وأخيييرا قابلته ( قابل الراجل اللى بيقولى لو معاك ربع جنيه هتعمل بيه ايه )

[drakola_kiss]

السلام عليكوا امانة ردووووه

ومن بعد الامانه تعالوا نسمع حدوته آخر السهر
حدوته بطلها الحقيقى هو

ال


ربع جنيه


قالوا فى الاعلانات
لو معاك
15قرش
هتعمل بيهم ايه ؟؟

وكانوا بالاجابة وفيين

دلوقتى
اتصالات بترخص سعر الدقيقة ل 15 تااااااااااشر قرش

مبروك يا مصريين عليكوا اتصالات


سؤال ملح لو سمحتوا .

ممكن الواحد ياخد 15 قرش ويروح لمحل اتصالات ويقولوا

حولى ب15 قرش لو سمحت

؟؟؟

ممكن

سكتوا !

يبقى ممكن

طيب وبعد لما عرفنا قيمة ال15 قرش اللى اتصالات رجعت قيمتهم

تعالوا واسئلكوا سؤال تانى

لو معاك

ربع جنيه

هتعمل بيه أيييييييه ولا اييييه ؟

اهو
الربع جنيه

زيادة 10 قروش

بريزة يعنى

لو حطينا عليهم

شلن
5 قروش ( دى الترجمة للاخوه الاجانب )

هيبقى معاك دقيقتين اتصالات


لو معاكوا ربع جنيه هتعملوا ايه ؟


وهنا

أقول أنا موقفى


ومن هنا تبدأ الحكاية


كان ياماكان
كان فيه شاب ماشى فى الشارع
مع أصحابه
فقالهم يا أصحابى انا نفسى أجيب لب
قالولوا متجيب واحنا ماسكينك
قالهم طيب أنا معايا
ربع جنيه
فى جيبى هجيب بيه لب
وبالفعل
قرب الشاب المصرى
وهو حاطط ايده فى جيبه
بيخرج
الربع جنيييييييييييييييه
وفعلا
حصل
وطلع الربع جنيه

وقرب بخطوات الواثق
المتمكن الفاهم
العاااااااارف بأصول بلده
الحائز على جائزة الدولة التشجيعيه فى التسامح
الطيب

قرب على ابو رجل مسلوخه

واقف جوه المقلة بيطلع عينين بارزتين من وراء نظارة قعر كوباية

وقاله

بربع جنيه لب سوووبر

رد ابو رجل مسلوخه
قائلا
تاخد حبه فى ايدك ؟
فرد الشاب
أينعم اخد فى ايدى .
فجاب شوية لب وحطهم فى ايد الشاب
رد الشاب
الله انت بتتكلم جد , هو مفيش بربع برضوا ؟
قاله
اه بتكلم بجد فيه بربع
قوله الشاب المسكين
أبو طقم فوق ال250
لا انت شكلك زعلت انى بقول هات بربع خد اللب بتاعك
وانا عايز الربع جنيه بتاعى

رد ابو رجل مسلوخه
أبو قميص جيوبة مطخوخه
وبنطلون مبقع من كتر الدوخه

لا والله ما زعلان

قاله
يا عم شكلك زعلان
والله منا واخد لب هات يا عم الربع جنيه بتاعى
وجه حاطط اللب مكانه فوقع كل اللب عالارض

قال ابو رجل مسلوخه
براحتك خد الربع جنيه بتاعك


أخينا الشاب مخدش اللب وخد الربع جنيه بتاعه
وأخينا المسلوخ اللب وقع عالارض ومخدش ربع جنيه

يعنى لو افترضنا أن اخينا الشاب
راح وقال لبتاع المقلة
هات شوية لب
كان هيفكروا شحات ويديله شوية أو ممكن يتريق عليه وميدلوش


ونفترض كمان

لو طلع أخينا الشاب 10 جنيه وقالوا هات بيهم
هيكون الرد ازاى
تحت امرك يا باشا
عايز بال10 جنيه كلهم ولا عايز ايه ؟
أؤمر يا امير


وهل يوجد فرق بين
25 قرش
وبين
10 جنيهات
؟
يمكن القرش مذكر فعلشان كده مدلوش
ولا الجنيهات مؤنث يديها

احترت كتير وقولت لما احيركوا معايا

هل ما فعله الشاب بان طلب بربع لب سوبر
ياريته طلبه عباد

خطأ فى حق البائع ؟

أم ان البائع معه الحق



دلوقتى جينا لسؤال حلقتنا انهارده


لو معاك ربع جنيه هتعمل بيه ايه ؟


1/ هرميه وادوس عليه واقول يا ربع الخايب .
2/ هقطعه نصين وبكده يكون معايا نص ونص يبقى جنيه .
3/ هقطع نصه وادى نصه التانى لحبيبى او حبيبتى علشان يفكر أنك مستقل بيه وبتقطع ربع جنيه
مش 200 جنيه ورقة واحده


اتصلوا الان واشتركوا
والاجابة الصحيحه
صاحبها هيفوز معانا
ب عشرييييين الف
ربع جنيه

تكريما للربع جنيه
هياخد الجايزة
رباع


الحقوا الفرصة واتصلوا


تليفون رقم / زيرو حداشر ربع جنيه بريزة
فاكس / اوديك فين يا ربعوعتى
او ابعتولنا على موقعنا
دبلو دبلو دبلووووم دوت ربع

