله ..

انا عن نفسى برد على توبيكات كتير

بس عمرى ما اطلع من توبيك من غير ما اخد نص معلومة

لازم استفيد .. لان ده سبب دخول الناس للمنتديات .. الافاده

المناصب بتروح مع مرور الايام. والمشاركات ممكن تنزل مع اى تحديث

لكن المعلومة اللى هتعرفها هتفضل فى بالك

او ع الاقل بكون فهمت التوبيك بيتكلم عن ايه ..

مش رد وخلاص ..

وبانتظار اى تعليق لكـ ..

وليه خدت كلامى انا بس اللى علقت عليه :)

أمير المنتدى

08-13-2009, 04:21 PM

http://i42.tinypic.com/2i89i7n.gif

MaNoOoSh

08-13-2009, 05:23 PM

السلام عليكم ورحمة الله ..

في البدايه خالص بشكرك على موضوعك مع انه فيه اسلوب هجومى عالاعضاء بس طبعا ده لحبك وحرصك عالموقع ودى
حاجة انا بحييك عليها ..
ولازم نستمع لرأيك ونوصل لحل للمشكله دى او نفسر الاسباب الى من وجهة نظرنا ونعرف ازاي نقضي على مسمى
" حرب المشاركات "

وسيم بطرح عليك سؤال ..

هل المشاركات دى بناخد عليها فلوس ؟؟
او ناخد منصب او نترقي عشان المشاركات دى ؟؟

طبعا جوابي ليك لا لا لا ..

من الطبيعي يا وسيم ان واحد او وحده بيكون اغلب وقتهم عالنت وفي المنتدى تحديدا
وبيعملو مشاركات كتير ..

من حيث الرد او وضع مواضيع او لعب وغيره ..
يعنى ممكن الواحد بيعمل 500 مشاركة باليوم من غير مايحس ..

يعنى دى حاجة طبيعيه جداااااااااااا ..

اما لو انت لاحظت طريقه غلط في الردود ووضعها في مكان مش مناسب من باب اولى انك تبعت رساله
لشخص المعنى وتقوله على فكره شفت ليك رد غلط في مكان معين لو تكرمت صححه
باسلوب هادى ومحترم ومش هجومى

كده هيكون جميل جدا والنفس راح تتقبل كلامك لان اتوجهت ليه شخصيا افضل حتى لو كان نائب مدير او المدير شخصيا وقلتله يعنى صححت خطأ واكيد مش هيكون الخطأ
مقصود او زى ما البعض بيسميه بيعمل مشاركات وخلاص عشان يحصد اكبر عدد منها
لان انت مش دخلت جوات الشخص ده وعرفت انه عايز يجمع مشاركات او داخل حرب عشان يحصد اكبر عدد ممكن ..

المهم مش اطلع من الهدف المقصود ..

تحديد المشاركات زى ما ذكر قبل كده انه مش ينفع ..
لان المنتدى ماشاء الله كل مده ويكبر عن الاول لازم يتجدد بالمواضيع ونرد بردود مناسبه في المكان المناسب ..
فا بالمفروض انتم كمان تساهمو في ان المنتدى يبقي كويس ونشيط ..

ياريت كل واحد منكم لو يشوف غلط يتوجة لشخص الى شايفينه غلط وتنبهو برساله
او تحاولو تعرفو هو بيعمل كده ليه ..

لان مش حلوة اجى اقول ان فلان ده يعمل كده عشان يحوش مشاركات الى بوجهة نظرى دى حاجة عاديه
جدا لان احنا مش بناخد مقابل مادى عشانها ..

بالتوفيق للجميع ..

WaSsEeM FaThY

08-13-2009, 07:47 PM

مشكوره انجل لتفاعلك

بس بالنسبه اني اسلوبي هجومي علي الاعضاء

فهده لانكم شيفينه كده

ومش معني ان واحد من الاعضاء المحترمين اخد بان فاللي حصل ده مش بسببي

وهوه هدد الاداره وانتي عارفه ايه كان موقفي منه

وبعدين يعني غريب اني حاطط موضوع للنقاش

والاقي اعضاء تقولي شكرا وتسلم ايدك

طب عاوزه انا اعمل ايه

وبعدين منتدي الاشعار والخواطر الرومانسيه

منتدي شعر مش ينفع ادخل واقول

شكرا علي التوبيك المميز

الشعر مش توبيك دي خاطره رومانسيه

وبعدين مش ينفع الرد علي الشعر

بقولة (( شكرا علي الخاطره الرائعه))

لازم نقرأها ونعبر علي اللي احنا حسناه

ده كل اللي بتمناه من الاعضاء

سواء جديد او قديم او مراقب او رئيس اقسام

اسف

ومش تعتبروا كلام فيه اسائه لاي حد علي المنتدي بجد انتو زي اخواتي بالظبط ويمكن اكتر حبيتين

