المساعد الشخصي الرقمي

مشاهدة النسخة كاملة : الله يرحم أيام زمان

tutiy
02-13-2010, 10:24 PM
فين أيام زمان؟؟؟


يااااااااااااه والله نفسى أيام زمان ترجع تانى
مع ان ام كلثوم قالت"عايزنا نرجع زى زمان..قول للزمان ارجع يا زمان"
فين الخير والطيبة بتاعة زمان اللى خلاص مابنلاقيهاش غير قليل أوى
فى ناس كتير بتتألم بس محدش بياخد باله
ولكن الألم يولد مع القلوب الوفية ويموت فى قلوب.....الخائنيين
وهذه هى الحياة فصول قد تبدأ بفرح وتنتهى بألم.
كفاية كدة انا عارفة وجعتلكوا قلبكم
تعالوا نفتكر حاجة تانية


فاكرين حرامى زمان؟


كان يسرق حبل غسيل..شراب..منديل.. فستان
جوز فراخ من على سطوح الجيران
ويتفتش وينضرب ويتهان وينكسف على دمه ويسمع الكلام
وممكن يتوب ويكون من الناس الجدعان
هكذا الفارق الشاسع بين حرامى زمان وحرامى هذا الزمان
فما نسمعه من جرائم بشعة تجعلنا نترحم على حرامى زمان ونقول: أين ذهب زمن الاجرام الجميل؟


فاكرين اعلانات زمان؟


فاكرين الاعلان بتاع:
( كوفرتينا فى الصباحية..موافقين..تبقى الجوازة هنية...امووووووووه)
( كوفرتينا فى الخطوبة..موافقين..تبقى الجوازة مطلوبة...امووووووووووووه)
ولا اعلان(الواد كان عنده حق..عرفة الجامع)
ولا اعلان زيت اولين زيت الستات الشاطرين


فاكرين أيام زمان؟

فاكرين بوجى وطمطم و مازنجر و فطوطة
فاكرين الجيلى كولا واللبان السحرى
ولا الاتارى بتاع زمان وماريو
فاكر تليفزيون زمان ايام عروستى وسينما الأطفال

ياااااااااااااااااه هنفتكر ايه ولا ايه
بس فى النهاية عايزة أعرف(ياترى فى حد مش عايز ايام زمان ترجع؟ طب ليه؟)
yasoooo
02-13-2010, 10:42 PM
انا عن نفسي نفسي ترجع ومش نفسي ترجع

دلوقتى في ناس كتير قابلتهم وعرفتهم واتعلمت منهم مظنش انى كنت هلاقيهم زمان

وعلى فكرة لسة بجيب جيلي كولا :(124):
S e N a
02-13-2010, 10:53 PM
عوزنا نرجع زى زمان قول للزمان ارجع يا زمااان


بس بجد
مهما الواحد يكبر يحن لى ايام الطفولة ايام بجد مش هترجع تاااانى

بس على فكرة بقى

انا مخى صغير وممكن اعمل نفسى صغير :(94):
ma7moud
02-13-2010, 10:59 PM
نفسي ايام زمان ترجع تاني عشان كان للاجازه طعم حلو وبنلعب فيها دلواتي الاجازه يعني ملل وخنقه وياااااااااااااااااه علي اتاري زمان كان مشكله وكابتن ماجد ونينجا واللبان السحري كان حلو جدا.
بجد كان كل حاجه ليها طعم دلواتي لاء
بجد نفسي ترجع تاااااااااااني
ارجعي بقي .....
لولوا
02-14-2010, 08:23 AM
مهو انا لو رجعت مش هرجع ورا اوى بس والله كان الواحد وهو صغير كان كده نقى وميعرفش حاجه بس لما بيكبر بأه ويجرى مع الدنيا بيحس قد اه ايام زمان كانت حلوه كان عايش مرتاح البال مش قاعد على اعصابه بس مش اتمنى قوى ترجع مهى مهمن رجعت لازم نكبر لسه ياعم هخش المدرسه تانى واعيد كل حاجه لا دأنه اموت اهون.
يسلمووو على التوبيك الرائع دمت متألقhttp://static.iminent.com/toolbar/contents/images/bigemos/Messages/1.star.gif