ولو عايزين فرصة عظيمة عليها القيمة
فرجله حليب رايب

ابعتلونا رسايل مجانيه sms
اس سم اس
ورساله تكون فاضية

متكتوبش فيها

هتكسبوا معانا جايزة برنامجنا

ياله قومى يا نانا
قومى يا شرين

عالفوز احنا ناويين

ياله يا عبده
ياله يا حسين
هاتوا لبان السيد او ودنين
علشان مسابقتنا فيها
رباااااااع كتير وهتقدر تشترى بدل

بربع لب
تشترى








بربعيييييييييييييييييييييييييين




مساء الخير عليكوا
وبكرة

تصبحوا على خير

ومع ربع جديد من




رباعيات وراء القضبان

[Brave Heart]

ههههههههههههههههه


الربع جنيه كان زمان ليه قيمه كبيره

كان مصروفى ومصروفك يا درك

دلوقتى المصروف لو اقل من 5جنيه بتلاقى البوز شبريييييييين

الحقيقه ان بعض الناس بتتخدع بالمظاهر

ولو صاحب مقله اللب انسان عاقل وفاهم للحياه

مفيش فرق بين الربع جنيه وال 10 جنيه

لكن هتقول ايه بقى ^_^

وانا لو معايه الربع جنيه

هستخدمه وقت احتايجه

^_^

موضوع مميز منك يا درك

تسلم ايدك ^_*

[Senyorita GrEeN EyEs]

هههههههههههههههههههههههههههههههههههههههههههههههههههه
موضوع بجد جااااااااااااااااامد جداااااااااااا "دراكولا"

انا زمان وانا ف ابتدائى "الربع جنيه "ده كنت باخده مصروف
وكان والله ليه قيمة
دلوقتى اختى الصغيرة ع راى"بريف"ما بيكفيهاش "خمسة جنيه"ف اليووووم

ولو إديت لأى شحات "ربع جنيه" هيبقى ناقص يرميه ف وشك

شحاتين اخر زمن

بس أنا هقولك لو معايا "ربع جنيه"
هشترى بيه لبان:(89):

[الياسرجى]

الله عليك يا درك دة انا كنت معاك

فى الموقف وقاعد اضحك وقولتلك حتنزل

موضوع فى الاسطورة على الربع جنيه دة

ومعامله الراجل هل معامله الراجل

معاك عشان قيمه الربع جنيه مش بتجيب

شئ دلوقتى ولا الراجل البياع استغرب

من كلامك وفكر ان بتستهزاء بيه

ياااااااااااااااه يا درك الربع جنيه

دة زمان كان مصروفى ومصروفك ومصروف

الادمن زمان من امته مش عاوز اقولك من

15 سنه عمر يا درك بس بحييك على

طريقه القاءك للموضوع وبدايتك للموضوع

باينلى انك دائما مميز وبعدين

يا سيدى لماانت معاك ربع جنيه كنت

تقولى عشان اذود ربع جنيه منا كان معايه ربع

جنبك وتقول للبائع عاوز بنص جنيه لب

بس لو سمحت كل ربع لواحده

ههههههههههههههههههههههه

ههههههههههههههههههههههههههههه

ههههههههههههههههههههه

مرسى يا درك على موضوعك الجميل

[S e N a]

يااااااااااااااااااااااااااااااة يا دركولا

اول حااااااااجة ممبدع كالعادة

ممممممممممممممممممممممممممممممممم

الربع جنية دة بقى عندى انا ممكن بيفدنى فى بعض الاوقات

وزى ما قااااال اسلام لو فى حد عاااااقل مش هيعمل فرق بين الربع جنية والعشرة جنية

الى اتنين عملة وبتنصرف بس ابسط مثل للزمن دة اوخت جرين والى قالتة


ومش هى بس اى طفل صغير عااااد ببيوص على الربع جنية لو انتة ادنهولة

اكنك شتمتة بالظبط يا دراكولا

ابسط


مثال

عبد الرحمن العرينى انتة عاااافة طبعا استحااالة ياخد منى ربع جنية هيمشى ويسبنى


ومش بعيد يشتمنى بعد لما امشى

[لولوا]

هههههههههههههههههههههههههههههههههههه موضوع رااائع
بس والله الربع جنيه له قيمه بيجيب خمس لبنات او خمس كرملات او خمسه بمبونى او شوكلاته بس مش نوعيه يعنى فالربع جنيه له قيمه بس مع غلو الاسعار الربع جنيه اصبح اضعف الايمان والله فعلا حتى الخمسة جنيه مش بتكفى يوم واحد.
تسلم موضوع رااااائع دمت متألق http://static.iminent.com/toolbar/contents/images/bigemos/Messages/1.star.gif

[المتهور]

اولا احب اشكرك على تميزكـــ وإبداعكــــ

الربع جنيه
يا عينى عـــ الربع جنيه وحلاوة الربع جنيه وجمال الربع جنيه
انا زمان وانا صغير كان اما ابويا يدينى ربع جنيه كنت افرح اوى واقول ده ربع جنيه يعنى ثروة قومية

انما يا حسرة انا دلوقتى مباخدش اقل من عشرة جنيه كمان مش خمسة لان كل حاجة غالية اقرب مثال اركب مواصلتين تلاتة تلاقى الخمسة جنيه دى فى الباىباى

احنا المفروض بارضو نعذر الناس لان الغلا علينا وعليهم موش علينا بس

الموقف اللى عمله بتاع اللب ده موقف غبى المفروض مكنش يعمله بس مين بيعمل المفروض دلوقتى

موضوع مميز دارك

[tutiy]

يااااااااااااا دركولا
ربع جنية مين بس
دي اختي الصغيرة ال عندها 3 سنين والله مش بترضي تاخدة اصلااااا بترمية ف وشي :(91):


عايز اية تاني بقي
:(46)::(46)::(46):

[Black Dart]

ممكن ينفع بس لو رجعنا لـ زمان ... مابقاش في خير زي الاول ياعمنا ....
مبدع يا احمد ... كالعاده .. بس انت بتتكلم في شئ صعب !!
:(181):

[-(" SmSmA ")-]

انا لو مكان بتاع اللبان كنت خدت اللى بيقولى كده قلمين على وشه

آآآل بيقولى ربع جنيه !!