الياسرجى

08-13-2009, 07:48 PM

فعلا كلامك صح يا انجولاة وبحييكى ع مداخلتك الجميلة
وشكرا ع الموضوع وسيم
وتنبيهاتك لينا من اجل حرب المشاركات

MaNoOoSh

08-13-2009, 10:38 PM

ومش معني ان واحد من الاعضاء المحترمين اخد بان فاللي حصل ده مش بسببي

وهوه هدد الاداره وانتي عارفه ايه كان موقفي منه

انت سامحت بحقك وسيم وقلتلك الموضوع مش بايدى لان
الى بياخد بان من حد من الاداره مش مسموح ليا حتى وانا نائبه انى ادخل بحاجة غير لما صاحبها يعملها
..

وبعدين يعني غريب اني حاطط موضوع للنقاش

والاقي اعضاء تقولي شكرا وتسلم ايدك

طب عاوزه انا اعمل ايه

مش الكل يا وسيم بيحب يناقش ويتكلم عشان نجبر الناس ترد
مافي مواضيع بتنزل للاداره ومطلوب من الجميع يرد الى هما الاداريين سواء
مراقب ولا رئيس اقسم ولا مشرف ومشرفه
تلاقي بس عدد معين هو الى رد والباقي متفرج
ودى حاجة بتكون ضروريه
وفي تطنيش
هل وقفنا عليكم وقلنا انتم ليه مبتردوش ؟؟

ياريت تخلى عندك بس طوله بال ..

وبعدين منتدي الاشعار والخواطر الرومانسيه

منتدي شعر مش ينفع ادخل واقول

شكرا علي التوبيك المميز

الشعر مش توبيك دي خاطره رومانسيه

وبعدين مش ينفع الرد علي الشعر

بقولة (( شكرا علي الخاطره الرائعه))

لازم نقرأها ونعبر علي اللي احنا حسناه

معاك حق بالنقطة دى وسيم
بس مش معنى كده انى اقعد احط معلقه شعر عشان يعرف الى قدامى انى فهمت
او اندمجت بالكلام
انا مثلا احيانا مش كل احساس بحسه بطلعه لان وقتها مبكونش عارفه اقول ايه
او اطلع الى حسيته ازاي ..

فا بكتفي بالشكر افضل منى انا اخش اتفرج ولا اسيب كلمة شكر وحده
صدقنى الحكايه مش تجميع مشاركات بس مش حلوة الاقي مكان مفيهوش رد واسيبه
وامشي

اتمنى انك تكون فهمت وجهة نظرى ..

ده كل اللي بتمناه من الاعضاء

سواء جديد او قديم او مراقب او رئيس اقسام

اسف

ومش تعتبروا كلام فيه اسائه لاي حد علي المنتدي بجد انتو زي اخواتي بالظبط ويمكن اكتر حبيتين

بالعكس يا وسيم ..
انا جملتى الى بحبها وبرددها دايما ..

" الاختلاف بالآراء ,, لا يعنى اختلاف مع الشخص نفسه "

فا انا لو اختلفت بوجهة نظر مش يعنى انى مختلفه معاك ..

وشاكره لك تنبيهك ده ..
لان ده ينبع عن حبك وحرصك عالموقع ودى حاجة انا بحييك عليها ..
وربنا مايجيب اي مشاكل ..

واعتذر لو انا ضايقتك بكلامى ..
بالتوفيق ياباشا ..

أمير المنتدى

08-14-2009, 01:58 AM

الله يهديكم يا جماعة...

وأتمنى ان الموضوع ده يتقفل علشان مش يعمل مشاكل أكتر من كده

من فضلكم جميعا ومن فضلك مدير المنتدى...

MaNoOoSh

08-14-2009, 07:00 AM

الله يهديكم يا جماعة...

وأتمنى ان الموضوع ده يتقفل علشان مش يعمل مشاكل أكتر من كده

من فضلكم جميعا ومن فضلك مدير المنتدى...

ربنا مايجبش مشاكل امير ..
الموضوع محتاج لمناقشه ومعرفه للآراء مش اكتر ..
اتمنى من الجميع التفاعل بحدود الاحترام والادب ..

وشكرا

WaSsEeM FaThY

08-15-2009, 07:40 AM

الله يهديكم يا جماعة...

وأتمنى ان الموضوع ده يتقفل علشان مش يعمل مشاكل أكتر من كده

من فضلكم جميعا ومن فضلك مدير المنتدى...

يا امير احنا مش بنعمل مشاكل

احنا بنتناقش

وبعدين ولو في سوء تفاهم حضل بنا بنهدي الامور

وبنرجع احسن من الاول

ومنتظر من الاعضاء النقاش

حول الموضوع الهام

وبالتوفيق للجميع