يامشخلع انته يامشخلع .. وعجبى

[ViN DieseL]

ياليل ياعينى
انته هتغنى ادخل فى الموضوع
احنا كنا مستريحين من مواضيعك والله
يامؤمن
ايه الى جابك تانى


الى يخرج من داره يتقل مقداره ياعم

زقروم

طب ارغى ياعم الامور
ماشى ياعم

زقروم

بسم الله



ودى بقى حاجات بنشوفها ب عيونا...

كل يوم وكل دقيقة ورغم كدة!!!
الكل ساكت وتمام!!!????




مع انها حاجات تجننننننننننننن بجد:...
*******
1:ظهور المفتش كرومبو:
طبعا مسابقة عظيمة تشد الكبار والصغار ويخليك تتلهى وتمشى تشترى كروت شحن
عشان تتصل وتقول مين سرق كلية عزوز جلوكوز؟؟؟؟؟؟؟؟

طب تفتكر مين اللى سرق عقولنا اصلا؟؟؟؟؟

.وعجبى

*******
2:ظهور رغيف عيش مدعم:


على اساس اية مدعم؟؟؟ دة انت تقف قدام الطابور نص يوم

ولما توصل للشباك يقولك....عفوا لقد نفذ رصيدكم...
برجاء شحت رغيف من الرصيف اللى جمبك...

وعجبى

3 ظهور حملة ضد التدخين:

ياسلاااااااام يعنى هى دى اللى هتخلى الناس تبطل دخان؟؟


طب ماتقفل ام مصنع الدخان اسهل؟؟؟
وجت على التدخين هو اللى مضر ؟؟يعنى المبيدات والسموم فى الاكل تمام ؟؟؟؟؟؟؟

دة الناس اصلا بتكح تراب مش دخان .....
وعجبى

*********
4:بيقولك اللى بيتة من ازاز مايغيرش هدومة فى الصالون:


طب والناس اللى بيتهم اتهد...ومفيش غير الطوب

يحدفوا بية الدبابات والمدافع...والحدق يفهم

تفتكر يغيروا هدومهم فين؟؟؟
...وعجبى


5:لما ولد عايز يتجوز:


يقولك اناعايز بنت محترمة مش بتكلم حد ابدا...
وهو مكلم نص بنات البلد....واكيد صاحبة مكلم النص التانى


طب نجيب منين واحدة محدش كلمها
ودى طبعا مستحيل

.... وعجبى


**********
6:اتجوز واحدة محجبة ملتزمة:


وهو طول النهار بيتفرج على روبى وهيفا( والله عالم رايقه )


ويروح بيتة يقول جاتك القرف شوفى الستات (الكلام موجه للستات )
بس

شكلهم اية؟؟؟؟؟؟
ياعمنا هو حد كان غصبك على الجواز منها؟؟؟؟
.....وعجبى


**************
7:الحب اليومين دول:

الولد يقول للبنت :بحبك قوى
تقولة قد اية ياروحى؟؟؟؟؟؟؟؟؟ طبعا من تحت اسنانها
يقولها قد عيونى....


طبعا وهو حيلته غيرهم؟؟؟

خلى البت كدة تقولة نتجوز...وشقة ومهر...وشبكة
طبعا هينفض للحوار ويعمل واقع على ودنة وهو صغير...
ههههه وسمعنى سلام سيب الحب لناسو ...
وعجبى

8اهمية التعليم:


هموت واعرف استفدت اية من تعليم مصر ؟؟؟؟غير انك...
تعرف تكتب اسمك عشان تمضى على مخالفة تتعمل لك...
او انك تعرف تقرا اشتغالات الناس فى الجرايد الصبح....
لو ان محدش بيقرا جرايد وكلو شغال نت الله ينور
طب استفادتك من التعليم اية فى حياتك العملية؟؟؟؟ هههههه....وعجبى
والنبى ياجماعة لو حد لقى البروفيل دة مقفول ...او متشمع بالشمع الاحمر
يبقى يسال عليا فى .....طبعا عارفين فين!!!!!!!
وماينساش يجيب رغيفين وعلبة حلاوة الرشيدى الميزان...
عشان هو اللى واكل السوق

[جى جى]

هههههههههههههههههههههه والله عندك حق يا مؤمن ومتخافش انا هجبلك العيش وجوزى هيجبلك الحلاوه هههههههههههههههههههه:(89):وعجبى

[لولوا]

يسلموو على التوبيك
بس انا عندى اعتراض على التعليم فى ناس فعلا استفادة فى التعليم ومشكلة التعليم دى مشكلة الشعب لأن الناس هى اللى رفضة التعليم تباه مشكلتهم


http://smileys.smileycentral.com/cat/15/15_4_130.gif (http://www.smileycentral.com/?partner=ZSzeb001_ZNman000)شدة وتزول




http://www.smileycentral.com/sig.jsp?pc=ZSzeb113&pp=ZNman000 (http://www.smileycentral.com/dl/index.jhtml?partner=ZSzeb113_ZNman000&utm_id=7921)

[ViN DieseL]

شكرا يا احلى جى جى
بس ونبى اهم حاه الحلاوه تكون الميزان
لان صحتكو فى العلبه دى




شكرا لولوا على المرور يا قمر
وعلى رايك شده وتزول

[لميا]

خد بالك من نفسك بعد كدة انت لو فضلت كدة كتير ربنا يستر
ههههههههههههههههههههه

[ViN DieseL]

وحياتك انا كل يوم على هذا الوضع

بس تعالى زورى اخوكى بقى فى السجن

[لميا]

بس كدة انت تؤمر

[ViN DieseL]

انتى صدقتى يلههههههههههههههوى
هتبيعى على طول
كده

[لميا]

لا طبعا انا بهزر

[ViN DieseL]

طب فين بقى علبه
الحلاوه

ولا زياره وشماته بقى

[لميا]

اللهم لا شماتة اكيد فى عيش وحلاوة دة اقل حاجة

[ViN DieseL]

اكيد

[drakola_kiss]

مفيش احسن من الشخلعه
وهو حد يلاقى شخلعه وميشخلعش
شخلع نفسك يا بيه شخلعى نفسك يا هانم

تسلم يا مؤمن عالموضوع الجامد

[لميا]

انا معاك بس ساعات الشخلعة دة بتودى فى داهية

[ViN DieseL]

ما احنه كده كده فى داهيه

يبقى نتشخلع احس ما نتشخلع فى حته تانيه

شكرا لميا
شكرا دراك
على مروركو