انا فى الحضانة كنت باخد مصروف ربع جنيه

كنت بجيب شيبسى وبسكوت ولبان ومصاصة

وكنت بجيب لوليتا وماما تزعقلى هههههههههههه :(121):

دلوقتى المصاصة ب 2 جنيه ونص :(180):

وكنت بجيب كيمو كونو واكسب كوبون

اديه لطنط فى السوبر ماركت واديها ربع جنيه واخد كمان كيمو كونو :(124):

ده لو واحد بيشحت واديتله ربع جنيه دلوقتى هيجرى ورايا بالطوب :(173):

كنت زمان بديلهم شلن ويدعولى دلوقتى جنيه مش بيعجبهم

شحات وبيتاأمر يعنى :(124):

..

بس لو فكرت بعقل

هقولك هيجى يوم وهتبقى محتاجله مش هتلاقيه !!:(180):

[Mad Max]

لو معايا ربع جنية

هشترى بية نعناع

الموضوع جامد يا ريس:(204):

[drakola_kiss]

ههههههههههههههههه



الربع جنيه كان زمان ليه قيمه كبيره

كان مصروفى ومصروفك يا درك

دلوقتى المصروف لو اقل من 5جنيه بتلاقى البوز شبريييييييين

الحقيقه ان بعض الناس بتتخدع بالمظاهر

ولو صاحب مقله اللب انسان عاقل وفاهم للحياه

مفيش فرق بين الربع جنيه وال 10 جنيه

لكن هتقول ايه بقى ^_^

وانا لو معايه الربع جنيه

هستخدمه وقت احتايجه

^_^

موضوع مميز منك يا درك

تسلم ايدك ^_*



اسلام شكل الدنيا كلها مبقتش بتعترف بيه خلاص
دنا لما بركب سيرفيس دلوقتى من محطة لزراعة 35 قرش طيب هنجيب البريزة منين ؟

لا انت تديله نص جنيه وهو يصهين عالباقى بجحة انه ممعوش فكه

يعنى البريزة ليها قيمة فى السرفيس
والربع جنيه ملوش قيمة عندنا ؟

برضوا ربك بيسلط ابدان على ابدان

ابن بنت عمى كان بياخد مصروفه اليومي 2000 جنيه بس 2000 جنيه زمبى
لما كان قاعد فى زامبيا
بمعدل 2 جنيه مصرى

فأكيد مش يعرف الربع جنيه !!!!!

لو جيت امسى عليه واديله ربع جنيه هيقولى ايه ؟

[drakola_kiss]

هههههههههههههههههههههههههههههههههههههههههههههههههههه

موضوع بجد جااااااااااااااااامد جداااااااااااا "دراكولا"

انا زمان وانا ف ابتدائى "الربع جنيه "ده كنت باخده مصروف
وكان والله ليه قيمة
دلوقتى اختى الصغيرة ع راى"بريف"ما بيكفيهاش "خمسة جنيه"ف اليووووم

ولو إديت لأى شحات "ربع جنيه" هيبقى ناقص يرميه ف وشك

شحاتين اخر زمن

بس أنا هقولك لو معايا "ربع جنيه"
هشترى بيه لبان:(89):




انتوا هتحسسونى اننا عندنا 70 سنه دحنا لسه يا جماعه فى العشرينات يعنى مفتش كتير على الربع الجنيه المصروف بتاعنا
بس على فكرة يا جرين
الخمسه جنيه اللى بتقولوا عليها
لو فعلا فيه حد بيدى 5 جنيه يبقى افترا

كده الطفل مش هيعرف قيمة القرش فى ايده

المفروض الطفل ميخدش اكتر من جنيه

علشان يعرف قيمة الفلوس فى ايده
ولا نسيبه لما يكبر ويلاقى نفسه كان عايش فى بغدده فى صغره ويكره عيشته لما يكبر

[drakola_kiss]

الله عليك يا درك دة انا كنت معاك


فى الموقف وقاعد اضحك وقولتلك حتنزل

موضوع فى الاسطورة على الربع جنيه دة

ومعامله الراجل هل معامله الراجل

معاك عشان قيمه الربع جنيه مش بتجيب

شئ دلوقتى ولا الراجل البياع استغرب

من كلامك وفكر ان بتستهزاء بيه

ياااااااااااااااه يا درك الربع جنيه

دة زمان كان مصروفى ومصروفك ومصروف

الادمن زمان من امته مش عاوز اقولك من

15 سنه عمر يا درك بس بحييك على

طريقه القاءك للموضوع وبدايتك للموضوع

باينلى انك دائما مميز وبعدين

يا سيدى لماانت معاك ربع جنيه كنت

تقولى عشان اذود ربع جنيه منا كان معايه ربع

جنبك وتقول للبائع عاوز بنص جنيه لب

بس لو سمحت كل ربع لواحده

ههههههههههههههههههههههه

ههههههههههههههههههههههههههههه

ههههههههههههههههههههه

مرسى يا درك على موضوعك الجميل



اهو الياسرجى كمان بيقولى من 15 تاااشر سنه
بتفكرنى بعبدالوارث عسر ( انا برىء برىء بررررىء من 25 سنه)
على فكرة يا ياسرجى

حسيت فيه انه مفكر انى بستقل بيه
بس افترضنا انا مش عايز باكتر من كده
عايز بربع جنيه بس ؟
ليه يفهم الجانب السىء اللى مكنش فى بالى
ويسيب الجانب الكويس اللى هو مش محتاج باكتر من كده
والمشكلة فى انى اقولك هات ربع جنيه من معاك امرها سهل

قولت ممكن اقطع الربع نصين ويبقى جنيه واجيب قرطااااااااس كبير

^_^

تسلم يا ريس
وانت كنت عارف انى هنزل الموضوع من وقت لما حكتلك
اصله ميتسبش

[Senyorita GrEeN EyEs]

الخمسه جنيه اللى بتقولوا عليها
لو فعلا فيه حد بيدى 5 جنيه يبقى افترا

كده الطفل مش هيعرف قيمة القرش فى ايده

المفروض الطفل ميخدش اكتر من جنيه

علشان يعرف قيمة الفلوس فى ايده
[/center]


والله ما إفترى يا دراكولا

الحياة هى اللى بقت غالية جداااااا

وهديك مثال
انا ايام الدراسة تقريبا بكون عايشة ف القاهرة

بجد هناك الحياة غالية فوق ما تتصور

مرة كنت عايزة اجيب كانز وبسكوت دفعت خمسة جنيه...!!
تخيل لما طالب كل يوم يدفع خمسة جنيه..!!
وتقولى قيمة الربع جنيه..!!

[drakola_kiss]

يااااااااااااااااااااااااااااااة يا دركولا


اول حااااااااجة ممبدع كالعادة

ممممممممممممممممممممممممممممممممم

الربع جنية دة بقى عندى انا ممكن بيفدنى فى بعض الاوقات

وزى ما قااااال اسلام لو فى حد عاااااقل مش هيعمل فرق بين الربع جنية والعشرة جنية

الى اتنين عملة وبتنصرف بس ابسط مثل للزمن دة اوخت جرين والى قالتة


ومش هى بس اى طفل صغير عااااد ببيوص على الربع جنية لو انتة ادنهولة

اكنك شتمتة بالظبط يا دراكولا

ابسط


مثال

عبد الرحمن العرينى انتة عاااافة طبعا استحااالة ياخد منى ربع جنية هيمشى ويسبنى



ومش بعيد يشتمنى بعد لما امشى




اهههههههههههههههههههههههه
يا عمرو والله عبدالرحمن ده عايز مسايسة بس
وبعدين يا عم الربع جنيه معاه ليه قيمة
وبرضوا هيشتمك
*_^

تسلم لمرورك يا معلم
والربع جنيه ده هيفضل طول عمره الربع جنيه بتاع زمان
مش هتنازل عنه ابدا مهما يكوووووووون

هههههههههه

[drakola_kiss]

هههههههههههههههههههههههههههههههههههه موضوع رااائع
بس والله الربع جنيه له قيمه بيجيب خمس لبنات او خمس كرملات او خمسه بمبونى او شوكلاته بس مش نوعيه يعنى فالربع جنيه له قيمه بس مع غلو الاسعار الربع جنيه اصبح اضعف الايمان والله فعلا حتى الخمسة جنيه مش بتكفى يوم واحد.
تسلم موضوع رااااائع دمت متألق http://static.iminent.com/toolbar/contents/images/bigemos/messages/1.star.gif


فى مصر والدول المتقدمة يا لولو
الربع جنيه بقى بيجيب
4 لبانات مش 5

وبرضوا نقول الربع جنيه سيد البلد

تسلمى لمرورك الجميل

[drakola_kiss]

اولا احب اشكرك على تميزكـــ وإبداعكــــ

الربع جنيه
يا عينى عـــ الربع جنيه وحلاوة الربع جنيه وجمال الربع جنيه
انا زمان وانا صغير كان اما ابويا يدينى ربع جنيه كنت افرح اوى واقول ده ربع جنيه يعنى ثروة قومية

انما يا حسرة انا دلوقتى مباخدش اقل من عشرة جنيه كمان مش خمسة لان كل حاجة غالية اقرب مثال اركب مواصلتين تلاتة تلاقى الخمسة جنيه دى فى الباىباى

احنا المفروض بارضو نعذر الناس لان الغلا علينا وعليهم موش علينا بس

الموقف اللى عمله بتاع اللب ده موقف غبى المفروض مكنش يعمله بس مين بيعمل المفروض دلوقتى

موضوع مميز دارك


الغباء كتر فى البلد يا برنس
بس مش للدرجادى
مش خفة الدم المصرية توصل بينا لكده
عندك ابسط مثال
ممكن انزل فى اليوم كذا مشوار
اركب التوكتوك ميكفنيش 7&8 جنيه مواصلات توكتوك بس
اينعم الغلا اثر عالناس
بس اللى ميقدرش قيمة الربع جنيه
ميستحقش يكون كبير
هيفضل طول عمره بتاع لب ويعيش ويموت بيبيع لب وتعيس مدى الحياة

أغلب رجال الاعمال الشرفاء
بدؤها بالربع جنيه ده

[drakola_kiss]

يااااااااااااا دركولا

ربع جنية مين بس
دي اختي الصغيرة ال عندها 3 سنين والله مش بترضي تاخدة اصلااااا بترمية ف وشي :(91):


عايز اية تاني بقي
:(46)::(46)::(46):



اختك الصغيره بحييها
مش انتوا اللى عودتوها على كده
تستاهلوا
*_^

[drakola_kiss]

ممكن ينفع بس لو رجعنا لـ زمان ... مابقاش في خير زي الاول ياعمنا ....

مبدع يا احمد ... كالعاده .. بس انت بتتكلم في شئ صعب !!

:(181):




الصعب هو ان الواحد يعيش ومش فاهم الدنيا حواليه ماشية ازاى
انما لو فاهم اللى قدامك يساوى ايه
وتلاقيه بيعمل حاجه اكبر من حجمه
فهنا تستغرب يا صاحبى

الف شكر يا جمل لمرورك الرائع

[drakola_kiss]

انا لو مكان بتاع اللبان كنت خدت اللى بيقولى كده قلمين على وشه


آآآل بيقولى ربع جنيه !!

انا فى الحضانة كنت باخد مصروف ربع جنيه

كنت بجيب شيبسى وبسكوت ولبان ومصاصة

وكنت بجيب لوليتا وماما تزعقلى هههههههههههه :(121):

دلوقتى المصاصة ب 2 جنيه ونص :(180):

وكنت بجيب كيمو كونو واكسب كوبون

اديه لطنط فى السوبر ماركت واديها ربع جنيه واخد كمان كيمو كونو :(124):

ده لو واحد بيشحت واديتله ربع جنيه دلوقتى هيجرى ورايا بالطوب :(173):

كنت زمان بديلهم شلن ويدعولى دلوقتى جنيه مش بيعجبهم

شحات وبيتاأمر يعنى :(124):

..

بس لو فكرت بعقل

هقولك هيجى يوم وهتبقى محتاجله مش هتلاقيه !!:(180):



بحب اوى الطفل اللى جوانا يتكلم
كنتى بتجيبى لوليتا وكونوا وتكسبى واحد كمان
بربع جنيه ده كله

طيب دلوقتى ليه مش بقينا نعرف قيمته
وليه كمان تحطى نفسك مكان بتاع اللب اللى بيقول عليه البرنس انه غبى
وانتى مكانتك محفوظة بنوته جميله

اشكرك سمسمه على مرورك اللذيذ

[drakola_kiss]

لو معايا ربع جنية


هشترى بية نعناع

الموضوع جامد يا ريس:(204):



ههههههههههههههههه
على النعمه انت اللى دماغك نعناع
سيبك انت من العالم اللى فوق دول

انا لو معايا ربع جنيه بقى

هكمل عليه 75 قرش واجيب كيلو طماطم

مرورك جميل يا ماكس تسلم يا مان

[yasoooo]

انا عن نفسي الربع جنيه دة ليه قيمة كبيييييييييييرة جداااا

دة انا بلمهم من البيت

انا معايا في المحفظة كميه اربع فوق ما تتخيلوا

انا مازلت معترفة بقيمة الربع الجنية

زى ما انت بتقول لما بتركب مواصلة بـ 35 قرش

بتديلة نص وينفض على الباقى

انا بقى محبوش ينفض

معايا ربع جنية احط عليه بريزة ويبقى كدة الـ 35 قرش

او لما تديله النص جنية تستنى الـ 15 قرش الباقى

زى ماهو عاوز حقه دة كمان حقك

واحنا دلوقتى في زمن الناس بتدور على الشلن مش الربع جنية كمان


وانا لو معايا ربع جنية................................ هحوشه :(47):

موضوع مميز منك كعادتك دراك

مستنين الربع الجديد :(32):

[المتهور]

الغباء كتر فى البلد يا برنس
بس مش للدرجادى
مش خفة الدم المصرية توصل بينا لكده
عندك ابسط مثال
ممكن انزل فى اليوم كذا مشوار
اركب التوكتوك ميكفنيش 7&8 جنيه مواصلات توكتوك بس
اينعم الغلا اثر عالناس
بس اللى ميقدرش قيمة الربع جنيه
ميستحقش يكون كبير
هيفضل طول عمره بتاع لب ويعيش ويموت بيبيع لب وتعيس مدى الحياة

أغلب رجال الاعمال الشرفاء
بدؤها بالربع جنيه ده





:(99):

فعلا
احنا اللى بايدينا نرفع قيمة الشئ
واحنا اللى بايدينا نقلل من قيمة الشئ

[AmiraOnLine]

http://photos.azyya.com/store/up1/080603162156qRo1.gif

[sweety nadosh]

لو معاك ربع جنيه هتعمل بيه ايه ؟


هشترى بيه حرنكش واديك واحدة حرنكشاية :wink::wink:

تسلم عالموضوع

حلو اووى

[-(" SmSmA ")-]

انا تانى :(37):


اركب التوكتوك ميكفنيش 7&8 جنيه مواصلات توكتوك بس



احنا عندنا التاكسى بياخد اقل حاجه تلاتة جنيه لو مشوار قريب ،

لو بعيد 5 او 6 :(37):


معايا ربع جنية احط عليه بريزة ويبقى كدة الـ 35 قرش



هى البريزة بتتصرف اصلا ؟؟ :(211)::(187):

انتو هتحسسونى انى من اسكوتلاندا ولا ايه

البريزة مش حد بيرضى ياخدها :(37): هو اقل حاجه ربع جنيه

^^

توبيك لذيذ يا درآاكـ :(153):

[S e N a]

اهههههههههههههههههههههههه
يا عمرو والله عبدالرحمن ده عايز مسايسة بس
وبعدين يا عم الربع جنيه معاه ليه قيمة
وبرضوا هيشتمك



ولله وماليك علية حلفاااااان

غلبت من عبدة لدرجة انوة خليتة ينطق ون بوند

علشان ياخد الجنية

[ظل احمر]

مشكور دراكولا على الموضوع الجميل ده لكن اكثر شىء اهدشنى هو تناولك ليه باسلوب ساخر

طبعا الموضوع مهم جدا و بيحمل اكثر من قضيه داخله لكن للاسف انت ركزت على السخريه

فى الموضوع اكثر من تركيزك على اهمية الموضوع و القضايا الذى يحملها

يمكن تكون شايف انه من وجهة نظرك اخطا فى تصرفه كبائع لكن للاسف لو اى انسان مكانه

كان هيكون اسلوبه بنفس اسلوب البائع و التحقير لعملة الربع جنيه متواجد من اصغر بائع

الى كبرى الشركات و لكن بتتفاوت طريقة التعبير عن حقارته من رايهم الشخصى

هنتكلم بلغة العصر لان لا يحكمنا سوى العصر الذى نعيشه باخطائه و مميزاته لاننا نحن المجتمع

و نحن العصر نحن و بالرغم من كوننا مجتمع ناطق الا ان هناك من يحكمنا فنقول فى النهايه المجتمع

ان تحقير قيمة الربع جنيه لا يعود لا شىء معين الا بسبب غلاء الاسعار و انحطاط قيمته كعمله

سواء على المستوى المحلى او المستوى العالمى كجنيه بقى مش ربع جنيه

و بالتالى انت بتقولى العشره جنيه زى الربع جنيه هقولك لاء و الف لاء ده كلام فض مجالس

و نظام بقى انت صاحبى و انا معاك لا طبعا هناك فرق و قيمه كبيره بينهم العشره جنيه يعنى ربح

سريع بالنسبه لهذا البائع و ليس ربحا سريعا فقط بل تداول البضاعه بسرعه مما يؤهله لاستهلاك

الاكثر و الاكثر و بالتالى يزداد الربح يا جماعه ان كان سيدور حوارا فى هذا الموضوع فليدور

بعقلانية و نظرة متفتحة لهذا العصر و ما يحويه زمان لما اخدت بريزه فى ايدى جريت فى الشارع

زى العبيط و قعدت اقول معايا بريزه مش مصدق نفسى لكن النهارده الواد بيكون لسه فى البيضه

و بيقول جنيه مينفعشى و اتنين مينفعوش و غيره يبقى ايه غير نظرة الطفل نفسه للجنيه او للربع

اكيد هو تحور العصر من حوله و رؤيته فى اعين من حوله ان هذا الشىء لا قيمة له و بالتالى

اصبح هناك احساس متولد فى داخله انه لا قيمة له عنده ايضا

واحد يقوله طيب ما الشركات الكبيره عملت الدقيقه فى المحمول بعشرة قروش هقوله اه

لان كل شركه مشترك فيها مش ااقل من 10 مليون او 20 مليون شخص و بالتالى البريزه دى

فى نظر اى شخص شىء تافه لكن فى نظرهم همه ملايين اخرى على مدار اليوم

يا جماعه يا ريت منعيبشى على البائع شىء زى ده لانه زيه زى اى شخص فينا بيدور على

المكسب السريع لان العالم من حوله ماشى كده

و مش هقول اعتقد لاء هقول انا متاكد انه لو اتحكم على اى شخص فينا يكون البائع تصرفه لن

يختلف كثيرا عن تصرف البائع و محدش يقولى لاء انا هبقى غيره لا طبعا لان بدون قصد

و باختلاف الادوار ليس الا ممكن تكون انت اصعب من البائع فى اى مجال تانى

ان حبيتم تطرحوا قضيه فاطرحوها على اساس من السبب فى هذا الجشع عند الناس

ان اردتم ان تطرحوا قضية فاطرحوا قضية محاسبة متاجرى العمله الذين جعلوا من عملتنا لا تساوى

شيئا داخليا او خارجيا على الصعيدين المحلى و العالمى

ان اردتم ان تطرحوا قضية فاطرحوا قضية تحاسبوا فيها رب البيت لا اهل البيت

يا ريت يكون راى وصل و اى حد شايف انى خطا فى كلامى هتقبل نقده و هرد عليه

بلاش ننقد شىء ممكن نكون بنعيشه كل لحظه بيتهيالى الاول ننقد انفسنا او اولى امرنا

ساعتها هحس ان القضيه ليها قيمه ام هنا فلا قيمه لاننا كلنا مشتركون بالجريمه

اسف للاطاله و شكرا دراكولا و تقبل مرورى

[drakola_kiss]

انا عن نفسي الربع جنيه دة ليه قيمة كبيييييييييييرة جداااا


دة انا بلمهم من البيت

انا معايا في المحفظة كميه اربع فوق ما تتخيلوا

انا مازلت معترفة بقيمة الربع الجنية

زى ما انت بتقول لما بتركب مواصلة بـ 35 قرش

بتديلة نص وينفض على الباقى

انا بقى محبوش ينفض

معايا ربع جنية احط عليه بريزة ويبقى كدة الـ 35 قرش

او لما تديله النص جنية تستنى الـ 15 قرش الباقى

زى ماهو عاوز حقه دة كمان حقك

واحنا دلوقتى في زمن الناس بتدور على الشلن مش الربع جنية كمان


وانا لو معايا ربع جنية................................ هحوشه :(47):

موضوع مميز منك كعادتك دراك

مستنين الربع الجديد :(32):



نقطة مهمه جدا اللى علقتى عليها ياسو
ممكن تلاقى واحد يقولك يا سلام متسيب ال15 قرش ليه دنتا جلده
ولما تعملى قدامه كده وتاخدى حقك وتدى الراجل حقه
تلاقيه بياكل فى نفسه من جوه
لانك طلعتى اجدع واحق منه

وانا من من منطلق كلامك بايد فكرة
الحصالة
ونجمع فيها الرباع
لبكرة

:(99):

[drakola_kiss]

لو معاك ربع جنيه هتعمل بيه ايه ؟


هشترى بيه حرنكش واديك واحدة حرنكشاية :wink::wink:

تسلم عالموضوع

حلو اووى

حراااااااااااااانكش
انتى لسه بتجيبى حرنكش
دى كانت ايام

تسملى يا سويت عالحرنكشاية

[drakola_kiss]

:(99):


فعلا
احنا اللى بايدينا نرفع قيمة الشئ
واحنا اللى بايدينا نقلل من قيمة الشئ



الف شكر لمرورك تانى مرة عمرو وفعلا
بايدينا احنا نرفع قيمة كل شىء

نبدأ بنفسنا

اشكرك على مرورك الرائع







والف شكر لمرورك سندريلا

[drakola_kiss]

انا تانى :(37):



نورتى مكانى :(121):


احنا عندنا التاكسى بياخد اقل حاجه تلاتة جنيه لو مشوار قريب ،

لو بعيد 5 او 6 :(37):


حال البلد كده هنعمل ايه


هى البريزة بتتصرف اصلا ؟؟ :(211)::(187):
اه بتجيب لوليتا

انتو هتحسسونى انى من اسكوتلاندا ولا ايه
انتى مصرية يا سمسمه انتى تايهه ولا ايه
اسكوتلاندا عملتها مش جنيه
:(116):

البريزة مش حد بيرضى ياخدها :(37): هو اقل حاجه ربع جنيه

^^
اقل حاجه الشلن:(188):

توبيك لذيذ يا درآاكـ :(153):



مرورك اجمل يا قمر
الف شكر لتانى مرة

[drakola_kiss]

ولله وماليك علية حلفاااااان

غلبت من عبدة لدرجة انوة خليتة ينطق ون بوند


علشان ياخد الجنية




اههههههههههههههههههههه
يا عم لما تشوفه ابقى امشى من شارع تانى
اصل جنيه كل يوم حرام عليك

[T1GER]

يا راجل

:(93):

[drakola_kiss]

مشكور دراكولا على الموضوع الجميل ده لكن اكثر شىء اهدشنى هو تناولك ليه باسلوب ساخر

طبعا الموضوع مهم جدا و بيحمل اكثر من قضيه داخله لكن للاسف انت ركزت على السخريه

فى الموضوع اكثر من تركيزك على اهمية الموضوع و القضايا الذى يحملها

يمكن تكون شايف انه من وجهة نظرك اخطا فى تصرفه كبائع لكن للاسف لو اى انسان مكانه

كان هيكون اسلوبه بنفس اسلوب البائع و التحقير لعملة الربع جنيه متواجد من اصغر بائع

انا فعلا كتبت الموضوع بسخرية
لانه السخرية اقرب الطرق للوصول للاهمية
وهذا لا يقلل من شأن الموضوع
لانه ببساطة لو مش مهم مكنتش نزلته
وعارف ابعاده ايه
تانى حاجه
حسيت من كلامك انك حطيت نفسك مكان البائع !
ليه محاولتش
تحط نفسك مكانى

؟؟


انت بتقول البائع او اى حد مكانه هيكون رد فعله كده
بقولك
انا لو مكانه
مش هيكون رد فعلى كده .
وواثق فى كلامى
لان ببساطة
ده راجل ارزقى بينزل شغله
اتحط فى ايده ربع جنيه مكسب يبوس ايده وش وضهر ويحمد ربنا
اتحط عشرة
ربنا كريم يرزق عباده
وزيادة الخير خيرين .

انما كونه تعامل بالطريقة دى يبقى اكيد حس بنقص فى شخصيته
واى حد مكانه هيعمل كده
يبقى للاسف
بيحمل على نفسه جامد وبرضوا يعتبر نقص فى شخصيته
.

اصل انا مش داخل سيتى ستارز بشترى احدث موبيل
ولا نازل اشرب كوباية كباتيشنو
فى ميراج

دنا داخل على مقلة
يعنى لب الشعب




الى كبرى الشركات و لكن بتتفاوت طريقة التعبير عن حقارته من رايهم الشخصى

هنتكلم بلغة العصر لان لا يحكمنا سوى العصر الذى نعيشه باخطائه و مميزاته لاننا نحن المجتمع

و نحن العصر نحن و بالرغم من كوننا مجتمع ناطق الا ان هناك من يحكمنا فنقول فى النهايه المجتمع

ان تحقير قيمة الربع جنيه لا يعود لا شىء معين الا بسبب غلاء الاسعار و انحطاط قيمته كعمله

سواء على المستوى المحلى او المستوى العالمى كجنيه بقى مش ربع جنيه

و بالتالى انت بتقولى العشره جنيه زى الربع جنيه هقولك لاء و الف لاء ده كلام فض مجالس

انا موضوعى مش دولى
موضوعى محلى ومن صميم المحليه
ولو بنتكلم عن الدولى والمحلى
يبقى اقولك
الربع جنيه زى العشرة جنيه
مش فض مجالس

مثال
( معاك بضاعة وعايز تبعها , وانت عارف تاجر يشتريها منك بس التاجر ده فى محافظة غير محافظتك
وانا معايا نفس البضاعه , وعارف واحد هيشتريها منى بس من بلدى
وبنفس السعر ونفس البضاعه
سافرت انت من محافظة لمحافظة علشان تكسب قرشين دفعت مواصلات 10 جنيه
انا ركبت فى بلدى مواصله ب ربع جنيه
ووصلنا
انت للتاجر بتاعك وبعت بضاعتك بنفس السعر اللى انا بعت بيه بضاعتى

انت صرفت 10 جنيه
انا صرفت ربع جنيه

والمكسب اللى انا وانت كسبناه واحد

هنا تقدر تقولى

العشرة جنيه اللى انت دفعتها
اختلفت كتير عن الربع جنيه ؟ )



و نظام بقى انت صاحبى و انا معاك

مفيهاش صحوبيه
فيه رأى
واختلاف الرأى لا يفسد للود قضيه


لا طبعا هناك فرق و قيمه كبيره بينهم العشره جنيه يعنى ربح

سريع بالنسبه لهذا البائع و ليس ربحا سريعا فقط بل تداول البضاعه بسرعه مما يؤهله لاستهلاك

الاكثر و الاكثر و بالتالى يزداد الربح يا جماعه ان كان سيدور حوارا فى هذا الموضوع فليدور

بعقلانية و نظرة متفتحة لهذا العصر

اقرأ المثال اللى كتبته


و ما يحويه زمان لما اخدت بريزه فى ايدى جريت فى الشارع

زى العبيط و قعدت اقول معايا بريزه مش مصدق نفسى لكن النهارده الواد بيكون لسه فى البيضه

و بيقول جنيه مينفعشى و اتنين مينفعوش و غيره يبقى ايه غير نظرة الطفل نفسه للجنيه او للربع

اكيد هو تحور العصر من حوله و رؤيته فى اعين من حوله ان هذا الشىء لا قيمة له و بالتالى

اصبح هناك احساس متولد فى داخله انه لا قيمة له عنده ايضا

الطفل عمره ميتولد جواه احساس بفقدان قيمة الشىء
الا اذا عودناه على كده
واحد اتولد لقى والده بيديله جنيه
هيفضل فى ذهنه الجنيه ده اكبر حاجه ليه مش اقل حاجه

وواحد اتولد لقى ابوه بيديله بريزة
هتفضل البريزة فى عينه
اكبر شىء

بترجع للتربية الاسرية



واحد يقوله طيب ما الشركات الكبيره عملت الدقيقه فى المحمول بعشرة قروش هقوله اه

لان كل شركه مشترك فيها مش ااقل من 10 مليون او 20 مليون شخص و بالتالى البريزه دى

فى نظر اى شخص شىء تافه لكن فى نظرهم همه ملايين اخرى على مدار اليوم

يا جماعه يا ريت منعيبشى على البائع شىء زى ده لانه زيه زى اى شخص فينا بيدور على

المكسب السريع لان العالم من حوله ماشى كده

و مش هقول اعتقد لاء هقول انا متاكد انه لو اتحكم على اى شخص فينا يكون البائع تصرفه لن

يختلف كثيرا عن تصرف البائع و محدش يقولى لاء انا هبقى غيره لا طبعا لان بدون قصد

و باختلاف الادوار ليس الا ممكن تكون انت اصعب من البائع فى اى مجال تانى

ان حبيتم تطرحوا قضيه فاطرحوها على اساس من السبب فى هذا الجشع عند الناس

ان اردتم ان تطرحوا قضية فاطرحوا قضية محاسبة متاجرى العمله الذين جعلوا من عملتنا لا تساوى

شيئا داخليا او خارجيا على الصعيدين المحلى و العالمى

ان اردتم ان تطرحوا قضية فاطرحوا قضية تحاسبوا فيها رب البيت لا اهل البيت

فيه مثل شعبى بيقولك
انا كبير وانت كبير مين هيربط الحمير ؟

انت كلامك كده متطابق مع المثل ده
بس
اقولك على حاجه

منبدأ بنفسنا أحنا ونبقى احسن من غيرنا
ليه بنحمل رب البيت كل حاجه
يا عم اعتبر نفسك انت رب بيتك
وخلى البداية من عندك
لو كل واحد
قال نحاسب الكبير
يبقى الصغير هياخد عالتواكل
ويستنى بقى لما يشوف رب البيت هيقدمله ايه
ولو مقدملوش حاجه
هيفضل طول عمره مستنى
لغاية ميموت



يا ريت يكون راى وصل و اى حد شايف انى خطا فى كلامى هتقبل نقده و هرد عليه

بلاش ننقد شىء ممكن نكون بنعيشه كل لحظه بيتهيالى الاول ننقد انفسنا او اولى امرنا

ساعتها هحس ان القضيه ليها قيمه ام هنا فلا قيمه لاننا كلنا مشتركون بالجريمه

اسف للاطاله و شكرا دراكولا و تقبل مرورى

جريمة ايه يا علوه
ومين اللى مشترك فيها
اولى الامر فين ؟
بين واحد داخل يشترى حاجه وواحد بيبيع
المسئلة سهله وبسيطة
مش كبيره ولا حاجه
ونقدك جميل جدا واستمتعت بيه
والف شكر على مرورك الرائع